SEFANIA 1:10 - Bibilia Kui Mdedie fo Kimochi

¹⁰ Na kiidi kya mkonu fulya, Mndumii ahamba, kochiwada kifihiṟo mongonyi fo makunga na ifuha ling'anyi kihongo kya kawi, na mtiṟi fung'anyi fuwukie fumvuhu.

SEFANIA 1:10 ပူးပေါင်းရင်းမြစ်များ

2SAMWELI 5:7

Kyaindi Dawidi kakapa na iwada mṟi fulya fo Sioni, na ifulaha ni mṟi fo Dawidi.

2SAMWELI 5:9

Kyasia, Dawidi amewada mṟi fulya fumṟingichie omombo fo Sioni, kakaapfo, kafulaha nyi “Mṟi fo Dawidi.” Dawidi kawika mṟi fulya kafuṟingichia omombo kechiwokia Millo na ihendia kiidi kya mṟi fulya.

2WAMANGI 22:14

Ko ikyo Hilkia mkohanyi, Ahikamu, Akbori, Shafani na Asaya, wose walehenda ko mndu mka umu mwikimbi rina lyake nyi Hulda awei mka o Shalumu mana o Tikva, mana o Harhasi, moringa nguwo tsa hekalu. Maheri ho Hulda nawekekaa kiidi kya kihongo kya Yerusalemu, nawo wakadeda nao.

2MBONYI TSA MAHERI 3:1

Kyasia Solomoni kawoka iwika hekalu lya Mndumii-Ruwa kulya Yerusalemu fumvuhu lya Moria, handu Mndumii-Ruwa alechea ndeye o Mangi Dawidi, handu Dawidi aweteseheṟie, hehuya Ngano kyahunyi kya Ornani Myebusi.

2MBONYI TSA MAHERI 32:22

Njia ii, nyiyo njia Mndumii-Ruwa aleashuo nayo mangi Hezekia na wandu wa Yerusalemu kuwuka mawokonyi ha mangi Senakaribu, mangi o Waashuru, na kuwuka mawokonyi ha waturi wawo wengi. Kawatana wakakaa na ofoṟo na wawamṟasa wawo wose sa wawewaṟingichie.

2MBONYI TSA MAHERI 33:14

Numa ya ishi, Manase kaengeṟa isungusia kohenda huye omombo lo kyanja lo oralu lo ngamenyi lo mṟi fo Dawidi, kuwokia ndumba ikeri oralu lo kyukanyi lo soka ya Gihoni kulya mfonyi fo Kidroni, mṟasa Mongo fo Makunga, iṟingicha mṟasa kihongo kya mṟi folaho nyi Ofeli. Kadosa omombo lulya huye mnu. Na kya ngoseṟa, nalewika machekeṟo na wasongoru wawo kiidi kya mṟi iya yose ya Yuda sa iwewode omombo.

2MBONYI TSA MAHERI 34:22

Koikyo, Hilkia handu hamu na walya wengi sa wawewadume nyi mangi, wakahendia mwikimbi Hulda, mka o Shalumu, mana o Tokathi, mana o Hasra, sa ekehoṟokia maṟao ha maṟunda ha hekalunyi (nawekekaa Yerusalemu kiidi kya kihongo kya kawi) wakadeda nao kya shilya shilewutika.

NEHEMIA 12:39

lukaweidiya mongo fo Efraimu, mongo fo Yeshana na, mongo fo Makunga, mnaṟa fo Hananeli na mnaṟa fo Ihana mṟasa Mongo fo Machondi. Kyaṟo kyadu kikaawutsio mongonyi fo Hekalu.

NEHEMIA 3:3

Kishari kya Hasena kikawika mongo fulya fo Makunga, wakawikapfo maboriti hake, na ihoṟotsa mongo iya yake na menya tsake na sombo tsake.

YESAYA 59:11

So lose luiringona cha rumu; lui fowenyi cha mbeta, luiweda mwanduye fo lohi kyaindi kuwode-pfo; na okiṟo indi lui haleshe naso.

YEREMIA 39:2

Na kiidi kya mfiri fo kenda fo meri fo kana, maka fo ikumi na limu fo wuchili wo Sedekia, ora lo omombo lo mṟi lulewunduyo.

YEREMIA 4:31

Kipfa ngaicho ṟu lya ifihiṟa cha mndu mka kiheri kyake kya mawawio, ṟu lya mndu aiwawio, cha mndu mka afee mana oke o kuwoka, ṟu lya mana o waka o Siyoni, aikuwanza naidime isanyia pfinya, na ihoṟuo mawoko hake kechihamba, ochia loko wulalu, kipfa ngalehela oshangunyi lo wawaahi.

EZEKIELI 6:13

Nlyondo mochimanya ke inyi nyi Mndumii ili mandi mnying'a yawo yechitengitia oshangunyi lo sanamu tsawo na shitaṟa shawo shedasia, na huye ya mafumvu, na wanda ya mashidi mecha ha kimaṟamaṟa, na wanda ya mashidi ho hang'anyi na handu hose na orio handu wawekewutia mwano ko maruwa hengi.

AMOSI 8:3

Shiimbo shawo sha Hekalunyi lyako shechiwa kilio maheri halya, Mndumii-Ruwa ahamba, mnying'a yechifo, wechiikumba orio handu, watsie sau.

SEFANIA 1:15

Mkonu fulya nyi mkonu fo nyashi, mkonu fo kiwi, mkonu fo inyamaṟo na iliso wukiwa, mkonu fo meema rambatanyi, mkonu fo mapuchi na mema fushinge,

SEFANIA 1:7

Tsia sau oshangunyi lo Mndumii-Ruwa; kipfa mkonu fo Ruwa fui hafui; Mndumii nyi ateseheṟie kidaso, Nyi ailyishiye wahenu wake.