SHILIO 5:5 - Bibilia Kui Mdedie fo Kimochi

⁵ Lukaeri iṟunda cha nzoi ang'u ngamia, lukawina luwode momu fo siamoo pfo.

SHILIO 5:5 ပူးပေါင်းရင်းမြစ်များ

YEREMIA 27:2

Mndumii nanjiwia adi, “Yeremia, akiṟa shilukuta na nira uṟae ipfo nzingonyi.

YEREMIA 27:8

“Na kechiwa isanga lyo na mangi ulya alakunda iṟundia Ndebkadreza mangi ya Babeli na iwika nzingo tsawo kiidi kya shipfungo sha mangi ya Babeli, inyi njechikapa isanga lyo ko oshu na ko njaa, na ko ndaṟe ya makokoi itane njechiwaarisa ko owoko loke.

YEREMIA 28:14

Kipfa Mndumii o matorito Ruwa o Israeli nyi ahamba adi, ‘Ngawika oṟo ya menya kidi kya nzingo ya masanga hose kundu waṟundie Nebukadneza mangi ya Babeli. Njechimnenga mando ha ngeṟa hose na ha oruka.’”

YEREMIA 51:58

“Inyi Mndumii-Ruwa Menyi Matorito ngahamba, omombo lulandari lo Babeli, lochiwunduyo mṟasa wanda, na mongo yake njileshe yechirumatso na modo. Wandu wakeri itambahana kya wulya, wandu wa mkambo waikuwinyisha kipfa mtsitsionyi fowo nyi modonyi.”

SHILIO 1:14

“Ambuya nyi aletala madeko hako hose, kahawumbia handu hamu; kahapfungia nzingonyi yako cha oṟo. Wulemeri woho wukanjisoka pfinya tsako, Mndumii-Ruwa nyi alenjiolotsa mawokonyi hawo, wandu njilawewode pfinya yelimbana nawo.

SHILIO 1:3

Wandu wa Yuda nyi walehenda wusingenyi handu hamu na matuuro na wusinga wung'anyi. Ambuya wulalu nyi wakeri kiidi kya wandu wa mkambo, manya wawodese handu heonyonyiapfo. Iwa nyi walewaosha na iwawadia kiidi kya mawukiwa.

SHILIO 4:19

Walya waweluosha wakaanguo kota owishi, wakalufuna ipfo mafumvuhu, wakawelutukia ipfo kundu ko nuka.

MIKA 2:3

Ko ikyo Mndumii-Ruwa nahamba adi; “Njiṟeheṟa imuendie nyo mawicho, mulechiidima ihaowia. Kechiwa kiheri kiwicho konu, ma mochiidima ihenda wo kushela pfo.

MATAYO 11:29

Kekudikenyi ngada njioke nyi inyi muche kuloshyo nyi inyi! Kyamba inyi nyi mhoo njikeri na mokunyinyiṟa kui mrima. Naho mochiwona koonyonya ko mrima yanu.

MAWUTO HA WASU 15:10

Kyasiang'u le nyi kiili muihesha Ruwa na ipfungya wa kiloshyonyi kidi kya nzingonyi, sa wande yadu ma so luleleidima ikiduo.

NGUMBUO YA MAWAWASO 28:48

Ko ikyo mochiṟundia wakituwa wanu sa Mndumii-Ruwa echiwaduma konu, mochiwado nyi njaa, wuangari na mukae kitaṟe na iwuṟa orio kindo. Nechimupfunga na menya nzingonyi tane amurumatsa.