SEFANIA 1:3 - Bibilia Kui Mdedie fo Kimochi

³ Njechimamiṟa mndu o wandu na orio kikiwike kyose. Mando ha ngeṟenyi ndehe tserunduka; makunga ha mṟingenyi, hamu na wawicho; njechirumatsa mndu o wandu elechikaa nawono - Mndumii ahamba.

SEFANIA 1:3 ပူးပေါင်းရင်းမြစ်များ

MAWOOKIONYI 6:7

Mndumii kahamba, “Wandu-wa ndewumba njechiwarumatsa iya orukenyi, mndu o wandu na mando ha nja na hekekukuruo wanda na malehe ha ruwehu; kipfa ngailacha mahiyo kya ili njilehawumba.”

YESAYA 27:9

Kyasia wuwicho wo Yakobo wochiilisho wudo, na itso nyitso ndunda tsose tsembuta wunyamaṟi woke; ilyi echihaluo maho hose ha rasioni hawe cha maho maili hamapaṟe-paṟe, mṟasa mbuo na sanamu tsa mnengeṟi tsechihoṟoka-sepfo.

YESAYA 6:11

Na inyi ngawesa, “A nyi mṟasa indi hoi Mndumii?” Nao kanjihaluo, “Nyi mṟasa mṟi ii yechinyamaṟo ilechiwadapfo ma mndu, na mba tsi tsituṟe wandu piu, na oruka lu luwe mrapu;

YESAYA 6:12

mṟasa Mndumii nasamiṟe wandu wahende kuleshe mnu, na handu hasame hawefo mnu kiidi kya oruka.

YEREMIA 12:4

Mṟasa indii oruka lofuha kipfa kya oruka lowuṟa mvuo, maṟa hose ha mdemenyi hanaa. Mando hai ngeṟenyi na ndehe tsapfa, kipfa kya wuwicho wo wengi wahamba; “Ruwa echiwona mtsitsionyi fodu pfo.

YEREMIA 50:3

“Kipfa, mkambo fuwukie mtsudu focha ikapa; fochihaluo oruka loke mrapu. Kulawode mokaapfo; wandu ma mando hose hadichie kuleshe.”

YEREMIA 7:20

Nkyo Mndumii-Ruwa ahambie adi, “Nkya lohi nyashi yako na wulang'a woko njechikupusuya handu-ho, shipusukie wandu na shiuma na mashidi ha mademenyi na shilimu sha oruka, nasho shechikoṟo shiake shilekiwase irumisho.”

YEREMIA 9:10

“Njechifihiṟa huya mafumvu, njechisokio nyi fowa kipfa kya kundu kolisa patenyi; Kipfa kulawode moida-ho kipfa kusaramaye. Ma kuichio ṟu lya mbe pfo. Ndehe tsa ruwehu na mando ha ngeṟenyi, shose shadicha shikadeka.

EZEKIELI 44:12

Kyamba nyiwo walesongoya Waisraeli iindia maruwa hengi, wakatewa wandu wakawuta wunyamaṟi. Ambuya nyi njechiwahoṟoya owoko loko njiwakape. Nyi wudo Inyi Mndumii-Ruwa ngahamba, nyi wechikudika ngapo yawo.

EZEKIELI 7:19

Ambuya nyi wechiwihitsa pesa tsawo na sahabu ipfo njiehu, wechitsiwona cha mambuṟo. Cha kipfa fesa yo na sahabu tsechiidima iwaashuo na nyashi ya Mndumii pfo; manya tsechiidima iwaihutsasepfo kipfa fesa yo na sahabu nyitso tsilewatewa wakehenda itahachia Mndumii.

HOSEA 14:3

Mterewenyi mhoṟie, mudumbuye mochihamba, ‘Uluhoṟie madeko hadu hose, keambia shiinengo shadu, naso nyi lochikuadapfuma ko mrima.’

HOSEA 14:8

Ambuya nyi wakeri iwuya wakae wanda ya wuringi woko, nyi wechioṟa cha dema licha lya msabibu. Wewada kiṟumi cha mvinyo fo Lebanoni.

HOSEA 4:3

Koikyo, oruka lose lui ngumia, wandu wose wa orukalu wakeri isaramaya, handu hamu na mando ha ngeṟenyi na malehe; ma makunga ha ipalyipalyinyi hairumatso.

ZEKARIA 13:2

Mkonu naafo marina ha sanamu hechidetso, nyi wudo Mndumii menyi Matorito ahamba, kuwode echiidima ihakumbuo sepfo, na wudo na waikimbi, na mumuyo fo ngafu fose wawingio wafuno kiidi kya oruka.

MATAYO 13:41

Manomndu nadume wasu wake ipfo wumanginyi woke wasanye mando haendye wusutsu hose na iwo wawutye sha mkika wawewasanya.

MATAYO 23:39

Nyi kipfa ngambia, ‘Kuwokia wulalu mochikiwonana-se na inyipfo na mtane mohamba, ona nyi lo ichu mocha kui rina lya Mndumii.’”

OTAMBAHALUO LO YOHANE 2:14

Indi njikuwodie mondu kya shindo shiwe, kyamba ipfo konyu uwode wandu wawode njopfundo tsa Bileamu awekelosha Balaki iduo wana wa Israeli wutahachinyi wahende ilya nyama ndasye maruwa ha wongo na wuṟuhuinyi na wulala.