SHILIO 1:17 - Bibilia Kui Mdedie fo Kimochi

¹⁷ “Ambuya njikeri iiriya mawoko hako huye, manya kuwode monjiwihiṟia moo pfo. Mndumii-Ruwa nyio alewuta wuwawaso ado kyako inyi Yakobo, wamṟasa wako wawe wakituwa wako, Ee, inyi Yerusalemu nyi ngawa kindo kidaa kowo.

SHILIO 1:17 ပူးပေါင်းရင်းမြစ်များ

1WAMANGI 8:22

Kyasia Solomoni kahoṟoka sumuhana na rasio ya Mndumii hamu na mamiingi fo Israeli, kalesha mawoko hake ruwehu,

1WAMANGI 8:38

hoi uicho shiterewo sho shose shechiterewo na wandu wapfo, Israeli, ang'u shechiterewo na mndu ose ulya ang'u wandu wose wa Israeli, orio mndu kamanya mhanda fui kiidi kya mrima foke, kakuterewa kechileshia mba i mawoko hake.

2WAMANGI 25:1

Mkonu fo ikumi fo meri fo ikumi fo maka fo kenda fo wumangi wo Sedekia, Nebukadneza mangi o Babeli nalecha na wandu wake wa mbahanyi, kakapana na mṟi fo Yerusalemu, kafutengetia, kawika oṟiho kaṟingichia riti.

KOHELETI 4:1

Kyasia ngawona mbonyi tsilawode wuhendeli, shose shekewutika kunu orukenyi, mchenyeṟe ya iwo walewonyio, walawewode mowaadanyia wukiwa na ora lo walya walewonyia kuwewode pfinya indi kuwode mowasaṟia pfo.

YESAYA 1:15

Nanyo mkahoṟuo mawoko hanu, njechishinga meso hako njilechimuambuya; yee, mukaterewa shiterewo shifoi njechiichopfo; kipfa mawoko hanu haichuo samu.

YESAYA 54:11

“Iyo umlise wukiwa, kowedao nyi kiwiri-wiri, ulekewa ilemba-lemba ambuya njechiwika maho ha fana njicha na otende kui maho ha wuhuru wung'anyi.

YEREMIA 12:9

Ngesa kyoṟa kyako kyawa cha ndehe iwode matoṟetoṟe. Ndehe njiwawo tsedamia njora tsose. Henda sanyienyi ndehe na mando hengi, hai na moo halya malanga'a hache halye.

YEREMIA 15:5

Nyiu echimusaṟia nyo wandu wa Yerusalemu? Nyiu echikapa kilio huye yanu? Nyiu echihoṟoka iwesa mbonyi tsanu?

YEREMIA 16:6

Wose wang'anyi na watutu wechipfa. Kiidi kya orukalu; wechiṟiko-pfo, kochiwoneka mowakapia kilio pfo, kuwode mokusaṟasaṟa na iwuta njui tseawuka pfo.

YEREMIA 34:22

Inyi Mndumii-Ruwa ngahamba: Njechiwawasa nawo wechiwuya mṟi fu. Wechifusaṟikia, wafuwade na ifurumatsa na modo. Mṟi ya Yuda njechiihaluo iwe mrapu ilawade mndu.’”

YEREMIA 4:31

Kipfa ngaicho ṟu lya ifihiṟa cha mndu mka kiheri kyake kya mawawio, ṟu lya mndu aiwawio, cha mndu mka afee mana oke o kuwoka, ṟu lya mana o waka o Siyoni, aikuwanza naidime isanyia pfinya, na ihoṟuo mawoko hake kechihamba, ochia loko wulalu, kipfa ngalehela oshangunyi lo wawaahi.

YEREMIA 6:3

Walisi na mapo hawo ha machondi wechimchea; wechihoṟotsa mahema hawo kufui nawo njora tsose; indi wechilisa orio umu handu hake.

YEREMIA 8:18

“Nyiku njechiende sia njilawode ikuinadia? Mrima foko foangalala na iichuo wukiwa.

SHILIO 1:16

“Kipfa kya ikyo njikeri ifihiṟa, mchenyeṟe ikeri ipusuka, ambuya njiwode mndu ose monjiwihiṟia moo pfo; keambuya kuwode monjiwihiṟia moo pfo. Wana wako nyi waledeo ngueda, kyamba wakituwa wako nyi wanjiwinga.

SHILIO 1:19

“Ambuya nyi njilelaha wakunde wako, kyaindi wakanjilehia. Wakohanyi wako na wameku wako, nyi walepfiiya mṟinyi, wechipfula kelya, kundu kiwawihiṟiye moo.

SHILIO 1:2

Nyi wakeri ifihiṟa kio kyose mchenyeṟe ikeri ipusuka. Ambuya kuwode manya umu o wambuya wake akeri imsaṟiapfo. Mbuya tsake twose nyi tsilemṟiingia wose nyi walehaluka wakituwa wake.

SHILIO 1:21

“Keambuyawo chando njikeri isumukia; kulawoneke monjisaṟia. Wakituwa wako nyi waleicho mawukiwa hako. Wakachihiyo kipfa kya ili ulenjiidikia ngapo. Keawutsiawo kyasa uleteṟia mkonufo fushike, uwakape walye wukiwa cha inyi.

SHILIO 1:8

Yerusalemu nyi ulewuta wunyamaṟi sa wuwicho, fukokufanyitsa kipfa kya wunyamaṟi wofo. Wose wawefuṟumishie wakafumina, kyamba nyi walewona fui kitaṟe. Wakawesumukia na ikuṟika kipfa kya sonu.

SHILIO 1:9

Ngafu yake nyi ilewono na pata, indi wo walasaṟe kya mtsitsionyi fofo. Ioloka lyake nyi lyiweng'anyi mnu; kulakaepfo msa echiidima iwawihiṟiya moo. Wakahamba; “Keambuyawo wo hoi Mndumii-Ruwa maturo hako, kyamba mkituwa oko nyio awa mbinzi.”

SHILIO 4:15

“Hendenyi! Hendenyi!” Nyi wudo wandu walewafuna, “Nyo nyi mufanyi ngafu manya mulakuwashe naso. Wakakuṟahia ṟahia kiidi kya mkambo ya wandu kulakaepfo manya umu alewaambia.

EZEKIELI 36:17

“Iyo mndu! Ili mandi Waisraeli wawekeri kulya orukenyi kowo, nyi walelufanyitsa ko mchumie na mawuto hawo. Ambuya nyi njileṟinganyisha mawuto hawo cha mndu mka ili akeri kiidi kya mfiri yake.

HOSEA 8:8

Waisraeli wawameṟe, Nyi wasanganyi sanganyi na wandu wa mkambo, wamekuwia mbocha piu.