SHIIMBO SHA DAWIDI 72:3 - Bibilia Kui Mdedie fo Kimochi

³ Mafumvu hechifeeye wandu ofoṟo, na shitoṟomoso wusumhanyi.

SHIIMBO SHA DAWIDI 72:3 ပူးပေါင်းရင်းမြစ်များ

SHIIMBO SHA DAWIDI 65:12

Koweinenga shii na moo kando, shifumvu shikaṟaa sia.

SHIIMBO SHA DAWIDI 72:16

Kuwade mboṟa ya mso fufoi, mademehu hai fumvuhu, ndunda tsaho tsifo cha tsa Lebanoni, Na wandu wa mṟinyi waleheke cha maṟa ha orukenyi.

YESAYA 45:8

Ombokenyi, nyo ngina wuka huye, Mapuchi haletse wulohi; Oruka luṟuhuke luende okiṟo, Nalo luwute wulohi shidosane, Inyi Mndumii, njilewika ishi.

YESAYA 52:7

Chandu hai mecha mafumvuhu Madende ha ichu arie mbonyi njicha, Ichu aionguo ofoṟo, Arie mbonyi njicha ko shindo shicha, Ichu aionguo ofoṟo na Okiṟo, Aiwia Sioni, “Ruwa opfo naikolonyia!”

YESAYA 60:17

Handu ha aṟeṟa njeende sahabu, Handu ha menya njeende fesa, Handu ha ikidi njeende aṟeṟa, Handu ha maho, menya; Njechihaluo walya wekuhoṟokia wakuhoṟokie kui wukiilohi na ofoṟo na wusumuhanyi.

DANIELI 9:24

“Ambuya chandu ki kiteṟie, maka mfungade ka makumi mfungade (490) kya wandu wako, na kya mṟi foko mwele, kundu njechitirimisha wunyamaṟi na iwika ho mhoṟie njechiwutaho wukika wose na iende wukiilohi mlungana, na iwikaho ofano lo kiwonesio kya wuikimbi na ishimbuo na mafuda ichu ai mwele.

YOELI 3:18

“Kiheri kyo, mafumvu hechioṟa madema ha msabibu nhya, na mapo hammbe hechiwono shitonyohunyi hesotsa maruwa. Soka tsose tsa Yuda tsechisotsa mṟinga fufoi; soka yechiwuka hekalunyi lya Mndumii-Ruwa, na inosa pichi lya shitimu .