WACHILI 10:6 - Bibilia Kui Mdedie fo Kimochi

⁶ Waisraeli wakawuta mawicho oshangunyi lo Mndumii-Ruwa wakasingia Mabaali, Maashtarothi na maruwa ha Shamu, ha Sidoni, ha Moabu, ha Amoni na ha Wafilisti. Wakada Mndumii-Ruwa ma walamwindie se.

WACHILI 10:6 ပူးပေါင်းရင်းမြစ်များ

1WAMANGI 11:33

Kipfa walenjida inyi wakaindia Ashtarothi, ruwa o kika o Wasidoni na Kemeshi, ruwa o Wamoabu, na Milkomu, ruwa o wana wa Amoni ma walahende kiidi kya njia tsako, na mwanduye yako cha Dawidi wandie.

1WAMANGI 11:5

Solomoni kaindia Ashtarothi awei ruwa o kika o Wasidoni, kaweosha Milkomu mkituwa o Waamoni.

1WAMANGI 11:7

Kuwode fumvu lii ora lo ngamenyi lo Yerusalemu, Solomoni kawika ho handu hedasia Kemoshi, mkituwa o Wamoabu, na handu hedasia Moleki, mkituwa o Waamoni.

1WAMANGI 16:31

Ngoseṟa, kudee ma mawicho ha Yeroboamu mana o Nebati, Ahabu chu nalealika Yezebeli mana o waka o Ethbaali, Mangi o Wasidoni; kasingia na iterewa Baali.

2WAMANGI 17:16

Walaindie mawawaso hose ha Mndumii-Ruwa, Ruwa owo, wakasungusia sanamu tsa maruwa ha mahache hawi hesalaṟa, wakawesungusia sanamu tsa ruwa o kika Ashera wakaindia shindo shose sha nginehu na iṟundia Baali.

2WAMANGI 23:13

Mangi kawefanyitsa ngafu handu heterewa hawei ora lo ngamenyi lo Yerusalemu kuhendesanyi na ora lo fumvu lya njonyamaṟo, handu mangi o Israeli awewikie kui kipfa kya Ashtarothi, kirumo kya Wasidoni, Kemoshi kiṟumo kya Moabu na ngoseṟa Milkomu kiṟumo kya Waamoni.

2MBONYI TSA MAHERI 28:23

Kipfa nalewuta shidaso ko maruwa ha wongo ha Damasko, sa walemuwinza shidenyi kechihamba, “Maruwa ha Washamu waletarama, koikyo kokoya ngaiinenga shidaso, kofia yechinjitarama na inyi da.” Kyaindi iṟunda li, lilemendie irumatso lyake na isanga lyose lya Israeli.

SHIIMBO SHA DAWIDI 106:36

Wakaṟundia mfanano yawo, nayo ikawa mdeho kowo.

YESAYA 23:4

Tisiki iyo Sidoni; kipfa ipalyipalyi lyadeda, omombo lo ipalyipalyi lulededa, njileicho mawawio pfo, ma njilefeepfo, njileembeṟa wanakepfo, ma wali wa wana.

YEREMIA 2:13

Kipfa, wandu wako wawuta mawicho kawi, walenjida inyi njii soka ya mṟinga fo moo wakasuma nduwa tsawo wamenyi, nduwa tsiifuna, tsilechiidima iwada mṟinga.”

YEREMIA 2:20

“Kipfa wokia mbooko iyo kuleleha isongoyo nyi inyi; koweleha injiindia na injiadapfuma. Kipfa huye ya kitoṟomoso kileshe, na wanda ya ikidi liwode maṟa mawishi nolehongoma kowuta mbonyi tsa wumeluki.

YEREMIA 32:23

Nawo waleshika wakaluwada na iluikolonyia. Indi walekuadanyia, manya iosha mawawaso hapfo-pfo. Walewuta chandu ulewawiapfo. Nyi kyo kyatewa wakoyane na mawicho ha.

EZEKIELI 27:16

Wandu wa Edomu nyi walewekapa mbucha na iyo kipfa kya mfoeṟa fo masaa hapfo. Ko ora lowo wameidima iambia masaa hapfo nyi walekuinenga akiki, shitambaa sha sambarao, shitambaa shishisungusie kiaria, kitani kicha matumbawe na yakuti.

NGUMBUO YA MAWAWASO 13:6

Kokoya manomayo moonga wee limu, ang'u mana opfo, ang'u mana opfo o kika, ang'u mkaopfo umkundi mnu nakamu, ang'u mbuya yapfo ya mrima, kakutuusa ko kiṟika kechikuwia, “Nnde luindie maruwa hengi, sa iyo kumonyi manya waku wanu mulawaichi;

NGUMBUO YA MAWAWASO 13:8

kulakunde iṟungo manya imwadanyia manya imwichio wukiwa, manya imlekia, manya imsuṟuma;

NGUMBUO YA MAWAWASO 31:16

Mndumii-Ruwa kawia Mose, “Wulalu notikiria isamana na wuyana, komepfa, wanduwa wechiwoka ilekana na inyi waoshane na maruwa hengi ha orukalo waihenda ikaa; wechilekana na inyi na ilekana na mkundana njilewika nawo.

NGUMBUO YA MAWAWASO 31:17

Nlyondi nyashi yako yechiwachea mkonufo, na inyi njechilekana nawo njiowishe kyamu kyako kuleshe nawo, wechikombetso. Mawicho hafoi na mawina shechiwarohia tane wakumbuo ke mawichoho hawahoya kipfa Ruwa owo ai kiidi kyawopfo.

NGUMBUO YA MAWAWASO 32:15

“Waisraeli walewa wasuṟi wakadekio Mndumii, Waleihuda wakachia kui fana, numa wakalekana na Mndumii-Ruwa alewawumba, wakapiṟa iṟaṟa lya, okiṟo lowo.

YOSHUA 13:31

kyenga kya Gileadi, Ashtarothi, Edrei, ii yose nyi iwenjichilie nyi mangi Ogu o Bashani; oruka lo nyi luleinengio wana wa Makiri awei mana o Manase sumuhana na mba tsawo.

WACHILI 10:5

Yairi kapfa kaṟiko ifo Kamoni.

WACHILI 11:24

Fuda na kilya ruwa opfo Kemoshi alekuinenga. Indi oruka lo lose Mndumii-Ruwa, Ruwa odu alefuna pfo wenyiwo, kaluinenga so ilo nyi oruka lodu.

WACHILI 13:1

Waisraeli walewewuta mawicho oshangunyi lo Mndumii-Ruwa, nao kawaleka waitoṟio nyi Wafilisti ko maka makumi hana (40).

WACHILI 16:23

Wanene wa Wafilisti wakakusanza kundu wachihio na iwuta mwano ko ruwa owo elaho Dagoni. Kyasia wakaimba, “Ruwa odu naluwikia mkituwa Samsoni mawokonyi hadu.”

WACHILI 3:7

Waisraeli wakawuta wunyamaṟi oshangunyi lo Mndumii-Ruwa; wakahadima Mndumii-Ruwa, Ruwa owo wakaindia Mabaali na Maashera.

WACHILI 4:1

Ehudi amepfa, Waisraeli wakawewuta-se mawicho oshangunyi lo Mndumii-Ruwa.

WACHILI 6:1

Waisraeli walewuta mawicho oshangunyi lo Mndumii-Ruwa, nao kawawika mawokonyi ha Wamidiani maka mfungade.

WACHILI 8:33

Gideoni amepfa Waisraeli wakawuuya maruwa ha Baali na ihaindia. Wakawika Baal-berithi nawe ruwa owo.

1SAMWELI 5:2

Naho, wakaduo isanduku lya Ruwa hekalunyi lya ruwa owo Dagoni na iliwika kufui na ruwacho owo.