SHIIMBO SHA DAWIDI 18:9 - Bibilia Kui Mdedie fo Kimochi

⁹ Nyi alearamitsa ngina kasoka, Kukawada meema fung'anyi shiya madende hake.

SHIIMBO SHA DAWIDI 18:9 ပူးပေါင်းရင်းမြစ်များ

2SAMWELI 22:10

Kaaramitsa Ruwehu, kasokia wanda, mtima fo mema fuwekeri wanda ya madende hake.

SHIIMBO SHA DAWIDI 50:3

Ruwa odu nyiakeri icha alatsia, modo fochilya oshangunyi loke, masinanu hang'anyi hadihina mnu, hechimṟingichia njora tsose.

SHIIMBO SHA DAWIDI 68:4

Imbienyi Ruwa, ṟumishenyi rina lyake, mwachikienyi njia ichu ekedoya huye ya mapuchi. Moida kundu ko nuka cha moduo frasi; rina lyake nyi Mndumii-Ruwa; kapenyi ngululu tsa sia oshangunyi loke.

SHIIMBO SHA DAWIDI 97:3

Modo fokesonguo mbele yake, nafo fokekombetsa watuuri wake njoora tsose.

IWUKA 19:18

Fumvu lyose lya Sinai daa lyikaduka mtsu, cha kipfa Mndumii-Ruwa nalesoka kui modo; na mtsu fulya foke fukado huye cha mtsu fo nungunyi ya modo, fumvu lyose lyikadedema mnu.

YESAYA 51:6

Irienyi meso huye ruwehu, mwambuye oruka wanda; kipfa ngina yechideka cha mtsu, oruka lochiwa masaṟa cha nguwo na iwo waipfo wechipfa, indi ofoṟo loko lochiwa lo mlungana, na wulohi woko wochiwutoho pfo.

YESAYA 66:15

Kipfa Mndumii naicha cha modo na magari hake ha shida cha otanu lo kiwiriwiri; kundu natae kiṟache kya nyashi yake ko modo fuaka na mapfundo hake kui olewo lo modo.

YOELI 3:16

Mndumii-Ruwa naiṟuṟuma ipfo Sioni; iṟu lyake liṟuṟuma liwuka kulya Yerusalemu; ruwehu na wuyana shidedema. Kyaindi Mndumii-Ruwa nyi kidichio kya wandu wake, na nyi mṟi mwiṟihiye na omombo lo ofoṟo ko Waisraeli.

MATAYO 24:29

“Indi kombona shiwiira shilya sha mafiri halya shamiida kukae handu hatutu nalyo mnengeṟi fuhaluke meema na meeri fulechikiloṟa-se ngela yafo na nyenyeri tsioloke tsiwuke ipfo ruwehu. Na pfinya tsi tsiirye alya ruwehu tsiwekupaya-paya.

MARIKO 15:33

Wokya saa ya kaṟandaṟu mfiri, kukaho meema kulya orukenyi kose itane foshika saa kenda.

YOHANE 13:7

Yesu kahalwo kambia, “Ikyo njiiwuta okimanya wulalupfo, indi nyi ochikimanya ili numa.”

NGUMBUO YA MAWAWASO 33:26

Mose kamarisia kechihamba, “Oo Israeli, kuipfo msa ai cha Ruwa opfopfo, nekeida huye ruwehu kacha ikutarama, nekeida huye nginenyi kiidi kya mng'ano foke.

WAEBRANIA 12:26

Nyio ṟu lyake lilemdedemesha wanda ii mandi halya, indi wulalu amemanyisha kehamba, “Nyi limu-se njechidihinyisha lingi chi wanda ii tupupfo, indi na ipfo ruwehu.”

2PETRO 3:10

Kochicha mkonu fo Mndumii oweṟe faa cha mwiiwi. Nafo nyifo ngina yechisaramaya neduika ling'anyi na shiṟaana shayo shechipaṟakana shii-shirohie m modo, na wanda ii na wudo yechihenda ikoṟo hamu na shiwike shii nayo.

OTAMBAHALUO LO YOHANE 20:11

Na ngamambuo ngawewona loṟika lo wuitoṟi lung'anyi luili, na ichu awedamye-ho. Ruwehu na oruka shikaarisika oshangunyi loke. Shilakiwono-se. Nasho shilawewonyo handu hekaa.