SEFANIA 3:14 - Bibilia Kui Mdedie fo Kimochi

¹⁴ Imba, iyo mana o Sioni, Kapa ngululu iyo Israeli; Chihio na ifuda na Mrima fopfo fose Iyo Yerusalemu;

SEFANIA 3:14 ပူးပေါင်းရင်းမြစ်များ

NEHEMIA 12:43

Kyasia wandu wakawuta shidaso shifoi wawachihie kyamba Mndumii-Ruwa, nyi alewachihiṟa mnu. Waka handu hamu na wana watutu wakachihio mnu koikyo kifahio na ngululu tsikaichio kulya mṟinyi na mṟasenyi.

SHIIMBO SHA DAWIDI 14:7

Kiwechichia kokoya okiṟo lo Israeli luwewuka Sioni Kiheri Mndumii apfunguo wandu wake; Yakobo nyechikesa Israeli nyechichihiyo.

SHIIMBO SHA DAWIDI 149:2

Israeli nachihio nyi Icho alembika, wana wa Sioni wakapie mangi yawo, ngululu.

SHIIMBO SHA DAWIDI 97:8

Sioni ileicho na ichihio, wana wa kika Yuda waleadapfuma, kipfa kya mwanduye yapfo, hoi Mndumii.

YESAYA 12:6

Koṟoṟoma, fahia, wenyi wa Sioni; Kipfa Mwele o Israeli nyi ang'anyi kiidi kyapfo.”

YESAYA 29:19

Walya wakunyiiṟie wo wechiengeṟa sia yawo kiidi kya Mndumii, na wakiwa kiidi kya wandu wechichihiyo kiidi kya Mwele o Israeli.

YESAYA 35:2

Lyewaṟa shiwaṟo shifoi, na ichihiyo, ee, kui ngululu na iimba; lyechiinengo wucha wo Lebanoni, kiṟumi kya Karmeli na Sharoni; wechiwona kiṟumi kya Mndumii, na wunene wo Ruwa odu.

YESAYA 37:22

kidedo Ruwa adeda kiidi kya mbonyi tsake nyi iki, mana mkeha Sioni nakumina, kakuisalucha mnu; mana mkeha Yerusalemu nasingitsa mdo foke huyapfo.

YESAYA 40:1

Wihiṟienyi wandu moo, wihiṟienyi wandu moo, wandu wako, Ruwa onu ahamba.

YESAYA 40:9

Iyo uiongoya Sioni ndumi njicha, Do huya fumvu lileshe; Iyo uiongoya Yerusalemu ndumi njicha, Deda na ṟu ling'anyi; Deda na ṟu lyapfo, kulaowuo; Wia mṟi ya Yuda, “Ambuyenyi, Ruwa onu.”

YESAYA 51:11

Iwo wai wakiṟe nyi Mndumii wechiwuya, wechishika Sioni, wechiimba; sia ya mlungana yechiwa huya mdo yawo; Fowa na iluo shechidicha.

YESAYA 52:9

Irienyi maṟu ha sia, imbenyi kimu, Nyo Yerusalemu handu hawei wukiwa; Kipfa Mndumii nawihiṟia moo wandu wake, Naashuo Yerusalemu naladao wusingenyi.

YESAYA 54:1

“Keimba iyo ui mhumba, iyo ulalemefee mkoku; iria ṟu lyapfo noimbe, kapa ngululu, iyo kulawode mawawio; kipfa wana wake ichu aledeo nyi wafoi kota ichu amwalike,” Mndumii ahamba.

YEREMIA 30:19

Kochiichio-pfo shiimbo sheana na maṟu ha walya wechihiyo. Njechiwaengeṟa ma wechiwa waangu pfo, njechiwainenga kiṟumi manya wechimino-pfo.

YEREMIA 31:13

Nalyo wana wawo wawaka wechichihio na itema, wanake na wameeku wechifuda na sia. Njechihaluo kilio kyawo kiwe sia, njechiwalembalemba na iwainenga sia, handu ha mkuinadie.

YEREMIA 33:11

maṟu ha wali na sia, maṟu ha waimbi kiheri waiende mwano yeana kiidi kya mba ya Mndumii-Ruwa: ‘Anenyi Mndumii-Ruwa menyi matorito, kipfa Mndumii-Ruwa nai mcha kipfa woloru woke wokaa mlungana.’ Njechiwihiṟia orukalu mboṟa iya yake ya mboko. Inyi Mndumii-Ruwa ngahamba.”

YOELI 2:23

“Chihiyonyi nyo wana wa Sioni, kapenyi ngululu cha kipfa, Mndumii-Ruwa, Ruwa onu, amemuinenga mvuo ya kisie, amemuinenga mvuo ishikie ; mvuo ya kisie na fuli chandu kuwei kuwoka.

MIKA 4:8

Na iyo kifumvu kya Sioni, iki Ruwa akeri iringa huya wandu wake, cha mlisi na po lya machondi hake; iyo nochiwa se mṟi mnene cha kuwoka, na Yerusalemu fochiwa mṟi mnene fo Mangi.

MATAYO 21:9

Na mamwingi fulya fo wandu wasonguo na walya waituma numa wakakoṟoṟoma ilaha wehamba, “Hosana Mana o Dawidi. Ona nyi lo ichu acha kui rina lya Mndumii! Hosana kulya huye.”