SEFANIA 1:6 - Bibilia Kui Mdedie fo Kimochi

⁶ na iwo wawewuuye numa walakioshe Mndumii, na iwo walakeshiha Mndumii, manya iwesa kyake.

SEFANIA 1:6 ပူးပေါင်းရင်းမြစ်များ

2SAMWELI 22:22

Kipfa njiweichumia chandu Ruwa awekundi, ma njilekuletsa na Ruwa oko, kipfa kya unyamaṟi pfo.

2MBONYI TSA MAHERI 15:13

na ke mndu ose sa elechiindia Mndumii-Ruwa, Ruwa o Waisraeli, nawe nyi manake ang'u mndu mku, msoṟo ang'u mndu mka, kiwaṟi nawoho.

SHIIMBO SHA DAWIDI 10:4

Kyamu kya mndu o orikiki Kahamba, kuwode kiṟaachepfo Mahiyo hake hose kahamba, “Kuwode Ruwapfo.”

SHIIMBO SHA DAWIDI 125:5

Indi walya wahalukie njienyi tsawo tsidekie, Mndumii nechiwawutaho handu hamu na wewuta mawicho. Ofoṟo lukae na Israeli.

SHIIMBO SHA DAWIDI 36:3

Madedo ha dumbu lyake ni wuwicho na mtambo, Nyi adeye iwuta mecha na wuṟango.

YESAYA 1:4

Ochia lowo, mkambo fuwode wunyamaṟi, wandu wekeduo mhanda fo wukika, oshari lo wewuta mawicho, wana wekenyamaṟa; waleda Mndumii, wamina ichu ai Mwele o Israeli, walekanyi nao na iwuya numa.

YESAYA 43:22

“Indi iyo Yakobo ulenjiindiapfo, nyi ulesuṟa macha na inyi iyo Israeli.

YESAYA 9:12

Waashuru wawe kusonguo, na Wafilisti ora lo nduma, nawo wechidapfuna Israeli kui madumbu hamatambaṟuo. Hamu na isho shose nyashi yake ilehalukia kuleshipfo, indi owoko loke lui luhoṟuo itane wulalu.

YESAYA 9:13

Indi wandu wo walehalukia ichu alewakapa-pfo, na ishiha Mndumii menyi Matoṟito.

YEREMIA 10:25

Nyashi yapfo ihoye mkambo fo wandu walakuindia, na huya wandu walakuichi. Kipfa walewaha luwa lya Yakobo, walewaha na iwarumatsa piu na oruka lowo lukadeo mrapu.”

YEREMIA 15:6

Nyo mulenjileha inyi, ngahamba inyi Mndumii-Ruwa; mkanjida mkawuya nduma. Ko ikyo ngahoṟotsa owoko loko imurumatsa; ngalehela imusaṟia.

YEREMIA 2:13

Kipfa, wandu wako wawuta mawicho kawi, walenjida inyi njii soka ya mṟinga fo moo wakasuma nduwa tsawo wamenyi, nduwa tsiifuna, tsilechiidima iwada mṟinga.”

YEREMIA 2:17

Ishi shilekuchea cha uwekunda kumonyi, kipfa kuleda Mndumii-Ruwa opfo, lilya alekusongoya njienyi?

YEREMIA 3:10

Kyaindi hamu na isho shose mshiki oke, Yuda ichu awode mtambo alemeche na koko na mrima foke fose-pfo, nalecha na makulembetseṟe.” Mndumii ahamba.

EZEKIELI 3:20

Indi mndu awekewuta sha wuhoṟotsu kawoka iwuta wunyamaṟi na inyi ngamtalia wudeko, kokoya iyo ulamwikimbe nyi echipfa; ma shilya sha wuhoṟotsu awewutie njechishikumbuo sepfo. Kyaindi samu yake njechiiwesa mawokonyi hapfo.

HOSEA 11:7

Ambuya wandu wako nyi walenjidicha, wakakukumba wusingenyi, manya kuwode mowaashuo pfo.

HOSEA 7:10

Ikudosa lya Waisraeli nyi lya waṟingishia, manya kudo walekunda, iwuya na ko Ruwa Mndumii owopfo, manya impfula ko, shindo shi shose.

HOSEA 7:7

Ambuya wose nyi waledosa nyashi ing'anyi cha nungu ya modo, wakawewaha wanene wawo, na wamangi wawo wose wakaoloka, manya kuwode ma mndu, umu alecha injiterewa njimwikanyiepfo.

SEFANIA 3:2

Fuleindia Ṟuwa-pfo; fuleidikia iwawaso-pfo, ma fuleidikia Mndumii-pfo; fulekaa hafui na Mndumii-pfo.

WAROMA 3:11

Kulaipfo awode osaaṟe kulaipfo ai mopfula Ruwa.

WAEBRANIA 2:3

Nyi wuda lochituruchukia-ho so ili loilaala okiio lung'anyi ludi? Nalo kimaenyi kyalo nyi ipfo kundo luleongoyo nyi Mndumii lukaweluwanzio so nyi walya walemwicho.

YOSHUA 23:12

“Kyamba kokoya nyi mochiwuya nduma, mukakulonga na wandu wa mkambo wa waledeo kiidi kyanu, mukawoka ialika kowo nawo wakawealika konu,

1SAMWELI 15:11

Ngawado nyi fowa ili njilewika Sauli nawe mangi o naleda injiosha inyi na ameawutsia mawawaso hakopfo. Samweli kawado nyi nyashi, kaeṟeṟia Mndumii-Ruwa kio taṟaṟaa.