SEFANIA 2:7 - Bibilia Kui Mdedie fo Kimochi

⁷ Na oruka lo lo wambaṟa lochiwa oruka lo wandu wa mba ya Yuda watsihee; wechilisa mapo hawo ipfo; wechilaa kiidi kya mba tsa Ashkeloni kiheri kya kiukanyi; kipfa Mndumii-Ruwa owo, nyi nechiwachea na iwihiṟa wapfungo wawo.

SEFANIA 2:7 ပူးပေါင်းရင်းမြစ်များ

MAWOOKIONYI 50:24

Yosefu kawia wana wa mae, “Inyi njikeripfa, kyaindi Ruwa nechimuchea nyo nechimudosa kuwuka kunu orukenyi, mṟasa kulya orukenyi aleliia Abrahamu, na Isaki na Yakobo nyamu.”

SHIIMBO SHA DAWIDI 80:14

Hoi Ruwa menyi matorito lokuterewa, wuya, noambuye kuwuka huye uwone, nocheye msabibufu.

SHIIMBO SHA DAWIDI 85:1

Mndumii, kulechihio kya oruka lopfo, kulewihiṟa wapfungo wa shidenyi wa Yakobo.

IWUKA 4:31

Wandu wakaidikia, na lilya waleicho ke Mndumii-Ruwa nachea wana wa Waisraeli, na ke nalewona matuuro hawo, wakaaramtsa mdo yawo wakaadapfuma.

YESAYA 11:11

Na kechiwa mkonufo, Mndumii nechihoṟuo owoko loke lya kawi, kundu nakuwadie wandu wake waletsuhaa, kuwuka Ashuru, na kuwuka Misri, na kuwuka Patrosi, na kuwuka Kushi, na kuwuka Elamu, na kuwuka Shinari, na kuwuka Hamathi, na kuwuka hahadutsu kiidi kya ipalyipalyi.

YESAYA 11:14

Nawo wechisoka, wechirundukia kombe lya Wafilisti ora lo kiukanyi; nawo kimu wechiduo wapfungo wana wa ora lo ngamenyi; wechihoṟotsa owoko huye ya Edomu na Moabu; na wana wa Amonyi wechiwaindia.

YESAYA 11:16

Kochiwada njia nnene ko mtsuhaṟo fo wandu wake wechitsuhaa, wawukie Ashuru, chandu kiwei ipfo ko Israeli, kiidi kya mkonu fulya walewuka orukenyi lo Misri.

YESAYA 14:1

Kipfa Mndumii nechiwuyase isaṟia Yakobo, nechisambuṟa Israeli-se, nao nechiwawikase orukenyi lowo wawenyi; mhenu nechikulunga nawo, nawo wechiwadana na mba ya Yakobo.

YESAYA 32:14

kipfa mba ya mangi yechideo; mṟi fuwei na wandu wafoi fochiwuṟa wandu; sohu na mnaṟa shechiwa kanyi ka mando ha nja mlungana, sia ya nzoi tsa ngeṟenyi, mapo ha machondi hechilisa;

YEREMIA 23:3

Na inyi njechisanyia mtsuhaṟo fo po lyako, kiidi kya njoruka tsilya tsose njilewafunyiapfo, njiwawihiṟese na mfiṟihenyi yawo; naho hechishaa na iengeṟeka.

YEREMIA 29:10

Kipfa Mndumii nyi ahamba adi, “Babeli kamarisa maka makumi mfungade (70) njechimchea nyo na iawutsia idedo lyako licha konu na imuwihiṟa handu ha.

YEREMIA 29:14

Mochinjiwona inyi njechimuwihiṟia moo na imusanyia kiidi kya mkambo iya ya wandu njilemuwingia napfo. Njechimuwihiṟa na handu halya njilemuwuta ho, ngamuduo osamiṟonyi. Nyi Mndumii-Ruwa ngadeda.

YEREMIA 3:18

Mafiri halya mba ya Yuda wechicha kimu, wuka oruka lo mtsudu mṟasa oruka lulya njileinenga wandeanyu luwe kyoṟa kyawo.

YEREMIA 30:3

Kipfa kuwode mkonu ikeri icha njimuwihiṟie sia nyo wandu wako Israeli na Yuda na imuwihiṟa se kiidi kya oruka lulya njileinenga waku wanu, nawo waluoṟe. Inyi Mndumii-Ruwa ngahamba.”

YEREMIA 31:7

“Kipfa Mndumii-Ruwa nahamba adi, ‘Imbenyi ko sia kipfa kya Yakobo, kapenyi mṟoṟo kipfa kya mkambo fung'anyi, onguonyi, chihiyonyi na ihamba; “Mndumii-Ruwa nakiṟie wandu wake, nawaendie okiṟo walya waletsuhaa na Israeli!’

YEREMIA 32:44

Wandu wechihuṟa madema ko fesa, wechiteseheṟa paruo tseoṟa, wechitsikapa mhuri, na iwika wangochi kiidi kya mṟi ya Yuda, kiidi kya oruka lo mafumvu, oruka lo mṟi ya Shefela, na kiidi kya mṟi ya nuka ya msanga ya Negebu. Kipfa njemsuṟisha se. Inyi Mndumii-Ruwa ngahamba.”

YEREMIA 33:12

Mndumii-Ruwa menyi matorito nahamba adi, “Handu ha nyi nuka ya msanga ilawode wandu manya shuma na kiidi kya mṟi yake yose, kochiwada maṟa helisa handu walisi wechilisia ho machondi hawo.

YEREMIA 33:7

Njechiinenga wandu wa Yuda oru na wandu wa Israeli wechiwanga chandu wawei ili mbooko.

YEREMIA 47:5

Wandu wa Gaza waodie ohaa wekapa kilio; mṟi fo Askeloni forumara. Lanye wandu wa Anahimu mletsuhaa, mṟasa indii mochikuwehaweha mui na mkuinadie?

EZEKIELI 39:25

“Nyi wudo Inyi Mndumii-Ruwa njikeri ihamba, njikeri ihenda isaṟia Waisraeli wai nyi wana wa Yakobo njiwewawihiṟia se mboṟa yawo, kundu rina lyako liele liidime se iindio.

HOSEA 6:11

Ko ora lopfo iyo Yuda, nyi umteseheṟie kiheri ochisambuo ngapo.

OBADIA 1:19

Na wandu wa Negebu wechiikolonyia fumvu lya Esau; na wandu wa Shefela wechiitoṟia Wafilisti; nawo wechiitoṟia dema lya Efraimu, na dema lya Samaria, na Benyamenyi naitoṟie Gileadi.

MIKA 2:12

Kyaindi kya lohi ke njechisanyia wandu wako wa Yakobo, ee da! Njechisanyia walya wa Israeli waletsuhaa. Njiwaende na mfiṟihenyi cha machondi cha po limu ling'anyi kilisionyi, nanyo mochiwa po lya wandu wako wafoi.

MIKA 4:10

Lanye wandu wa Sioni, fihiṟenyi na ikukapa wanda cha mndu mka akeri ifee! Kipfa wulalu mochikure kiidi kya mṟi fu muhende ikaa patehu, mochihenda itane Babeli. Indi ipfo, mochikiṟo. Ipfo Mndumii nechimukiṟa mawokonyi ha wakituwa wanu.

MIKA 4:7

Iwo watiliwanyi shiwungo nyi wo wedeyo moo; iwo waledao osamiṟonyi wechiwa mkambo fuwode pfinya. Na inyi Mndumii-Ruwa njechiwaitoṟia fumvuhu lya Sioni, wokia kiheri-kyo itane mlungana.

SEFANIA 2:9

Inyi Mndumii menyi matorito, Ruwa o Israeli, lohi Moabu yechiwa cha Sodoma wana wa Amoni cha Gomora, handu hawo hado nduo na marina ha monyo na ilya wukiwa maheri hose, wandu wako waletsuhaa wawawade na iwaduo wupfungo, wandu wa oshari waletsuhaa waoṟe oruka lowo na iwaitoṟia.

SEFANIA 3:13

Mtsuhaṟo fo Waisraeli wechiwuta wunyamaṟipfo, manya ihamba wongo; ma olimi lo piṟa lulechiwono dumbunyi; kipfa wechilya na ilaa, kulawode mowaowesha.

SEFANIA 3:20

Mandi ho njechimusanyia na imuitsa na mba - kipfa njechimhaluo kiṟumi na rina kiidi kya wandu wose wa wuyana ilyi njechiwihiṟa wapfungo wanu oshangunyi lo meso hanu, Mndumii ahamba.

HAGAI 1:12

Nahong'u Zerubabeli, mana o Shealitieli, na Yosua, mana o Yehosadaki, mkohanyi ang'anyi hamu na iwo wawetsuhee, wakaindiya ṟu lya Mndumi Ruwa owo na madedo ha muikimbi Hagai, chando Mndumii-Ruwa owo awemdumye, wandu wakaowuo oshangunyi lo Mndumii.

HAGAI 2:2

“Wulalu deda na Zerubabeli, mana o Shealitieli, mchili o Yuda na Yosua, mana o Yehosadaki, mkohanyi ang'anyi, na wandu watsuhee uhambe,

LUKA 1:68

“Kuhende kochikuidapfumyo Mndumii-chu ai Ruwa o Israeli; nyi ili indi amsahia wandu wake na ikuwawonyiia okiio.

LUKA 7:16

Wakawado nyi wuowu wose wakaidapfuma Ruwa wehamba “E lae; kodu komekure mwikimbi o Ruwa ang'anyi, na Ruwa amesahia-ng'u wandu wake.”

MAWUTO HA WASU 8:26

Kyasia malaika o Mndumii kacha ideda na Filipo kambia, “Kureho nohende kulya-kya ora lo kosoko kulya mkuwalenyi fusoke fuwuka Yerusalemu fukahenda soka na kulya Gaza, nyi kundo kuwode olele.”

MAWUTO HA WASU 8:40

Filipo kawono kulya Azoto, nao kawa moidaida ipfo keongwo ndumi ya sia ya okiio mṟinyi yose katana ashika Kaisaria.

WAROMA 11:5

Nyi wudo kuwei na wulalu, kutsuhe mtsuhaṟo sa Ruwa afusambuṟie njia ya wutonga.

RUTI 1:6

Nalyo kakure, oo na walyi wake, kundu nakure kulya orukenyi lo Moabu; kipfa naleicho ai ipfo orukenyi lo Moabu ke Mndumii-Ruwa nalechea wandu wake kawainenga kando.