SEFANIA 1:18 - Bibilia Kui Mdedie fo Kimochi

¹⁸ Fesa ma sahabu yawo yechiidima iwakiṟa mkonu fulyapfo, mkonu fo nyashi ya Mndumii, kipfa oruka lose lochikoṟo na modo fo nyashi yake; kipfa nechiwika mtsitsionyi fo wandu wose wai kiidi kya oruka, ee mtsitsionyi foṟihisha.

SEFANIA 1:18 ပူးပေါင်းရင်းမြစ်များ

MAWOOKIONYI 6:7

Mndumii kahamba, “Wandu-wa ndewumba njechiwarumatsa iya orukenyi, mndu o wandu na mando ha nja na hekekukuruo wanda na malehe ha ruwehu; kipfa ngailacha mahiyo kya ili njilehawumba.”

1WAMANGI 14:22

Kyasia Yuda kawuta shiwichuṟie mnu mesonyi ha Mndumii, wakaendie Ruwa nyashi ko madeko hawo haleida halya ha wandeawo.

YOBU 21:30

Ke wewuta sha mkika wekeringo mkonu fo kiwi, na ikiṟo mkonu fo nyashi yake?

YOBU 3:15

Njiwechikaa hamu na wanene wawewode sahabu, waleichuṟa mba tsawo fesa pacha.

SHIIMBO SHA DAWIDI 78:58

Wakamdosa nyashi kya ikudosa lyawo, wakamtewa kawado nyi wunyenyi kui mfanano yawo.

SHIIMBO SHA DAWIDI 79:5

Ewo Mndumii, mṟasa indii? Nochiicho nyashi mlungana? Wunyenyi wopfo wochiaka cha modo?

MFANANO 11:4

Masaa heketarama mkonu fo kiwi pfo; Indi wulohi wochiashuo mndu na opfu.

MFANANO 18:11

Masaa ha msuṟi nyi mṟi foke fo pfinya; Nyi cha omombo luleshi mahionyi hake.

YESAYA 1:24

Koikyo, Mndumii nahamba, Mndumii menyi Matoṟito o Israeli, “Njechilimbana na iwo wechikapana na inyi, njechiduo kiṟache kya wakituwa wako;

YESAYA 10:17

Na ngeela ya Israeli yechiwa modo, na Mwele oke nechiwa olewo lo modo; nafo fochirumatsa mbeche na msha yake kui mkonu fumu.

YESAYA 10:3

Nanyo mochiwuta kiki mkonu focheo, na kiheri kya orumatso, kechicha kiwuka kuleshe mnu? Alewo mochidichiawu muwone ngaya? Na kiṟumi kyanu mochikida hanga?

YEREMIA 7:20

Nkyo Mndumii-Ruwa ahambie adi, “Nkya lohi nyashi yako na wulang'a woko njechikupusuya handu-ho, shipusukie wandu na shiuma na mashidi ha mademenyi na shilimu sha oruka, nasho shechikoṟo shiake shilekiwase irumisho.”

YEREMIA 7:34

Nkyo kitewe kiidi kya mṟi ya Yuda na njia njinene tsa Yerusalemu kulechiichio ṟu lya menyi wali ma moaliko. Kipfa oruka lochiwa mrapu.”

YEREMIA 9:11

Na inyi njihaluo Yerusalemu mrapu, kuwe kanyi ko mapara; njechihaluo mṟi ya Yuda iwenjisame, kulechilao nyi mndu.

EZEKIELI 16:38

Njikeri ihenda ikuanduya, uwone ngapo ya opfu cha mndu mka awodo eṟuhuya ang'u mndu awaha, njiwewuwuya samu yo ilepusuka ko nyashi na wunyenyi wung'anyi.

EZEKIELI 23:25

Kyamba njechisotsia nyashi yako huye yapfo, nawo wechikukapa ko nyashi ing'anyi. Iyo nyi wechikudumbuo mbuo yapfo na madu hapfo, na wandu wo wapfo wechitsuhaa nyi wechiwawaha na oshu. Ambuya, nyi wechiduo wana wanu wa kiumi na wa wa kika, na wandu wapfo wechitsuhaa nyi wechiwakoṟa na modo.

EZEKIELI 7:11

Iwonyia lyamewa ndichi ya wuwicho, kuwode manya mndu umu echiashuka kiidi kyawopfo ma o mbaṟi yawopfo. Manya kuwode kindo kechiichiko kya ipfo wusuṟinyi wowopfo, manya kochiwonekanase iṟumisho kiidi kyawopfo.

EZEKIELI 7:19

Ambuya nyi wechiwihitsa pesa tsawo na sahabu ipfo njiehu, wechitsiwona cha mambuṟo. Cha kipfa fesa yo na sahabu tsechiidima iwaashuo na nyashi ya Mndumii pfo; manya tsechiidima iwaihutsasepfo kipfa fesa yo na sahabu nyitso tsilewatewa wakehenda itahachia Mndumii.

EZEKIELI 7:5

Ambuya Mndumii-Ruwa nyi ahamba, ngapo huye ya ngapo ikeri ikucheya.

SEFANIA 1:11

Wulalu fuhenyi nyo mose mokekaa Makteshi, kipfa walya wekapa mbucha wasaramaya; iwo wawode mkunja ya fesa wapfie.

SEFANIA 1:15

Mkonu fulya nyi mkonu fo nyashi, mkonu fo kiwi, mkonu fo inyamaṟo na iliso wukiwa, mkonu fo meema rambatanyi, mkonu fo mapuchi na mema fushinge,

SEFANIA 2:2

ili mandi kulamcha iwawaso, kulameshika mkonu fo kiwi mkonu fo nyashi ya Mndumii injiwawo.

SEFANIA 3:8

Kyasia njiwedenyi Mndumii ahamba, mṟasa mkonu fulya njekure njiduo wandu wapfungo kipfa njikuteseheṟie isanya wandu wa mkambo, kundu njikoyanyishe mangi tsose, njiwaloshe kui nyashi yako yee, wulang'a wo nyashi yako, kipfa wuyana wose wochirumatso kui modo fo wunyenyi woko.

MATAYO 16:26

Kipfa iki mndu echiira-ho kya wowina woke nyi kiki kokoya nyi awinyia wuyana wose kawuwona kadetsya-ho moo foke? Ang'u kindo mndu echiwika kiwe ndalai ya moo foke nyi kiki?

1 WAKORINTO 10:22

Ang'u nokunda ipfulutsa Mndumii nyashi? Nyi loidima imwota o ko?

NGUMBUO YA MAWAWASO 31:17

Nlyondi nyashi yako yechiwachea mkonufo, na inyi njechilekana nawo njiowishe kyamu kyako kuleshe nawo, wechikombetso. Mawicho hafoi na mawina shechiwarohia tane wakumbuo ke mawichoho hawahoya kipfa Ruwa owo ai kiidi kyawopfo.