SEFANIA 2:3 - Bibilia Kui Mdedie fo Kimochi

³ Shihenyi Mndumii, nyo mose mkunyiiṟie oshangunyi loke, mokewuta shilya shichihiṟie Mndumii; shihenyi wukiilohi na wusumhanyi, shihenyi ikunyiiṟa; kofia muowisho mkonu fulya fo nyashi ya Mndumii.

SEFANIA 2:3 ပူးပေါင်းရင်းမြစ်များ

2SAMWELI 12:22

Nahong'u Dawidi kawahaluo kawawia, “Ee nkyalohi mohamba, kiheri mana ulya awei na moo njilekuima kelya njechiterewa njekusaṟa ke Ruwa nechinjisaṟia nakiṟe mana ulya.

SHIIMBO SHA DAWIDI 105:4

Langenyi Mndumii na pfinya tsake, shihenyi kyamu kyake mkonu yose.

SHIIMBO SHA DAWIDI 149:4

Cha kipfa Mndumii naidikianyi na wandu wake, Nekechopa wahoo ko wuwinzi.

SHIIMBO SHA DAWIDI 22:26

Wahoo wechilya na iihuda, Weosha Mndumii wechimṟumisha Mrima yanu ikae na moo mlungana.

SHIIMBO SHA DAWIDI 31:20

Nyiochiwaringa na wuṟiingi wo wandu Imanyisha ke noipfo; Nyiochiwaṟika mbenyi yapfo Na irekiana kui njolimi.

SHIIMBO SHA DAWIDI 45:4

Kiidi kya mng'ano fopfo uwembekie uengeṟeke. Kipfa kya wuhoo na wulohi na wusumhanyi na owoko lopfo lo kulyo; lochikulosha mbonyi tsiṟihishiye.

SHIIMBO SHA DAWIDI 57:1

Unjiichio wukiwa, hoi Ruwa, unjiichio wukiwa inyi, kipfa mrima foko fokudichia Iyo. Njechidicha maria ha makungo hapfo, mṟasa kiheriki kya fowa kiide.

SHIIMBO SHA DAWIDI 76:9

Lilya Ruwa alehoṟoka kundu nadumbuo mondu; na ikiṟa wahoo wose wa iya wuyanenyi-da.

SHIIMBO SHA DAWIDI 91:1

Adamie handu ha kiṟika hake Ai huye, Nechikaa kiidi kya maṟinje ha Mndumii menyi pfinya.

IWUKA 12:27

Nlyondi mochiwawia, ‘Nyi mṟumo fo pasaka ya Mndumii-Ruwa, cha kipfa naleitoola huya mba tsa wana wa Waisraeli kulya Misri, kiherikyo awekapa Wamisri, kaashuo mba tsadu.’” Wanduwo wakaaramtsa mdo yawo wakaadapfuma.

MFANANO 18:10

Rina lya Mndumii nyi omombo lo pfinya; Mndu o wusumhanyi nyekedichya kakaa kipuo.

YESAYA 1:17

Kuloshenyi iwuta mecha; dumbuonyi mwanduye ya sungusihu; taramenyi wafafa; inengienyi wangoeda kilya kisumhanyi; kapanyienyi wakusu.

YESAYA 11:4

indi kui wukiilohi nechianduya wakiwa, nechiwawasa wekunyiiṟa wa wuyana kui wuele; nechikapa wuyana kui ndichi ya dumbu lyake, na kui mṟufu fo dumbu lyake nechiwaha wawicho.

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YEREMIA 39:18

Nyi kya lohi njechikukiṟa ma ochiwohio shidenyi pfo; nochiiṟimiṟa ochiashuo moo fopfo kipfa kya injiidikia inyi. Nyi inyi Mndumii-Ruwa ngahamba.”

YEREMIA 45:5

Ale, iyo nyi uishiha mbonyi tsikung'anyie? Kulatsishihe! Lekana natso, kipfa njechiende orumatso huye ya wandu wose. Inyi Mndumii-Ruwa ngahamba. Iyo oṟimiṟa lopfo nyi ilu: njechiringa moo fopfo orio handu ochihenda.”

EZEKIELI 13:5

Mulemeachikie omombo lo mba yo ipfo kundu inyamaṟikie manya mulemeachikie njomombo tsa mṟi fu pfo kundu fuidime ikuashuo kiidi kya shida ili mkonu fo Mndumii foshika.

HOSEA 10:12

Wayenyi wucha ko kiira kyanu, ambuya nyi mochisambuo ikunda; demenyi madema ho hake hasiie moo, kyamba kiheri kyenjipfula inyi Mndumii-Ruwa kyameshika. Na inyi njechiwaletsia mboṟa.

HOSEA 7:10

Ikudosa lya Waisraeli nyi lya waṟingishia, manya kudo walekunda, iwuya na ko Ruwa Mndumii owopfo, manya impfula ko, shindo shi shose.

YONA 3:9

Nacho aichi ke Ruwa echiluhooṟia madeko hadu nawelusaṟia alechilurumatsa kui nyashi yake?

ZEKARIA 8:19

“Ikuotoya lya meeri fo kaana na ikuotoya lya meeri fo katanu, na ikuotoya lya meeri fo mfungade, na ikuotoya lya meeri fo ikumi lyewa sia na ikesa, nyi mkonu mnene yefuda ko mba ya Yuda; wulalu kundenyi lohi na ofoṟo.”

MATAYO 5:5

Nanga iwo wai wahoo, cha kifa nyiwo wechikaa wakudaae oruka luwawiie kyoṟa kyawo.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

1WATESALONYIKYE 4:10

Mukawewutya ikyo na wanawawama wose wakeri ifo Makedonyia kose. Indi lomtutuma muwike-ho mwengeṟia.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 3:4

Kya indi wuwe wo mndu o mrima achia ora lo kya mba aṟee wuchopi wu wulechisia wo mumuyo mhoo fupfudie, nyifo fui na kiweṟe oshangunyi lo Ruwa.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.