SHILIO 5:2 - Bibilia Kui Mdedie fo Kimochi

² Oruka lodu nyi luleo nyi wandu wahenu; na mba tsadu nyi tsileo nyi wahenu.

SHILIO 5:2 ပူးပေါင်းရင်းမြစ်များ

SHIIMBO SHA DAWIDI 109:11

Mowesa narakuo shindo shose awode, wahenu waduo masaa ha iṟunda lyake.

YESAYA 1:7

Oruka lonu nyi wukiwa; mṟi yanu injirumatse nyi modo; oruka lonu, wahenu waluliiye oshangunyi lo meso hanu; nalo nyi wukiwa, ke luirumatse nyi wahenu, cha irumatse lya Sodoma.

YESAYA 5:17

Nyi lyondi shidahina sha machondi, shechilya maṟa hasho shishenyi, kiidi kya mṟi iya iledeo ilawode mndu ikasamo, wahenu wechilyapfo kando.

YESAYA 63:18

Wandu wapfo waele waleitoṟia oruka ko kiheri sa kifui. Wakituwa wadu wakacha wakanyamaṟa handu hapfo haele.

YEREMIA 17:4

Kyoṟa kyapfo kechidekadeka kiidi kya mawoko hapfo kumonyi, njechikuhaluo isinga lya wakituwa wapfo orukenyi ulaluichi kipfa modo fo nyashi yako fuaka na ikoṟa fulechiruma.”

YEREMIA 6:12

Mmba tsawo tsechiwa tsa wandu wengi; madema na waka handu hamu shechiwa sha wandu wengi; kipfa njechihoṟotsa owoko loko huye ya wenyi orukalu, Mndumii ahamba.

EZEKIELI 7:21

Mndumii nechiinengia wandu wahenu wusuṟi wo wonu, nawo wahende ifanyitsa handu ha.

EZEKIELI 7:24

ambuya njechiende wandu wahenu wai wawicho, nawo nyi wechioṟa mba tso tsanu, na alya handu haele moketerewia nyi wechifanyitsa ho. Ikudosa dosa konu njechifuṟunja na alya handu haele nyi wechifanyitsaho.

HOSEA 8:7

“Ambuya nyi wakeri iwaya otanu, nawo waihenda isambuo kiwiriwiri. Ambuya shilimu shawo shikeri mdemenyi, shechioṟa shilimu pfo. Manya kokoya shechikumbia shilimu sho nyi shechilio nyi wahenu.

HOSEA 8:8

Waisraeli wawameṟe, Nyi wasanganyi sanganyi na wandu wa mkambo, wamekuwia mbocha piu.

SEFANIA 1:13

Na wusuṟi wowo wochidao wusingenyi, mba tsawo tsechiwa njisame, wechiwika mba indi walechikaapfo; wechiwaaya ndunda tsa msabibu indi wechinyo mvinyopfo.