SHILIO 1:5 - Bibilia Kui Mdedie fo Kimochi

⁵ Wakituwa wake nyiwo wafuikolonyie, nawo nyi waloṟie ing'ana. Kyamba Mndumii-Ruwa nyi alefukapa kipfa kya madeko hafo hafoi. Wana wa mṟifo nyi wawaduo wusingenyi kuleshe.

SHILIO 1:5 ပူးပေါင်းရင်းမြစ်များ

2WAMANGI 21:15

Njechiwawutia isho kipfa kya injinyamaṟia na injisuiṟa wokia wandee wawo wawuka Misri mṟasa inu.”

SHIIMBO SHA DAWIDI 80:6

Nolutewa lukawa kiloyo ko wa mṟasa wadu, na wakituwa wadu waiseka wo wenyi ko wenyi.

SHIIMBO SHA DAWIDI 89:42

Kuleṟumisha owoko lo kulyo lo watuuri wake; kochihiṟa wose wamsuo.

YESAYA 22:5

Kipfa mkonu fo wukiwa, mkonu fochumochumo, mkonu fo kilafumbi fukeri icha fuwukie ko Mndumii, Mndumii menyi Matoṟito, kiidi kya pichi lya shiwonesio; iwunduo njomombo, na ifihiṟia mafumvu.

YESAYA 63:18

Wandu wapfo waele waleitoṟia oruka ko kiheri sa kifui. Wakituwa wadu wakacha wakanyamaṟa handu hapfo haele.

YEREMIA 10:20

Ihema lyako lilenyamaṟo shiwoho shalyo shiledumbuka; wana wako walenjida wakakuhendia kowo; kuwode ma umu monjitarama ihoṟotsa ihema lyako-pfo, ma iala nguwo yehawa kyamba-pfo.

YEREMIA 12:7

Mndumii-Ruwa nahamba adi, “Ngada mba yako, ngakumba kuleshe kyoṟa kyako, Israeli ai mkunde oko o mrima, ngamdambikia mawokonyi ha wakituwa wake.

YEREMIA 23:14

Kiidi kya waikimbi wa Yerusalemu, ngawona idedo liwichuṟie mnu mnu; wekeṟuhuya, wakachumia wawode wongo, wakawanza mawoko hewuta wunyamṟi; kulakaepfo ma umu awuya na ida wuwicho woke; wose piu wakawa cha Sodoma, Koko na wenyi wawo cha Gomora.

YEREMIA 39:9

Kyasia Nebuzaradani, mnene o waringi wa mangi, kaduo osamiṟonyi Babeli, wandu wawetsuhee mṟinyi na walya walekudambika koke na wandu walya wose waweipfo.

YEREMIA 5:29

“Ngesa njitae kiṟache kipfa kya isho? Mndumii ahamba; Na mrima foko njilafutaye kiṟache kiidi kya mkambo fu fo wandu.”

SHILIO 1:16

“Kipfa kya ikyo njikeri ifihiṟa, mchenyeṟe ikeri ipusuka, ambuya njiwode mndu ose monjiwihiṟia moo pfo; keambuya kuwode monjiwihiṟia moo pfo. Wana wako nyi waledeo ngueda, kyamba wakituwa wako nyi wanjiwinga.

SHILIO 1:18

“Ee ambuya Mndumii-Ruwa nyi awuta kya wusumhanyi, kyamba nyi njilemina idedo lyake, nyo wandu mose kenjiadanyienyi, ambuyenyi matuuro hako. Kyamba wana wako wa kika na wa kisoṟo, nyi waledao wusingenyi

SHILIO 1:8

Yerusalemu nyi ulewuta wunyamaṟi sa wuwicho, fukokufanyitsa kipfa kya wunyamaṟi wofo. Wose wawefuṟumishie wakafumina, kyamba nyi walewona fui kitaṟe. Wakawesumukia na ikuṟika kipfa kya sonu.

SHILIO 2:17

Kyamba Mndumii-Ruwa nyi awuta kilya awekusirie, nyi aawutsia shilya awehambie, chando aweikusirie wokia mboko, cha kipfa nyaṟumatso kulawode osaṟio lose; nyi ainenga wakituwa wachihiyo kipfa kya ngapo yapfo, kyamba nyi aṟumisha ngohoda tsa wakituwa wapfo.

SHILIO 3:46

Wakituwa wadu wose nyi wailusalucha na ilukapia mang'aang'o.

EZEKIELI 9:10

Kyaindi inyi njewaichio wukiwa ma iwasaṟiapfo, njechiwataa kya isho shose walewuta.”

EZEKIELI 9:9

Nao Mndumii-Ruwa kanjihaluo, “Wunyamaṟi wo mba i ya Israeli na Yuda nyi wung'anyi mnu. Orukalu luichuo wuwahi na mṟi fu fuichuo iwonyia, nawo nyi wekehamba, ‘Mndumii nalelukumba nao ekewonasepfo.’

NGUMBUO YA MAWAWASO 31:29

Kipfa njiichi ke ngamepfa kya lohi mochiwa wanyamaṟi na ilekana na njia iya njilemuwawasa muioshe. Na mafiri hechicha mochicheyo mandenga kipfa mochiwuta mawicho oshangunyi lo Mndumii, na imsukiṟa kui mawuto hanu mawicho.”