SEFANIA 1:4 - Bibilia Kui Mdedie fo Kimochi

⁴ Njechihoṟwo owoko loko huya Yuda, na huya wandu wose wai Yerusalemu; na inyi njiarisye wandu mtsuhaṟo fo Baali, fulechiwonose iya, na rina lya Wakemari hamu na Wakohanyi;

SEFANIA 1:4 ပူးပေါင်းရင်းမြစ်များ

2WAMANGI 21:13

Njechihoṟuo Yerusalemu chandu njilewutia Samaria, na mangi Ahabu na oshari loke. Njechiangatsa Yerusalemu cha mndu aiangatsa kitela kisaye na ihongomitso.

2WAMANGI 23:12

Rasio tsilya wamangi wa Yuda walewika mhambenyi fo kiṟiha kya huye kya Ahazi, hamu na rasio iya Manase alewika kiidi kya njosa tsiwi tsa mba ya Mndumii-Ruwa naletsiwunduo na itsipoṟipotsa, kiidima kakumba ifu lilya kiidi kya kimeda kya Kidroni.

2MBONYI TSA MAHERI 34:4

Ko iwawso lyake, wandu wake wakawunduo oshangunyi loke, rasio tsa handu Baali ekeindio, na irumatsa rasio tsose tsekoṟia ubani sa tsiwei kufui na rasio tso; wakapoṟipotsa sanamu tsa Ashera, na sanamu tsingise tsetsana na tsilya tsesalaṟa modonyi; wakatsitana tsikawa kiluli, wakaolia kiluli kyo huye ya makabuṟi ha wandu walya sa waweketsiwutia shidaso ili lyamboko.

IWUKA 15:12

Kulehoṟuo owoko lopfo lo kulyo, Oruka lukawameṟa,

YEREMIA 15:6

Nyo mulenjileha inyi, ngahamba inyi Mndumii-Ruwa; mkanjida mkawuya nduma. Ko ikyo ngahoṟotsa owoko loko imurumatsa; ngalehela imusaṟia.

YEREMIA 6:12

Mmba tsawo tsechiwa tsa wandu wengi; madema na waka handu hamu shechiwa sha wandu wengi; kipfa njechihoṟotsa owoko loko huye ya wenyi orukalu, Mndumii ahamba.

EZEKIELI 25:7

inyi ng'u njikuhoṟuya owoko loko, njihenda imuda mudao wusingenyi nyi wandu wa mkambo njihenu. Kyasia njikerihenda imurumatsa mulechiwa se mkambo fo wandupfo manya mochiwase na orukapfo. Kipfa kya ikyo nyi mochihenda imanya ke Inyi nyi Mndumii-Ruwa.”

EZEKIELI 6:14

Ambuya njechihoṟuo owoko loko huye yawo, njechinyamaṟa oruka lowo luwe mai na mai, kuwokia ora lo huye na lo nuka, kuwokia handu kuwode wandu na kuwokia ipfo nuka mṟasa mṟi fo Ribla, na nyilyo mandi wechimanya ke inyi nyi Mndumii.”

HOSEA 10:5

Wasamaria nyi waihenda idedema kipfa kya ihache lyo lya Betheli, wandu wake nyi wechisumukia kipfa kya ihachelyo, wakohanyi wekemwindia nyi wechimfihiṟia, kyamba kiṟumi kya ihache lyo kyawutoho, nyi kyasia.

MIKA 5:13

Njechikuṟuo sanamu tsa maruwa ha wongo hawuka konu, na irumatsa mṟi yanu.

SEFANIA 2:11

Mndumii nechiwa moowesha mnu, kipfa nechiwawaaha na njaa na maruwa hose ha oruka (maruwa ha wongo) wandu wechiindia Ruwa umu o lohi orio mndu handu hake - ee handu hahadutsu ha mṟingenyi ha mkambo fo wandu.

SEFANIA 2:13

Nechilesha owoko loke ora lo mtsudu na irumatsa Ashuru; nechiterefutsa Ninawi kuhaluke msefu.