SEFANIA 3:12 - Bibilia Kui Mdedie fo Kimochi

¹² Indi njechitsuhaṟa wandu waangu walya waiwawonyie na wakiwa, nawo wechiidikia na ikusiria rina lyako inyi Mndumii.

SEFANIA 3:12 ပူးပေါင်းရင်းမြစ်များ

EZRA 9:8

Kyaindi wulalu Mndumii-Ruwa odu ameluloṟa mkundie foke so lui waangu, kaweluinenga ikaa na ofoṟo iya handu haihaele. Koikyo Ruwa odu kaluwuta usinga kaweluinenga sia na moo mhya.

SHIIMBO SHA DAWIDI 37:40

Na Mndumii nyiekewatarama na iwakiṟa; nyiekewaashuo-ho mawokonyi ha wawicho na iwakiṟa, kipfa wamkusirie.

YESAYA 14:30

Walya wai wakiwa mnu wechilya, na walya wahuṟi wechilaa kipuo; Inyi njechiwaha njana yapfo na njaa, Na mtsuhaṟo fopfo fochiwoho.

YESAYA 14:32

Wandu wa oshari lu waendio kiki? Ke Mndumii nawikie otende lo Sioni, na kiidi kyake walya walewonyio kiidi kya wandu wake wechiwona hedichia.

YESAYA 29:19

Walya wakunyiiṟie wo wechiengeṟa sia yawo kiidi kya Mndumii, na wakiwa kiidi kya wandu wechichihiyo kiidi kya Mwele o Israeli.

YESAYA 50:10

Nyiu kiidi kyanu aowoye Ruwa, ekundia ṟu lya mṟundi oke? Ichu ekeida memenyi, alawode saa, akusirie rina lya Mndumii, na ikusiria Ruwa oke.

YESAYA 6:13

Manya chandu kutsihae ora lumu kiidi kya ikumi, yechelio mayo da; cha mchihiyo, cha mfuṟuhanje, itsinde liwonyio likamemanyo.” (itsinde lyo nyi mbeu njele ya mawookionyi mahya).

YEREMIA 17:7

Nambikie ona mndu ulya mokusiria Mndumii, Ichu Mndumii ai kikusirio kyake.

YEREMIA 50:20

Mafiri ho na maheri ho, wuwicho wochishiho orukenyi lo Israeli, indi lochiwonopfo pfo; wunyamaṟi wochishiho orukenyi lo Yuda, indi wochiwonopfo pfo, kipfa inyi njechihoṟia walya njilewatsuhaṟa. Nyi inyi Mndumii-Ruwa ngahamba.

EZEKIELI 6:8

“Indi njechikiṟa waangu kidi kyanu walechiwoho, nawo wechidichia njorukenyi tsingi tsa wahenu.

MIKA 5:6

Wa oshari lo Yakobo wedeoho na moo, wadung'anyie kiidi kya mkambo ifoi, wechiwa cha mlewi fo Mndumii-Ruwa fokewihiṟia moo, cha ṟauṟa ikeolokia maṟa maumu ilakeendo nyi mndu ma ikusihia mndu.

NAHUMU 1:7

Mndumii nai mcha, nyi oṟiho kiheri kya kiwi; naichi walya wemdichia.

ZEKARIA 11:11

Nayo ikafunjo mkonu fulya; ko ikyo machondi halya hawei mapootse halenjiadanyia hakamanya ke idedo lyi nyi lya Mndumii.

ZEKARIA 11:7

Kyasia ngalisa po lilya na machondi halya hawei mapotse mnu nakamu. Ngakuwonya ndichi tsiwi, iya ya kuwoka ngailaha “Osaṟio” na ya kawi “Shipfungo” ngalisa poo lilya.

MATAYO 11:5

Wapfu meso a-iwang'u waiwona, na shiricheche aiwa waihenda. Na waluo saka waiheremka, wapfu madu a iwa waicho, na wapfu nyi waṟuka, na wakiwa a iwa waiongoyo mbonyi tsa sia.

MATAYO 12:21

Na rina lyake nyi lyo wandu wa masanga wawekusihya nalyo.”

MATAYO 5:3

“Nanga iwo wai wakiwa kui mrima, cha kifa nyiwo wumangi wo ruwehu woiwa wowo.

WAROMA 15:12

Na lingi-se Yesaya ahambie, “Kochicha mndu kuwuka kisharinyi kya Yese, msa echiikolonya mkambo ya wandu, nao nyio wa mkambo-ii wechimwidikia.”

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

1PETRO 1:21

Nyo mui-waenengye nyio mochiidikya Ruwa chu alemṟutsa wapfunyi kamsumba wuitoṟi. Nkyo kyatewa wuidiki wu wonu wurie na owedi lowedya Ruwa.