SHILIO 1:18 - Bibilia Kui Mdedie fo Kimochi

¹⁸ “Ee ambuya Mndumii-Ruwa nyi awuta kya wusumhanyi, kyamba nyi njilemina idedo lyake, nyo wandu mose kenjiadanyienyi, ambuyenyi matuuro hako. Kyamba wana wako wa kika na wa kisoṟo, nyi waledao wusingenyi

SHILIO 1:18 ပူးပေါင်းရင်းမြစ်များ

1WAMANGI 13:21

Kafihiṟia mndu ulya o Ruwa alewuka kiidi kya Yuda, kehamba, “Mndumii nahamba adi, ‘Kipfa kya ifunja iwawaso lya Mndumii, kulakunde iwada wuwawaso wo Mndumii-Ruwa opfo.

EZRA 9:13

Ma chando shindo sho shose shileluhoya kipfa kya njonyamaṟo tsadu na mkao yadu njiwicho, luwonyi nalelukapa sa kitutu koṟinganyisha na mawicho ha hadu chandu hawefoi. Koweludase na moo so waangu lukeri iya.

NEHEMIA 9:26

Kyaindi wandu wa walekuhendelia-pfo, wakakuleha, wakaweleha mawawso hapfo, wakawewaha waikimbi walya walewaikimba ikuhalukia, nawo wakawuta mawicho hang'anyi mnu.

NEHEMIA 9:33

Ambuya chandu ulelukapa nyi kisumhanyi, cha kipfa iyo nyi ui mhendeli, kyaindi so luwei wewuta wunyamaṟi.

SHIIMBO SHA DAWIDI 107:11

Kipfa walelekana na madedo ha Ruwa, wakapiṟa kyama kyake icho ai huye.

SHIIMBO SHA DAWIDI 119:137

Hoi Mndumii, Iyo nyio uwode wusumhanyi, ma mdumbuye yapfo nyi ya wuhoṟotsu.

SHIIMBO SHA DAWIDI 119:75

Njiichi ke mdumbuye yapfo nyi ya sungusihu, Hoi Mndumii, na kui wuhendeli wopfo kulenjituura,

SHIIMBO SHA DAWIDI 145:17

Mndumii nawode wusumhanyi njienyi tsake tsose, nyio menyi osaṟio huye maṟunda hake hose.

IWUKA 9:27

Farao kaduma wandu, kalaha Mose na Aroni kawawia, “Kambalyi inyi njii mdeko; Mndumii-Ruwa nyio menyi kiilohi, na inyi na wandu wako luiwawicho.

YEREMIA 12:1

Mndumii-Ruwa iyo noi mwele, ma chando njideda na iyo. Na njikundi ideda na iyo kui mbonyi tsa wulohi. Nki kitewe wandu wawicho wawode sia, wandu wewuta sha mkika wakawada ofoṟo?

YEREMIA 32:23

Nawo waleshika wakaluwada na iluikolonyia. Indi walekuadanyia, manya iosha mawawaso hapfo-pfo. Walewuta chandu ulewawiapfo. Nyi kyo kyatewa wakoyane na mawicho ha.

YEREMIA 4:17

Cha wandu wairinga mdemi, wafutengetie riti, kipfa walenjileha inyi, Mndumii ahamba.

YEREMIA 49:12

Mndumii-Ruwa nahamba adi: “Kokoya walya walawewaṟi inyo kikombe kya ngapo na wakinyo, ngesa iyo nochideo ulawode ngapo? Ote! Ochiwuṟa ngapo pfo; na kikaki na unyo kirahu kyo!

SHILIO 1:12

“A ngesa nyo mukuidia na njia musaṟawo kindo? Keambuyenyi! Kuwode mndu alemewado nyi fowa mrimenyi cha inyipfo, Mndumii-Ruwa alenjiendie, keambuya chandu njilewa indo lipiṟe.

SHILIO 3:42

Nyi lulekunyamaṟia na ikudicha, hoi Mndumii-Ruwa, kyaindi iyo omeluhoṟiepfo.

SHILIO 5:16

Shindo shose luwekekushela nasho nyi shilesia shose. Ochia lodu kyamba nyi lulewuta wunyamaṟi.

DANIELI 9:5

Lulenyamaṟa, lukawewada ngoo njiumu, lukatana mawicho, lukakuda iyo, ee da, lukaweda mawawaso hapfo na chile tsapfo.

DANIELI 9:7

Hoi Mndumii-Ruwa wokia mlungana wukiilohi wui na iyo, kyaindi kodu kuwode iṟeenze itane inu; wandu wa Yuda, na wenyi Yerusalemu na ko Waisraeli wose, wai kufui na kuleshe, kiidi kya njoruka tsose ulewafuna, kipfa kya madeko hawo walekudekio.

AMOSI 8:13

Maheri ho wana wa waka wecha na wanake wechiuma na iomboka kipfa kya nyoda.

SEFANIA 3:5

Mndumii nyi awode wusumhanyi; echiwuta wunyamaṟipfo, orio ngamenyi nekeloṟa wucha woke alatsitsa; indi mndu mnyamaṟi nechisonu.

ZEKARIA 1:6

Indi madedo hako na mawawaso hako njilewawasia waikimbi, waṟundi wako, ngesa, wandeanu walehawona? Wakawuya ihaluka wehamba, chando Mndumii menyi matorito aweteseheṟie iluwutya, chando kiwewaṟi mawuto hadu, na wudo alewewuta kirianyi na mawuto hadu.

WAROMA 2:5

Na orikiki lu lopfo na wuumu wo ngoo ilakunda imhalukia sho shekuwiia tewe okuruwia kumonyi tuuke ya Mkonu fulya fo tuuke fomanyisha mdumbuyo fusumhanyi fo Ruwa.

WAROMA 3:19

Kya indi luichi ke isho wuwawaso wuhambye nyi woshiwia walya wai shi ya wuwawaso kundu orio dumbu lipfumbo na wuyana wose wuwone wuu-wuhutsye owingo sumuhana na Ruwa.

NGUMBUO YA MAWAWASO 32:4

Mndumii-Ruwa nyio Iṟaṟa lya okio; maṟunda hake nyi haawukie, njia tsake tsose nyi tsa wusumhanyi. Onyi Ruwa mhendeli alawode ideko, o nekewuta mbonyi tsa wuhendeli na wusumhanyi.

WACHILI 1:7

Adoni-bezeki kahamba, “Wamangi makumi mfungade (70) sa wawewadumbuo shimnyo shing'anyi sha mawoko na madende waledoduo mtsuhaṟo fo shelya shi ya mesa yako yeliia. Wulalu amenjitaa kiṟache kya shilya inyi njilewuta.” Wakamduo Yerusalemu, kapfiiyapfo.

1SAMWELI 15:23

Ilekana nao nyi kimu cha wunyamaṟi wo ihenda ndashenyi, na utimbiri nyi kimu cha wuwicho na iindia shindo shipache na mawoko. Kyipfa kya ili aleha iwawaso lya Mndumii-Ruwa, nao nakuleha kulawe mangi.”