TITO 1:16 - Bibilia Kui Mdedie fo Kimochi

¹⁶ Wekehamba ke waichi Ruwa wai, indi nyi imkana wakeri kui mawuto halya. Wada owicho, wandu walehi walawa iṟunda kindo ki kicha ma kimu.

TITO 1:16 ပူးပေါင်းရင်းမြစ်များ

YOBU 15:16

Kyawa kida mndu o wandu adekio na ifana ngafu mndu o wandu ekewuta mawicho cha inyo mṟinga!

MFANANO 30:12

Kuwode kishari kya wandu wekutana wecha wo wawenyi; Walawasanje oko lowo.

YESAYA 29:13

Mndumii kahamba, “Kipfa wanduwa wekecha injiindia na madumbu hawo kyaindi mrima yawo ilekanyi na Inyi, na wuindi na wucha wowo nyi mloshie ya kiwandu.

YESAYA 48:1

Adanyienyi isho wandu wa mba ya Yakobo, mokelaho kui rina lya Israeli, muwukie mṟingenyi fo Yuda; mkelya nyamu kui rina lya Mndumii na isenda rina lya Ruwa o Israeli, indi chi kui lohi-pfo na chi sungusihu-pfo.

YESAYA 58:2

Kyaindi wekenjishiha orio mkonu; wakundi imanya njia tsako; cha wandu wa mkambo fuwutie wusumhanyi, welechida wuwawaso wo Ruwa owo, wakundi mawawaso ha wusumhanyi; wekechihio ikaa afui na Ruwa.

YESAYA 59:13

kiidi kya madeko na, lukadeda kui orikiki na inyamaṟa, lukakusaṟa madedo ha wongo na ihawuta mrimenyi.

YEREMIA 12:2

Kowawaaya wakado, wakang'ana na iṟaa ndunda, wekekusenda kui madedo hawo, indi mrima yawo ikeri haleshe na iyo.

YEREMIA 5:2

Ma wakahamba, “So Ruwa ai na moo.” Walya nyamu ya wongo.

YEREMIA 6:30

Wandu nyi wechiwalaha mbosha tsa fesa, kipfa Mndumii nawaleha.

EZEKIELI 33:31

Ambuyang'u wakeri icha oshangunyi lopfo makamba kui makamba cha wandu wako, wakawekuadanyia kilya ukeri iwaongoya, kyaindi wekewuta kilya owawia wawutepfo. Ambuya nyi wekehamba ke nyi wawode ikunda kyaindi nyi wakeri ipfula shilya shechiwainenga kiira kyawo tupu.

MAITALA 24:16

Oloho lo mndu aleicho madedo ha Ruwa, na mndu aichi wuṟango wo Ruwa ang'anyi mndu ekewona mawonesio ha Ruwa Menyipfinya mndu ekeadapfuma aambuṟo meso.

WAROMA 1:28

Nawo chando wawepiṟye ikaa na Ruwa ipfo kundo akuwatambaṟuye na wudo o Ruwa nyi alewalekia wahende furunjikya mhie yawo wechiwuta shilya ishiwuta.

WAEFESO 5:6

Mulawone mndu echimlemba na madedo ha wulya. Kipfa kya ishi nyashi ya Ruwa ikeri ichea wandu wa oleho.

1TIMOTEO 1:9

Echikusaṟa ke wuwawaso wui wuwike kipfa kya mndu asumhanyipfo, indi nyi kipfa kya walya wawuṟie wuchili walai kambenyi; walehanyi na Ruwa, wai wanyamaṟi, wai wambafu wenyi ngafu, iwo wekewuta wande na wama moo, wewaha wandu.

1TIMOTEO 5:8

Indi kokoya mndu alalisiṟie mbaṟi yake, mnu wa kanyi koke, nyio alekaana wuidiki awichuo kota mndu alaidikye.

2TIMOTEO 3:17

Kundu mndu o Ruwa nawe mtsane aa mteseheṟye kya iwuta orio wuto icha lyose.

TITO 3:1

Uwatamuṟye ke wakae wakuwike shi ya wanene wai wenyi-menge wechiwaidikya. Wakae wakuteseheṟye orio ṟunda icha lyose.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

1YOHANE 2:4

Mndu kahamba, “Njimwichi,” na mawawaso halya hake alahahendelye, nyi ai mowongo, na kilya kii-lohi kikeri naopfo.

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.

OTAMBAHALUO LO YOHANE 21:27

Indi orio kiwichuo kyose kyechiida nahopfo, manya mowuta kya wusutsu na kya wongo ote. Chila na walya wai-waṟehye ipfo kitapunyi kya moo kii kya Kidahina kilya wechiida napfo.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

1SAMWELI 15:22

Samweli kambia, “Ngesa! Mndumii-Ruwa nakundi ngoseṟa shidaso shekoṟa modonyi na mwano, kota iindia ṟu lyake Ambuya imwindia o nyi kicha kota mwano na imwadanyia o kota imwana na mafuda ha kioṟo.

1SAMWELI 15:24

Sauli kawia Samweli, “Ngamewuta wunyamaṟi. Ngameleha wuikimbi wo Mndumii-Ruwa na iwawaso lyapfo, kipfa kya ili njileowuo wandu, ngawaindia wo.