SHIIMBO SHA DAWIDI 4:3 - Bibilia Kui Mdedie fo Kimochi

³ Indi manyenyi ke Mndumii amekusambuṟya mcha oke; Mndumii nyi echiicho ili njechimlaha.

SHIIMBO SHA DAWIDI 4:3 ပူးပေါင်းရင်းမြစ်များ

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

SHIIMBO SHA DAWIDI 34:15

Meso ha Mndumii hekeambuya wenyi wusumhanyi, na madu hake hekeicho kilio kyawo.

2PETRO 2:9

Mndumii aichi iletsa wandu wamwidikie kiheshionyi kyawo, indi iwa walasumhanyi nyi aichi iwasuṟumya ngapo mfiri foanduo waipfo wechidehelyo.

2TIMOTEO 2:19

Kya indi kiwanja kitumhari kya Ruwa kiikiwanzi kihoṟoki nakyo kii-kiṟehie mṟeho fui mṟehie fuhambie, “Mndumii aichi wai wake,” na lingi, “Orio mndu ekesenda rina lya Mndumii nalekane na wumbafu.”

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

IWUKA 33:16

Kokoya ulahenda na inyi na wandu wako, kechimanyika kuda ke njilewona osaṟio kyamunyi kyapfo, inyi na wandu wako? Kipfa kohenda naso, wandu wechimanya ke lufananyi na wandu wengi wa wuyana pfo.”

SHIIMBO SHA DAWIDI 6:8

Njiwukenyi nyo wewuta sha mkika, Kipfa Mndumii ameicho kifuhiyo kyako.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

SHIIMBO SHA DAWIDI 50:5

“Njilahiyeni wandu walya waowoye Ruwa oko Walya walewika kyaasa na inyi kui shidaso!”

SHIIMBO SHA DAWIDI 31:23

Kundenyi Mndumiii, Nyo mose muowoye Ruwa. Mndumii nyiekeringa walya wahendeli. Nyieketaa menyi orikiki kilya kimbaṟi.

SHIIMBO SHA DAWIDI 56:9

Nlyong'u wakituwa wako wechiwuya na numa mkonu fulya njechilaha. Idedolyi njiichi ke Ruwa nai ora loko.

SHIIMBO SHA DAWIDI 49:3

Dumbu lyako lyechideda wuṟango, Na makusaṟo ha mrima foko hechiwada osaaṟe.

SHIIMBO SHA DAWIDI 62:10

Mulakusirie mbaka, manya mulakushelie isoka wandu; masaa hakapfumbuka mulahaambuye mnu, na iwika mrimenyi.