SEFANIA 1:5 - Bibilia Kui Mdedie fo Kimochi

⁵ na walya weindia kulya ruwehu wai kai ka mba na iwo weterewa, na ilya nyamu ya Mndumii na ilya nyamu ko Malkamu;

SEFANIA 1:5 ပူးပေါင်းရင်းမြစ်များ

1WAMANGI 11:33

Kipfa walenjida inyi wakaindia Ashtarothi, ruwa o kika o Wasidoni na Kemeshi, ruwa o Wamoabu, na Milkomu, ruwa o wana wa Amoni ma walahende kiidi kya njia tsako, na mwanduye yako cha Dawidi wandie.

1WAMANGI 11:5

Solomoni kaindia Ashtarothi awei ruwa o kika o Wasidoni, kaweosha Milkomu mkituwa o Waamoni.

1WAMANGI 18:21

Elia kasembelia wandu wose kahamba, “Mochihingahinga kiidi kya mahio hanu hawi mtane indi? Mndumii kokoya nyio Ruwa, mwoshenyi, kyaindi kokoya Baali nyio Ruwa, kyasia mwosheni o.” Wandu walya walamhaluo ma kidedo.

2WAMANGI 17:32

Wandu-wa wakaweindia Mndumii-Ruwa da. Wakasambuṟa wandu kiidi kyawo wa orio mbaṟi na iwahaluo wakohanyi waṟunde kiidi kya handu ha huye na iwuta mwano handu hawo.

2WAMANGI 17:33

Ko ikyo wawekeindia Mndumii-Ruwa, kiheri na ikyo wakaindia maruwa hawo waleduo wawuka orukenyi lowo.

2WAMANGI 17:41

Kyasia wandu wa wamkambo ii waleweindia Mndumii-Ruwa, kyaindi wakaweindia sanamu tsawo tsesalaṟa mṟasa inu, oshari lowo na wudo waiwuta, cha wasahuyawo.

2WAMANGI 23:12

Rasio tsilya wamangi wa Yuda walewika mhambenyi fo kiṟiha kya huye kya Ahazi, hamu na rasio iya Manase alewika kiidi kya njosa tsiwi tsa mba ya Mndumii-Ruwa naletsiwunduo na itsipoṟipotsa, kiidima kakumba ifu lilya kiidi kya kimeda kya Kidroni.

YESAYA 22:1

Otambahaluo huye ya pichi lya shiwonesio. Wulalu nkiki kikuwode iyo, Mṟasa kodoya kai ka mba?

YESAYA 44:5

Umu nechihamba, ‘Inyi nyi o Mndumii na ungi nechikulaha kui rina lya Yakobo’ na ungi naṟehie owokohu loke, ‘Ko Mndumii’ na ikulaha ko rina lya Yakobo.’”

YESAYA 45:23

Ngalya nyamu yako inyi, idedo lyi liwukie dumbunyi lyako kiidi kya wulohi, manya lyechiwuyapfo, ke oshangunyi loko orio ndi ikuleme, na olimi lulye nyamu.

YESAYA 48:1

Adanyienyi isho wandu wa mba ya Yakobo, mokelaho kui rina lya Israeli, muwukie mṟingenyi fo Yuda; mkelya nyamu kui rina lya Mndumii na isenda rina lya Ruwa o Israeli, indi chi kui lohi-pfo na chi sungusihu-pfo.

YEREMIA 12:16

Nahong'u kechiwa wokia wechikulosha njia tsa wandu wako, ilya nyamu kui rina lyako, ‘So Ruwa ai na moo,’ chando walewelosha wandu wako ilya nyamu kui rina lya Baali nyi wudo wechiwa kiidi kya wandu wako.

YEREMIA 19:13

Na mba tsa Yerusalemu na mba tsa wumangi wa Yuda, tsilefanyitso ngafu tsechiwa cha handu ha Tofeti ee da, mba tsose sa kai tsatso wandu walepfamiṟia uvumba itoṟito lyose lya ruwehu, na iletsia maruwa hengi mwano ya mvinyo.’”

YEREMIA 32:29

Wakalidayo wekesaṟikia mṟi fu wechiida napfo na ifukoṟa modo itane fosaramaya hamu na mba wawekedutsia Baali ubani na shidaso shemaya modonyi na iletsia maruwa hengi mvinyo ipfo mbehu ya mba-tso, kundu wanjisohuo mondu.

YEREMIA 4:2

Na iyo nyi wudi ochilya nyamu kui Rina lya Mndumii kui wukilohi, wusumuhanyi na wuhendeli, kochihamba, ‘So Mndumii ai na moo, Nlyondi mkambo fo wandu wechiwikio ona nyio, nawo wechimṟumisha.’”

YEREMIA 49:1

Kirianyi na Waamoni Mndumii-Ruwa nahamba adi: “Ngesa, Israeli awode wana? Ngesa, awode wemwoṟa? Kyawa kida ruwa Milkomu, naitoṟie Gadi na wandu wake wakahaluo mṟi yake iwe yawo yekaa?

YEREMIA 5:2

Ma wakahamba, “So Ruwa ai na moo.” Walya nyamu ya wongo.

YEREMIA 5:7

“Njechiidima njida ikuhoṟia iyo Yerusalemu? Wana wapfo wanjida inyi, na ilya nyamu ko walya walai ruwa lilya waleihuda, waleṟuhuya wakakumbuhana kiidi kya mba ya wameluki wai wafoi.

YEREMIA 7:10

Numa mocha ikuhoṟotsa oshangunyi loko mbai insende kui irina lyako mukahamba “Lui waowishe. Kundu muidime iwuta mawicho halya hose.

YEREMIA 7:9

Ngesa mochiiwa na iṟuhuya, na iwaha na ilya nyamu tsa wongo, iatsia Baali opfamo lo wuindi ioshana na maruwa ha kihenu mulahaichi.

YEREMIA 8:2

“Nawo wechihaolaola osehu lo mnengeṟi na Meri na nyenyeri tsose tsa nginehu, isho waweshikundi na ishiṟundia na iwadana nasho, na ishiwalia na ishiindia; wai, mafuo-ho hechisanyio handu hamu-pfo ma iriko-sepfo; hechiwa kyala kya oruka.

HOSEA 10:2

Mrima yawo iwenjiichuṟe ngeṟo, Wulalu nyi kikiwaṟi wawone ngapo ya wuwicho wowo, Mndumii-Ruwa nyi echiwunduo marasio ho hawo, na inyamaṟa shitaṟa sho shaho.

HOSEA 4:15

Kya lohi nyo Waisraeli mui wamelukimeluki! Kyaindi mulatewe wandu wa Yuda wawade mti! Ma mulahende handu haele ipfo Gilgali, manya mulahende kulya Beth-aweni. Manya mulalye nyamu mochihamba, Chandu Mndumii-Ruwa ai na moo!

AMOSI 5:26

Ee, mochiduo Sikuthi mangi yanu na Kiuni Sanamu yanu, nyenyeri ya ruwa onu, mulemsungusia muwenyi.

MATAYO 6:24

“Kwipfo mndu echiidima ifuṟukanya wanene wawipfo; kipfa kumu nyi echisuo ulya umu, nakunde ulya o kawi; ang'u nahalukie ichu, nainyale ulya ungi. Ma mochiidima isanza mupfuṟukanye Ruwa hamu na Mamonapfo.”

MAWUTO HA WASU 10:9

Kyasia ili lya ngama ili walya warie njia yehenda napfo washikye kufui na mṟi fulya Petro kado na ipfo kitaangehu kya mba ihenda iterewa-pfo Ruwa ili saa ya kaṟandaṟu ya mfiri.

WAROMA 14:11

Kyamba kuu-kuṟehye; Mndumii ahambye, so inyi njii na moo, orio mndu nechinjipfiria ndi na orio olimi lochiichika ke inyi nyi Ruwa.

NGUMBUO YA MAWAWASO 10:20

Adapfumenyi Mndumii-Ruwa, Ruwa onu, mṟundienyi; itumanenyi nao na ilya nyamu kui rina lyake.

NGUMBUO YA MAWAWASO 4:19

Kuṟisenyi kiheri muiambuya nyenyeri, na shindo shose sha ipfo ruwehu, mulashike ishiindia na ishiṟundia. Shindosho Mndumii-Ruwa nainengie wandu wengi washiindie.

YOSHUA 23:7

iki nyi kundu mulakusanze na wandu wa wa mkambo i iledeo kiidi kyanu, manya mlasende marina ha maruwa hawo, manya ilya nyamu ko maruwa ho, manya ihaindia, manya iharamia kyamu,