SEFANIA 2:2 - Bibilia Kui Mdedie fo Kimochi

² ili mandi kulamcha iwawaso, kulameshika mkonu fo kiwi mkonu fo nyashi ya Mndumii injiwawo.

SEFANIA 2:2 ပူးပေါင်းရင်းမြစ်များ

YOBU 21:18

Wakawa cha shiwale shiumu, cha muulu fuidao nyi otanu?

SHIIMBO SHA DAWIDI 1:4

Chi wudo wai wamkikapfo, Wo wai cha muulu fuiwiwito nyi otanu.

SHIIMBO SHA DAWIDI 2:12

Wadenyi shilya shi shicha, kundu naladose nyashi modeka njia, kipfa nyashi yake yechiaka oweṟe, Nanga walya wekemdichilia.

SHIIMBO SHA DAWIDI 50:22

“Manyenyi isho, nyo mokehadima Ruwa, njilashike imuranduo, kulechiwoneka momuchiṟa.

YESAYA 17:13

Wandu wa mkambo waringona cha ndiṟimo ya mṟinga fufoi; Indi nechiwadedia, nawo wadichie kuleshe mnu. Wechiwingio cha muulu fumvuhu kui otanu, Na cha kiluli kundu kui kiwiriwiri.

YEREMIA 23:20

Nyashi ya Mndumii yewuya nduma pfo, na itane aawutsie kilya awekusirie mrimenyi foke. Mkonu ya ifurumia mochimanya idedo li nakamu.

YEREMIA 4:4

Halukienyi Mndumii cha wandu wadine mrima nyo wandu wa Yuda na wenyi Yerusalemu; nyashi yako ilamkooye cha modo, ikaaka kulawode mndu moirumisha, kipfa kya wuwicho wo mawuto hanu.”

SHILIO 4:11

Mndumii-Ruwa nyi alelekia nyashi yake ing'anyi, kaatsa modo fukakoṟa Sioni, mṟasa njomombonyi tsafo.

EZEKIELI 12:25

Kyamba inyi inyi Mndumii, na orio idedo njechilideda nyi lyechihenda iwutika kudo. Kochikaasepfo ikeleṟapfo iyo mba iwode wuminyi. Kyamba njechideda idedo nalyo liwehenda iwutika kudo nyi wudo Mndumii-Ruwa ahamba.”

HOSEA 13:3

Kyasia, iwa nyi wechihenda ideka cha mtiima fo ngamenyi, chandu mlewi fokedeka owinyi, na chandu mawala hekedao nyi owira, alya hando waweelia, na cha mtsu fukeri iwuka bombenyi.

NAHUMU 1:6

Nyiu echiidima ihoṟoka oshangunyi lokye ili awode nyashi, nyiu ehiidima ikaa owawonyi lo nyashi yakye? Nyashi yakye injiwawo cha modo fopaṟapaṟa maho maumu.

SEFANIA 1:18

Fesa ma sahabu yawo yechiidima iwakiṟa mkonu fulyapfo, mkonu fo nyashi ya Mndumii, kipfa oruka lose lochikoṟo na modo fo nyashi yake; kipfa nechiwika mtsitsionyi fo wandu wose wai kiidi kya oruka, ee mtsitsionyi foṟihisha.

SEFANIA 3:8

Kyasia njiwedenyi Mndumii ahamba, mṟasa mkonu fulya njekure njiduo wandu wapfungo kipfa njikuteseheṟie isanya wandu wa mkambo, kundu njikoyanyishe mangi tsose, njiwaloshe kui nyashi yako yee, wulang'a wo nyashi yako, kipfa wuyana wose wochirumatso kui modo fo wunyenyi woko.

MATAYO 24:35

Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”