SEFANIA 2:11 - Bibilia Kui Mdedie fo Kimochi

¹¹ Mndumii nechiwa moowesha mnu, kipfa nechiwawaaha na njaa na maruwa hose ha oruka (maruwa ha wongo) wandu wechiindia Ruwa umu o lohi orio mndu handu hake - ee handu hahadutsu ha mṟingenyi ha mkambo fo wandu.

SEFANIA 2:11 ပူးပေါင်းရင်းမြစ်များ

MAWOOKIONYI 10:5

Kowo njoruka tsa mbai ya mṟinga tsa mkambo ya wandu tsilehawikana tsikawa njoruka tsawo, orio umu kui mdedie foke, kui mbaṟi tsawo, chandu mkambo iya iwekeri.

SHIIMBO SHA DAWIDI 138:4

Ee wo Mndumii, wamangi wose wa wuyana wechikuana, ili wechiicho madedo ha dumbu lyapfo.

SHIIMBO SHA DAWIDI 72:17

Rina lyake likae mlungana, mandi mnengeṟi fowaa, rina lyake liwade kishari; wandu wose wahende ikuwikia ona; na imlaha nanga.

SHIIMBO SHA DAWIDI 86:9

Wa mkambo wose kulewawika wechicha. Wechikuolokia Iyo, Mndumii, wechiichimbiṟa rina lyapfo.

YESAYA 2:18

Sanamu tsose tsechideka piu.

YESAYA 2:20

Mandi ho orio mndu nechiwakumbia sanamu fuko na nzana, na sanamu tsa fesa na sahabu, shindo walekusungusia kundu washiindie.

YESAYA 42:10

Imbienyi Mndumii kiimbo kihya, Kiṟumi kyake wuka mawookyonyi ha oruka: Nyo mkeri isokia ipalyipalyinyi, na shose shiipfo, na hai hahadutsu kiidi kya mṟinga na wose waipfo.

YESAYA 42:4

Echilehela ma ihutsa machapfo, mṟasa nawike mwaanduye wuyanenyi na njoruka tsii mṟingenyi tsiwedie wuwawaso woke.

YESAYA 49:1

Njiadanyienyi, nyo njoruka tsitengetie nyi mṟinga, dehenyi madu nyo njoshari tsa wandu mui kuleshe mnu; Mndumii nalenjilaha wokia wusunyi; wokia wusunyi wo wama oko kanjisenda rina lyako.

YEREMIA 10:11

Kyasia nochiwawia kudi: “Maruwa halaleidima iwika ruwehu ma oruka hechisaramaya kunu wuyana na wanda ya ngina.”

YEREMIA 46:25

Mndumii-Ruwa Menyi Matorito, Ruwa o Israeli, nalehamba, “Ambuya inyi njechihoṟuo Amoni ruwa o Thebesi, njechihoṟuo Misri na maruwa hake na wamangi wake njechihoṟuo Farao na wose wamkusirie.

DANIELI 11:18

Naindutsie oshangu loke kundu kuwode oruka kiidi kya mṟinga, nawekapa njoruka tsa mbaṟi ii tsifoi; indi mnene umu nechimtirimisha hamu na sonu tsilya tsileendo nyio;

HOSEA 2:17

Kipfa njechitana rina lya Baali lilasendose dumbunyi lyapfo.

YOELI 2:11

Mndumii-Ruwa naiachikia wasikari wake ko ṟu ling'anyi. Wasikari wake wafoi mnu, walya wekeindia iwawaso lyake wechiidima italopfo. Kya lohi mfiri fo Mndumii-Ruwa fumnene na foowesha mnu! Nyiu echiidima itirisia?

SEFANIA 1:4

Njechihoṟwo owoko loko huya Yuda, na huya wandu wose wai Yerusalemu; na inyi njiarisye wandu mtsuhaṟo fo Baali, fulechiwonose iya, na rina lya Wakemari hamu na Wakohanyi;

SEFANIA 3:9

Kipfa o nhondo njechiwihiṟia wandu kishomo kicha, waidime ilaha rina lya Mndumii wamṟundie na mhio fumu.

ZEKARIA 13:2

Mkonu naafo marina ha sanamu hechidetso, nyi wudo Mndumii menyi Matorito ahamba, kuwode echiidima ihakumbuo sepfo, na wudo na waikimbi, na mumuyo fo ngafu fose wawingio wafuno kiidi kya oruka.

ZEKARIA 2:11

Wandu wa mbaṟi tsose wechiwadana na Mndumii, wechiwang'u wandu wako, na inyi njechikaa kiidi kyawo; na iyo nomanye ke Mndumii Menyi Matorito nanjidumya kopfo

ZEKARIA 8:20

Mndumii menyi matorito nahamba, “Kushike kiheri wandu wa mkambo na wa mṟi ifoi wache na kunu,

ZEKARIA 8:23

Mndumii menyi Matorito nahamba adi, “Mkonu yo wandu ikumi, wa shishomo shose sha wandu, wechiwada omambo lo nguwo ya Myuda, wechiwada wehamba, Lochihenda hamu nanyo, kipfa loicho ke Ruwa nai nanyo.”

MALAKI 1:11

Kipfa wokia madoyenyi ha mnengeṟi mṟasa iolokia lyafo rina lyako ling'anyi masangenyi kose, na orio handu kokoṟo mpfaamo fo rasionyi na shidaso shicha kui rina lyako; kipfa rina lyako ling'anyi shisharinyi shose, Mndumii Menyi Matoṟito ahamba.

MALAKI 1:14

Indi naseso mndu molemba msa awode iponyi lyake keana Ruwa na nawewikie kyaasa kyake indi kaendie Ruwa kindo kiireteka, inyi nyi mangi ang'anyi aoweshie kiidi kya wandu wa masanga.”

NGUMBUO YA MAWAWASO 32:38

Maruwa hanu nkuwai, walya mlewainenga mwano yanu wakalya, wakanyo mvinyo yanu? Wakekureng'u wamutarame wulalu, waweng'u kidichionyi kyanu!

1TIMOTEO 2:8

Wulalu nyikundi ke womi waterewe orio kundo kose wechiira mawoko ha wuindi walawodo n nyashi ma itautau mdo.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.