WACHILI 1:7 - Bibilia Kui Mdedie fo Kimochi

⁷ Adoni-bezeki kahamba, “Wamangi makumi mfungade (70) sa wawewadumbuo shimnyo shing'anyi sha mawoko na madende waledoduo mtsuhaṟo fo shelya shi ya mesa yako yeliia. Wulalu amenjitaa kiṟache kya shilya inyi njilewuta.” Wakamduo Yerusalemu, kapfiiyapfo.

WACHILI 1:7 ပူးပေါင်းရင်းမြစ်များ

1WAMANGI 21:19

Ummbie kochihamba, “Mndumii nahamba adi, ‘Ngesa nolewaha kundu uoṟe?’” Na iyo nochimbia kudi: “Mndumii nahamba adi, ‘Handu halya shite shilekombia samu ya Nabothi, shite shechikomba samu yapfo.’”

IWUKA 29:20

Kiidima noshinje isuwa lyo, noire samu yalyo, noiwike huya kudu ko Aroni ko ora lo kulyo, na huya madu ha kulyo ha wana wake, na kiidi kya shimnyo shinganyi sha mawoko hawo ha kulyo, na kiidi kya shimnyo shinganyi sha madende hawo ha kulyo, na inanatsia samuyo itengeta mbai na mbai ya rasionyi.

YESAYA 33:1

Ochia lopfo iyo okenyamaṟa, indi iyo ulanyamaṟo oketana mtambo, indi iyo ulatano mtambo, iyo utano mtambo! Ili mandi ochimarisa inyamaṟa, nochinyamaṟo iyo; na mandi ochimarisa itana kui mtambo, wo wechikuwutia kui mtambo.

SEFANIA 3:19

Ambuya mandi ho njechiwuwuya walya waikulisa wukiwa; njechichiṟa ulya ai ireteka, inyi njechisanyia ulya amfune; inyi njechiwahaluo wawe kiṟumi na rina, iwo wawei wapiṟe wuyanenyi kose.

WAROMA 2:15

Wo wamanyishye ke iwuta lilya wuwawaso wulya wuliwawasye likeri iṟehye ngoonyi tsawo wai waliṟingishye kui ngo tsa mrimenyi yawo na kui mahio hekeanduyana na yanguṟyana njowingo.

YAKOBO 2:13

Kyamba mndu alekesaṟya, mdumbuye ii yechimhoya inletsane na isaṟia. Isaṟia lyashika iwikyo kiṟumi na ipfo mdumbuyenyi.

OTAMBAHALUO LO YOHANE 13:10

Kokoya kwipfo aidao kipfungonyi nahende itano mpfungo amonyi. Kokoya kwipfo ekewaha wandu na oshu, na kimbaṟi nahende iwoho na oshu o amonyi. Nyihondo kukeri wukutirisi na wuidiki wo wandu wa Ruwa.

OTAMBAHALUO LO YOHANE 16:6

Kipfa nyi walepusuo samu ya waele na ya waikimbi. Na iyo kowewainengya samu wakunyoe. Nyi kiwawaṟi!”

WACHILI 1:6

Adoni-bezeki kadicha, kyaindi wakambingia, wakambada, wakamdumbuo shimnyo shing'anyi sha mawoko na sha madende.

WACHILI 9:24

Nyi wudo wandu wa Shekemu walehoṟoyo kimu na Abimeleki mana o wamayawo kipfa kya wunesi wulya walewutia wana walya makumi mfungade (70) wa Yerubaali. Ngapo i ya wuwahi ilewakooya kipfa Abimileki nalewaha kechitaramana na wandu wa Shekemu.

WACHILI 9:57

Kake Ruwa nalewetewa wandu wa Shekemu wahoṟuyo kipfa kya wuwicho wowo walewuuta. Ko ikyo oseso lo Yothamu mana o Yerubaali lukawakoya.

1SAMWELI 15:33

Samweli kahamba, “Kipfa kyapfo luletewa waka wafoi walawade wana, nyi wudo na mayo echikaa alawode mana kiidi kya waka.” Kamanyamanya Agagi shiteno shiteno oshangunyi lo Mndumii-Ruwa ipfo Gilgali.