SEFANIA 3:11 - Bibilia Kui Mdedie fo Kimochi

¹¹ Mkonu fulya ochiowesho nyi mawuto halya hapfo uwedekio naho pfo; kipfa njechiwutaho wandu walya walanjiidikie na ikushela, walakae kiidi kyapfo, wuidiki wopfo, wochikaa kiidi kya fumvu-pfo.

SEFANIA 3:11 ပူးပေါင်းရင်းမြစ်များ

SHIIMBO SHA DAWIDI 131:1

Mndumii, ngoo yako iwode wutimbiripfo, manya meso hako hekekuiriapfo. Manya njekekuwinyisha na shindo shinenepfo, manya na shindo shiidie pfinya yakopfo.

SHIIMBO SHA DAWIDI 49:5

Kitewe njiowuo mkonu ya wuwicho nki, kiheri njimtengetie nyi wuwicho wo wakituwa wako?

SHIIMBO SHA DAWIDI 59:12

Kipfa kya wunyamaṟi wo dumbu lyawo, na kui idedo lya madumbunyi hawo, wadeho kui orikiki lowo, kipfa kya isesa na ihamba lyawo lya wongo.

YESAYA 11:9

Wechinyamaṟa ma iwuta kindo kiwicho kiidi kya fumvu lyako liele pfo; kipfa wuyana wochiichuṟo nyi imanya Mndumii, chandu mṟinga fuichuṟa ipalyipalyi.

YESAYA 2:12

Kipfa kechiwa mkonu fo Mndumii menyi Matorito, huye ya wandu wose wenyi orikiki na ikushela, na huya wose wakuirie; shose shechiolotso wanda.

YESAYA 45:17

Kyaindi Israeli wechikiṟo nyi Mndumii kui okiṟo lo mlungana; nyo mochisonu, ma isukio nyi moo-pfo, kipfa Mndumii nyi ai nanyo mlungana na mlungana.

YESAYA 5:15

Na mndu mfari kahongomitso, na mndu ang'anyi kasuka na meso ha walya wekudosa hakasotso.

YESAYA 54:4

Kulaowuo; kulatisiki; kulaowuo na isokio nyi fowa; kipfa ulechitaluka; kipfa nochihadima sonu tsa uwanake wopfo, ma shirumo sha wukusu wopfo ochishikumbuo-sepfo.

YESAYA 56:7

manya iwo njechiwaembeṟa kiidi kya ifumvu lyako liele, na iwachihiṟa kiidi kya mba yako ya wuhendeli wo shiterewo. Shidaso na shiano shemaya modonyi shechiidikio ipfo kitaṟenyi kedasia; kyamba mba yako yelaho nyi mba yeterewia masanga hose.

YESAYA 61:7

Mbonyi tsechiilachika, handu ha sonu tsanu mochiwona sia kaṟaṟu, handu ha isuka wechichihiṟo nyi kenga kyawo; kyasia, wechiikolonyia oruka lowo na sia yawo yechiwa ya mlungana.

YEREMIA 13:9

“Mndumii nahamba adi, ‘Chandu uwonyi kiṟota-kyo kinyamaṟikie inyi nyi wudo njechinyamaṟa orikiki lo Yuda na orikiki lung'anyi lo Yerusalemu.

YEREMIA 7:4

Mulakusirie mhambo ya wongo ili walehamba, ‘Hekalu lya Mndumii, hekalu lya Mndumii, Ee hekalu lya Mndumii.’”

EZEKIELI 20:40

Ko ifumvu lyako liele, ifumvu lileshe lya Israeli, Mndumii-Ruwa nahamba adi, wandu wo wa Israeli na walya wose wai kulya orukenyi wechicha injiindia, na inyi njechiwaambia, wawenjiendie shidaso shawo na shiinengo shawo shiele wasambuṟie.

EZEKIELI 24:21

Wia mba ya Israeli, nyi wudi Mndumii-Ruwa ahamba; ambuya njihenda ifanyitsa haele hako, mba yo ikeri kiṟumi kyapfo na pfinya yapfo, nayo nyi ichihiṟie mesonyi hapfo. Kyamba wana wanu wa kiumi na wa kika mulewada nduma wechiwoho ko oshu.

DANIELI 9:16

Hoi Mndumii-Ruwa, ngakuterewa chandu kirianyi na wukiilohi wopfo, nyashi yapfo ukunde ihooṟa, na ida mṟi fu fo Yerusalemu fumvu lyapfo lyele; kipfa kya wunyamaṟi wodu na wuwicho wo wandeadu, mṟi fu fo Yerusalemu foisalucho nyi wandu wose waluṟingichie.

DANIELI 9:20

Kyasia ilyi njiwekeri ideda na iterewa, na itocha njonyamaṟo tsako na tsa wandu wako wa Israeli, na iterewa mnu Mndumii-Ruwa, Ruwa oko kipfa kya fumvu lyele lya Ruwa oko;

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

MAITALA 16:3

Walekusanzia oshangunyi lo Mose na Aroni wakawawia, “Nyo mokuichika mnu mwidio! Wanduwa wose nyi wai waele na orio mndu kiidi kya wanduwa nai mwele, na Mndumii-Ruwa nai naso lose. Wulalu nki ili muikuhaluo wanene wa wandu wa Mndumii-Ruwa?”

MATAYO 3:9

Ma mulakusire wongo mrimenyi mochihamba, ‘A-chi luwode ndeadu nyio Abrahamu?’ Indi nyi ngambia, ‘Ma maho-ha Ruwa na echiidima yalutsia-ho Abrahamu luwa.’

WAROMA 2:17

Aka-wo iyo, kokoya okusenda Myuda ochikuihetsa wuwawaso-hu na ikushela ke ui na Ruwa.

WAROMA 9:33

Chando Madedo Maele hahambie, “Ambuya a ulya ngaleṟya iho lyekapya mtuulya kulya Sioni na piita ya iho yedekesha. Mdu moidikia ichu ai iho lyo echisukapfo.”

1PETRO 2:6

Nkyo kiikiṟehye ipfo Biblienyi kehamba, “Ambuya. Ngawika ipfo Sioni iho liwanzi yose; iho lii-isale lii-iwikye wuindi. Na mndu moidikya-ho akuwode nalyo echihoyo sonupfo.”