WACHILI 10:16 - Bibilia Kui Mdedie fo Kimochi

¹⁶ Kiidima wakaṟukuta maruwa halya mahenu kuleshe, wakawuya isingia Mndumii-Ruwa menyi matorito. Mndumii-Ruwa nalaidime itirisia ngoseṟa iwona wukiwa wo wana wa Israeli wailiso.

WACHILI 10:16 ပူးပေါင်းရင်းမြစ်များ

MAWOOKIONYI 6:6

Mndumii kailacha mahiyo, kawado nyi fowa mrimenyi kipfa kya mndu o wandu alemwuumba iya wuyana.

2WAMANGI 13:23

Mndumii-Ruwa, kawasaṟia kawaichio wukiwa, kawaambuya, kipfa kya mkundano foke na Abrahamu na Isaka, na Yakobo, ma nalakunde iwarumatsa, ma nalawakumbe kuleshe na kyamu kyake.

2MBONYI TSA MAHERI 15:8

Kyasia, Asa kaicho madedo ha mwikimbi Azaria, mana o Obedi, kawanzo mrima. Kawuta sanamu tsilya tsesukiṟa tsiwekeri orukenyi lo Yuda na Benyamini, na iwuka mṟinyi yose aleiwada shidenyi kiidi kya mafumvu ha Efraimu. Kawesungusia ko wuhya rasio lya Mndumii-Ruwa, kulya kiṟihenyi kya osehu kya hekalunyi lya Mndumii-Ruwa.

2MBONYI TSA MAHERI 33:15

Nalewuta kuwuka hekalunyi lya Mndumii-Ruwa, masanamu hose ha maruwa ha mkambo ha wongo, handu hamu na rasio tsawo tsose sa tsiwenjisungusie fumvunyi lya mba ya Mndumii-Ruwa, na handu hengi hose mṟinyi fo Yerusalemu; kashikumba shose nja ya mṟi.

2MBONYI TSA MAHERI 7:14

Kokoya wandu wawalahe ko rina lyako wechikunyiṟa wamenyi, na iterewa, na iwalia kyamu kyako, na ida njia tsawo njiwicho, njechiicho shiterewo shawo kulya ruwehu. Njechiwahoṟia madeko hawo, na ioṟase oruka lowo.

SHIIMBO SHA DAWIDI 73:21

Mrima foko kiheri fulewona mawawio; kitsi kyako kikatocha.

YESAYA 63:9

Kiidi kya mawukiwa hawo hose aleduma ma malaika mowakiṟapfo; Nyio amonyi alewakiṟa; kawakiṟa kawaira kawaduo tete mafiri hose wokia kacha.

YEREMIA 31:20

Efraimu nyi manoko mkunde; o nyi manoko mkunde mnu. Nkyo kitewe orio mandi ngamwowesha, ngaweengeṟa imkumbuo. Mrima foko fumwindukie ko mecha; na lohi njechimsaṟia. Nyi inyi Mndumii-Ruwa ngahamba.

HOSEA 11:8

A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

HOSEA 14:8

Ambuya nyi wakeri iwuya wakae wanda ya wuringi woko, nyi wechioṟa cha dema licha lya msabibu. Wewada kiṟumi cha mvinyo fo Lebanoni.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

LUKA 15:20

Naalyo kakure kahenda kulya ko ndeye. Akeri handu sa haleshe alameshika, ndee kambona, kamwichio wukiwa, kakambia, “Kamchunguṟia nzingonyi, wakahekiana momu.

LUKA 19:41

Ashika kufui na yafukia, kawona mṟi fulya kafulilia.

YOHANE 11:34

Kahamba, “Nyi ku mumlaṟye?” Wakambia, “Njoo-wo Mndumii, noambuye.”

WAEFESO 4:32

Kya indi muwade mrima mhoo; muichyo mndu wukiwa mochihoṟyana muwenyi na wenyichando nao Ruwa alemhoṟya kui Kristo.

NGUMBUO YA MAWAWASO 32:36

“Mndumii-Ruwa nechikapanyia wandu wake na iichio waṟundi wake makulili, ili echiwona pfinya tsawo tsawasiia, manya kuipfo mndu atsuhaapfo, mpfungo ang'u alai mpfungo.

WAEBRANIA 3:10

Nawo walemewona mawuto hako maka makumi haana. Nkyo kimaduma njilelulia rika lyo lyose ngahamba, Suku tsose wakeri tangatanga na ngoo tsawo. Indi njia tso tsako wo watsiichipfo.

WAEBRANIA 4:15

Kipfa lulawode mkohanyi mnene alawechiidima iluichio wukiwa kya wufafa wodu indi ai mheshe kui shindo shose awehianyi naso wuta-pfo wunyamaṟi.

YOSHUA 24:23

Nalyo kawawia, “Henda wutenyi maruwa ho mahenu hakeri kiidi kyanu, oshenyi Mndumii-Ruwa o Israeli ko mrima fonu fose.”

WACHILI 2:18

Orio kiheri Mndumii-Ruwa amewadikia mchili, Mndumii-Ruwa nawekekaa na msongurucho; kawaashuo mawokonyi ha wakituwa wawo kiheri kyose kya moo fo msongorucho. Mndumii-Ruwa nalewaichio wukiwa mandi aleicho kieṟeṟo kyawo kya matuuro na mbaka walewutio.

1SAMWELI 12:10

Wandeanu walelilia Mndumii-Ruwa wechihamba, “Lulewuta wunyamaṟi cha kipfa lulekuda iyo Mndumii-Ruwa lukaṟundia Mabaali na Maashtaroth kyeluashuo kuwuka mawokonyi ha wakituwa wandu, naso lochikuṟundia.”

1SAMWELI 7:3

Samweli kawia Waisraeli, “Kokoya mowuya Mndumii-Ruwa na mrima fonu fose kimuwaṟi muwute ipfo kiidi kyanu maruwa mahenu na sanamu tsa Ashtarothi. Halukienyi Mndumii-Ruwa kui mrima fose na imṟundia o amonyi tupu, nao nechimukiṟa kuwuka mawokonyi ha Wafilisti.”

1SAMWELI 7:4

Ko ikyo Waisraeli wakakumba kuleshe sanamu tsa mabaali na maashtarothi, wakaṟundia Mndumii-Ruwa amonyi.