TITO 2:14 - Bibilia Kui Mdedie fo Kimochi

¹⁴ Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

TITO 2:14 ပူးပေါင်းရင်းမြစ်များ

MAWOOKIONYI 48:16

na malaika alenjiashuo mawichonyi hose nakewikia wanake wa mboṟa! Rina lyako lyisendo huyawo, na marina ha wande wako, Abrahamu na Isaki; nawo wawe mfoeṟa fo wandu kiidi kya oruka.”

SHIIMBO SHA DAWIDI 130:8

O nechiashuo Israeli na mawicho hake hose.

SHIIMBO SHA DAWIDI 135:4

Cha kipfa Mndumii nalekusambuṟia o Yakobo, na Israeli, wawe wandu wake nakamu.

IWUKA 15:16

Wuowu na fowa shilewaolokia; kui wuidimi wo owoko lopfo watsie sau cha iho; itane wandu wapfo wechiambada, Hoi Mndumii-Ruwa, Itane wandu wapfo wechiambada iwo kulewahuṟa.

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

EZEKIELI 37:23

Kyamba wechiidimase ikufanyitsa na sanamu tsa maruwa hawo manya mbonyi tsilya tsawo tsiwichuṟie manya ko madeko hawo sepfo. Ambuya njikeri ihenda iwakiṟa walakiwese wandu wenjidicha, chakipfa wahenda iwa wandu wako na inyi njiwewa Ruwa owo.

WALEWI 25:41

Maka fo kikuwaṟi nomsame nawuye na ko wandu wake, na kyoṟenyi kya wafee wake; mlekie nakae na wandu wake.

MALAKI 3:3

nao nechidamia cha mosanja fesa, nechihaluo wana wa Lewi waele, nechiwasanja cha sahabu na fesa, wechidasia Mndumii kui wulohi na wusumhanyi.

MAITALA 25:13

Ngateṟiana nao ke o na luwa lyake wechiwa wakohanyi mlungana kipfa nalewado nyi wunyenyi kipfa kyako inyi, Ruwa oke, kawikia Waisraeli kisanza.”

MAITALA 7:15

ipung'a limu likoho; isuwa limu, na kisuwa kimu kya maka fumu ko kidaso kemaya modonyi

MATAYO 1:21

Nao nyekaa nafee mana, na rina lyake nomlahe nyi Yesu; kipfa nyio ekaa nakiṟe wandu madeko hawo!”

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

MATAYO 3:12

Nyi awerie na kindo kyake kyeela na owoko loke, na-weahia na alya kiwuhehu kyake namae, mbeke-tso nasanyie alya kikumbinyi, indi muulu-fo nafu kore na modo fulechiruma.”

YOHANE 10:15

Chando nao Wande anjiichi inyi na inyi njiweichi Wande, Na inyi ngarekya machondi moo.

YOHANE 6:51

Nyio inyi nji mkate fu fo moo fusokie ruwehu. Mkate fu mndu ailya-ho nechikaa na moo mlungana. Na mkate fo njechimnenga mfo mbihufu foko njifulekia njiwonesye nafo wuyana wu moo.”

MAWUTO HA WASU 15:14

Simeon ameluongoya chando Ruwa aleasa isenguda wandu wahenu nakuwonye-ho mkambo fuu mdumbuye rina lyake.

MAWUTO HA WASU 15:9

Manya alewika-ho mletsano kiidi kyadu so nawopfo kaweheṟemtsa ngoo tsawo kui mwidikye.

MAWUTO HA WASU 20:28

Kekuṟisenying'u nyo muwenyi, mbelisa na ipoo lyose ilyo Mumuyo Mwele ambikye kiidi kyalyo wakaṟa kundu mochilisa wuarya siṟi ii ya Ruwa alekuwonya kui samu ya Mana oke amonyi.

MAWUTO HA WASU 9:36

Nahong'u na kulya Yope kuwepfo mka o kiloshyony ewio rina lyake nyi Tabita (nyi kimu na sariha.) Mka chu awei sa msanze mowuta mawuto mecha na isungusia shindo shetarama wakiwa.

WAGALATIA 1:4

Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAGALATIA 3:13

Nahong'u Kristo amelutalaa so oseso loluwukya mawikonyi halya kachekuwika shi ya oseso lo kelukaya-ho so kikawehendeka na wuitiki wo kilya kii kiṟehye, ke momasyo kidi-hu o ai msese.

WAEFESO 1:11

Ipfo koke mpfo kundo naso lomewonyo-ho kyadu luwesongwo isambuṟo nyio kui mteṟie fusumhanye ichu mowika shose kui chila ya mhie foke.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

NGUMBUO YA MAWAWASO 14:2

Cha kipfa nyo mui waele wa Mndumii-Ruwa, Ruwa onu; Mndumii-Ruwa amemusambuṟa nyo muwe wake kiidi kya wandu wose wa wuyanenyi kose.”

NGUMBUO YA MAWAWASO 26:18

Nao Mndumii-Ruwa nahamba napata inu kudi ke nyo nyi mui wandu wake o amonyi chandu aleteṟia, na ke mukundikie iwada mawawaso hake hose.

NGUMBUO YA MAWAWASO 4:20

Kyaindi nyo nyi wandu Mndumii-Ruwa alemuashuo kuwuka Misri kulya nungu nyi ya menya. Nalemuwutapfo kundu muwe wandu wake chandu mukeri wulalu.

NGUMBUO YA MAWAWASO 7:6

Wutenyi mudo kyamba nyo muiwashimbuo ko Mndumii-Ruwa, Ruwa onu. Kiidi kya wandu wose wa wuyanenyi nalemusambuṟa nyo kundu muwe mkambo foke o amonyi.

1TIMOTEO 1:15

Dedo liṟamtsu lisumuhanyi iindyo nyi wose likeri lile, ke Kristo Yesu amcha wuyana kundu nakiṟe wanyamaṟi, na inyi njii msongoru owo.

1TIMOTEO 2:10

Indi liwe lya kilya kisumhanye waka wakuhambie na wuowu woowuo Ruwa lii lya mawuto mecha.

1TIMOTEO 2:6

Nyio ichu alekudambika-ho amonyi ndalai ya italaa wandu wose ihendeṟingishyo ili indi maheri hayo halemshika ikoyo.

1TIMOTEO 6:18

Wawe wechisumba, wafeṟe mfeṟa fo mawuto mecha, wawe makitomoka wakundi ilekia.

TITO 2:7

Henda ikuwika-ho kumonyi kichano kya mawuto mecha ui na wusalari wo ipfo wupfundinyi, na mkuachie,

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 10:24

Na lukae lochiringana luwenyi na wenyi luhende yaaka kui makundano na mawuto mecha.

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

YAKOBO 4:8

Mutikirie Ruwa nao echimtikiria nanyo. Haramishenyi mawoko, nyo wanyamaṟi, ketanenyi-ng'u wo ngoo tsanu ngeha, nyo wenyi mrima iwi.

1PETRO 1:18

Kyamba muichi mochimanya ke chi kui shindo shesia ma fesa ma sahabu mulemhenda italao nasho mhendekienyi fonu fo shindo sha mai furianyi na shido sha waku walya wanupfo.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 2:12

Mochichumia ipfo kiidi kya wandu walaichi Ruwa ohendo lucha lusumhanyi kundu wo, ipfondo waimsutsa cha ili mui wambafu nyi hondo wakuwutie-ho iṟumisha Ruwa mkonu fo yanduo wechiambuya mawuto halya hanu mecha.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.

1YOHANE 1:9

Indi lukatocha manyamaṟo hadu o Ruwa ai mhendeli asumhany nechiluhoṟya manyamaṟo-ha na ilusanja hando hose lufanyi.

1YOHANE 3:2

Nyo mui wakunde wako, lukeri wana wa Ruwa wulalu. Indi mbika lochikaa nayo ilemewonekye-pfo. Luichi ke iliindi Kristo echicha nyi lochifanana nao, kyamba nyi lochimbona mbuka yake yose.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 5:9

Nawo wakaimba kiimbo kiihya kehamba, “Iyo usumhanyi yambya kitapu ki na ifunja mhuri yakyo kipfa nyi kuleshinjo kowetalaya Ruwa wandu kui samu yapfo wapaṟikye orio mpaṟikie na mdedye na mbaṟi na mkambo.