SEFANIA 1:2 - Bibilia Kui Mdedie fo Kimochi

² Njechimamiṟa shindo shose, shilechiwono-se orukenyi, Mndumii ahamba.

SEFANIA 1:2 ပူးပေါင်းရင်းမြစ်များ

MAWOOKIONYI 6:7

Mndumii kahamba, “Wandu-wa ndewumba njechiwarumatsa iya orukenyi, mndu o wandu na mando ha nja na hekekukuruo wanda na malehe ha ruwehu; kipfa ngailacha mahiyo kya ili njilehawumba.”

2MBONYI TSA MAHERI 24:24

Ma chandu ichekeṟo lya Washamu liwei litutu, Mndumii-Ruwa naleliinenga wuwinzi kihadi na ichekeṟo ling'anyi lya wandu wa Yuda, kipfa wandu wa Yuda waleda Mndumii-Ruwa, Ruwa o wasahuye wawo. Nyiwudo Washamu, walewuta ngapo ya Mndumii-Ruwa huya mangi Yoashi.

2MBONYI TSA MAHERI 36:21

Na kudo kikawa ke madedo halya ha Mndumii-Ruwa sa halededo nyi mwikimbi Yeremia hakainutsio: “Oruka lochideo wukiwa lulademo ko maka (70), kihianyi na maka iya yose ya sabato sa wandu walaleiṟumisha.”

YESAYA 6:11

Na inyi ngawesa, “A nyi mṟasa indi hoi Mndumii?” Nao kanjihaluo, “Nyi mṟasa mṟi ii yechinyamaṟo ilechiwadapfo ma mndu, na mba tsi tsituṟe wandu piu, na oruka lu luwe mrapu;

YEREMIA 34:22

Inyi Mndumii-Ruwa ngahamba: Njechiwawasa nawo wechiwuya mṟi fu. Wechifusaṟikia, wafuwade na ifurumatsa na modo. Mṟi ya Yuda njechiihaluo iwe mrapu ilawade mndu.’”

YEREMIA 36:29

Na Yehoyakimu cho mangi ya Yuda iyo nochimbia ke inyi Mndumii-Ruwa ngahamba njidi; o nakoṟa paruo yo na modo na iwesa nki ili Yeremia aṟehia ke mangi o Babeli nechicha inyamaṟa oruka lu na imamiṟa wandu na mando hai na moo hose!

YEREMIA 7:20

Nkyo Mndumii-Ruwa ahambie adi, “Nkya lohi nyashi yako na wulang'a woko njechikupusuya handu-ho, shipusukie wandu na shiuma na mashidi ha mademenyi na shilimu sha oruka, nasho shechikoṟo shiake shilekiwase irumisho.”

SHILIO 2:17

Kyamba Mndumii-Ruwa nyi awuta kilya awekusirie, nyi aawutsia shilya awehambie, chando aweikusirie wokia mboko, cha kipfa nyaṟumatso kulawode osaṟio lose; nyi ainenga wakituwa wachihiyo kipfa kya ngapo yapfo, kyamba nyi aṟumisha ngohoda tsa wakituwa wapfo.

MIKA 7:13

Kyaindi oruka lungi lose lochiwa nuka ya msanga, kipfa kya wuwicho wo wenyi wawo.