WACHILI 1:18 - Bibilia Kui Mdedie fo Kimochi

¹⁸ Wandu wa kishari kya Yuda walewadase mṟi ya Gaza na ora lofo; Ashkeloni na ora lofo; na Ekroni na ora lofo.

WACHILI 1:18 ပူးပေါင်းရင်းမြစ်များ

1WAMANGI 4:24

Ee naweitoṟie oruka lose lo meda Eufrarte kya ora lo kyukanyi wokia Tifsa mṟasa mṟi fo Gaza, iwei kiidi kya wumangi woke, kawekuwadia ofoṟo na njoruka tsa mṟasenyi.

IWUKA 23:31

Na inyi njechikuwikia mṟasa fopfo wokia ipalyipalyi lya Shamu tane ipalyipalyi lya Wafilisti na kuwokia nuka tane medafo; cha kipfa njechiwika wenyi orukalo mawokonyi hapfo; na iyo nochiwafuna kuwuka oshangunyi lopfo.

YEREMIA 25:20

Na wandu wose walesangana hamu na wamangi wose wa oruka lo Uzi, na wamangi wose wa oruka lo Wafilisti, na Asheri, na Gaza na Ekroni na mtsuhaṟo fo Ashdodi.

YEREMIA 47:5

Wandu wa Gaza waodie ohaa wekapa kilio; mṟi fo Askeloni forumara. Lanye wandu wa Anahimu mletsuhaa, mṟasa indii mochikuwehaweha mui na mkuinadie?

NGUMBUO YA MAWAWASO 2:23

Waavi waweipfo wawokia kuwoka; kulya mṟinyi yawo ya wambaṟa ya Mediteranea tane Gaza. Wakaftori wawuka kiṟingiti kya Kaptori wakawamarisa, wakawada orukalo handu hawo).

YOSHUA 11:22

Ambuya kuwode mndu o oshari lo Anaki aledeo orukenyi lo Israeli pfo; nyi sa waangu tupu waletsuhaa mṟinyi ya Gaza, Gathi na Ashdodi.

YOSHUA 13:3

oruka lulusende nyi lo Wakaananyi kuwokia kimeda kya Shihori mṟasenyi na Misri mṟasa oruka lo Ekroni kya ora lo huye. Njoruka tsose tsa wamangi watanu wa Ufilisti Gaza, Ashdodi, Ashkeloni, Gathi na Ekroni handu hamu na oruka lo Avi,

YOSHUA 15:11

Nafo fukahendase kya ora lo huye lo Ekroni fukatengeta fukashika Shikroni, fukaidia fumvu lya Baala mṟasa Yabneeli, fukamarisikia ipalyipalyi lya Mediteranea.

WACHILI 14:19

Naalyo mumuyo fo Mndumii-Ruwa fukachea Samsoni ko pfinya ing'anyi, kahenda mṟinyi fo Ashkeloni, kawaha wandu makumi haṟaṟu (30), numa kaduo maṟao ha mkonu mnene kainenga walya waledambuo oṟayo lulya. Kiidima kahenda ko wafee wake aichuo nyashi.

WACHILI 16:21

Wafilisti wakambada, wakamtocha meso, wakamduo Gaza, wakampfunga ko pingu tsa aṟeṟa, na imwitika naṟunde iṟunda lyesaa mso ipfo kipfungonyi.

WACHILI 3:3

Wanene watanu wa Wafilisti, Wakaanani wose, Wasidonyi na Wahevi walesamia mafumvuhu ha Lebanoni kuwuka fumvu lya Baal-Lermonyi mṟasa ishika Hamathi.

1SAMWELI 6:17

Wafilisti waledika sanamutso tsitanu tsa sahabu tsa maode ko Mndumii-Ruwa shiwe mwano fowuto wunyamaṟi wowo, sanamu imu kipfa kya mṟi fumu: mṟi fo Ashdodi, mṟi fo Gaza, mṟi fo Ashkenoni, mṟi fo Gathi na ko mṟi fo Ekroni.