WACHILI 1:27 - Bibilia Kui Mdedie fo Kimochi

²⁷ Wandu wa kishari kya Manase walefuna wenyi mṟi ya Bethsheani na shihongo shafo, Taanaki na shihongo shafo, Dori na shihongo shafo, Ibleamu na shihongo shafo, na Megido na shihongo shafo. Wakanaani walewekaapfo.

WACHILI 1:27 ပူးပေါင်းရင်းမြစ်များ

1WAMANGI 9:21

Kimu na oshari lowo iwo walelema irumatso nyi wa Israeli, Solomoni kawadika mhanda fo maṟunda heturo mṟasa inu.

2WAMANGI 23:29

Kiheri kya wumangi woke, Farao Neko o Misri kahenda mṟasa meda fo Eufrate kundu nakumbuhanane na Mangi o Ashuru. Nao mangi Yosia kakure kundu walimbane nao. Kyaindi Farao Neko kekimbona kambahia kulya Megido.

2WAMANGI 9:27

Ahazia mangi o Yuda kekiwona shilya shawutika kadicha wohenda mbenyi ya mdemi, kechiitumo nyi Yehu. Yehu kawawasa wandu wake, “Mbahenyi na icho.” Nawo wakamlasa na mfi akeri igarinyi njia yedo Guri hafui na mṟi fo Ibleamu. Kadichia Megido kapfiapfo.

IWUKA 23:32

Kulawade mkundana nawo manya handu hamu na maruwa hawo.

YEREMIA 48:10

Naolotsio oseso mndu moṟunda iṟunda lya Mndumii-Ruwa na wudoko; naolotsio oseso ichu moima oshu loke lulapusuo samu!

NGUMBUO YA MAWAWASO 7:2

Mndumii-Ruwa, Ruwa onu kamemaa iwika mkamboyo ingi mawokonyi hanu, mukamewinga wanduwo na iwarumatsa nakamu, manya mulawike mkundana fose nawo, manya mulawaichio wukiwa.

YOSHUA 21:25

Kiidi kya kyenga kya oruka lo Manase nyi waleinengo Taanaki handu hamu na mapata helisia shiuma, na Gath-rimoni na mapata hake helisia shiuma.

WACHILI 1:1

Yoshua amepfa, Waisraeli wakawesa Mndumii-Ruwa, “Mndumii-Ruwa nyi kishari kiha kyechiwoka ihenda ikapana na Wakanaani?”

WACHILI 1:21

Kyaindi wandu wa kishari kya Benyamini walefuna Wayebusi wawekyekaa mṟinyi fo Yerusalemupfo; nkyo kitewe Wayebusi wakeri handu hamu na wandu wa kishari kya Benyamini kulya Yerusalemu mṟasa inu.

WACHILI 1:26

Mnducho kasamia orukenyi lo Wahiti, kawikapfo mṟi kafudumbuya rina nyi Luzu; nyi wudo mṟifo fokelaho mṟasa inu.

WACHILI 1:28

Manya chandu Waisraeli wawewode pfinya walefuna Wakanaanipfo indi walewainenga maṟunda ha wusinga.

WACHILI 5:19

“Ipfo Taanaki, mbai ya soka tsa Megido, wamangi walecha, wakakapana, wamangi wa Kaanani walekapana indi walewada ma shindo sha fesa-pfo.

1SAMWELI 15:9

Kyaindi Sauli na wandu wake walawaahe Agagi, manya machondi hake mecha mnu, manya mmbe njicha, mahache, mahuṟuwi na isho shose shii shicha shilerumatsopfo. Kyaindi shindo shose shiwicho na shilawode wulole na wuhuru, shilerumatso.

1SAMWELI 31:10

Shisha shilya shake waleshiwika sinagoginyi lya ruwa lyawo Maashtarothi; kiidima wakamasa mbihu foke omombonyi lo mṟi fo Beth-shani.