RUTI 2:7 - Bibilia Kui Mdedie fo Kimochi

⁷ nao kahamba, hoi ngaterewa nenga momu njiche numa ya iwa wakeri isambuo njitole, mtsuhaṟo; kyasia kacha nao naletsinda wokia ngamenyi mṟasa wulalu, indi nalekaa kanyi kiheri kifui.”

RUTI 2:7 ပူးပေါင်းရင်းမြစ်များ

MFANANO 13:4

Mbihu fo mndu mdoko fulangie elewona kindo; Indi mbihu fo mpfuṟukanyi fochinuo.

MFANANO 15:33

Iindia Mndumii nyi wuwawaso wo wuṟango; Kisongoye kiṟumi nyi ikunyiiṟa.

MFANANO 18:23

Mkiwa neketerewa Mndumii; Indi msuṟi nekehaluo na wulang'a.

MFANANO 22:29

Ngesa omewona mndu mpfuṟukanyi kiidi kya iṟunda lyake? Icho nechihoṟoka oshangunyi lo wamangi; Echihoṟoka kiidi kya wandu walaichiopfo.

KOHELETI 9:10

Kyose owoko lopfo lochiidima iṟunda, ṟunda na pfinya tsapfo tsose, kipfa kuwode iṟunda, ma chila, ma wuṟango, ma wulaanyi ipfo waṟumu kundu ukeri ihenda iyopfo.

MATAYO 5:3

“Nanga iwo wai wakiwa kui mrima, cha kifa nyiwo wumangi wo ruwehu woiwa wowo.

WAROMA 12:11

Mulalehele ihidya siṟi, mwake-akye mrimenyi yanu mochisingya Mndumii.

WAGALATIA 6:9

Kyasia luhende iwuta kilya kii kicha lulalemo. Lukaakaa ludo lulawuya numa naso na lochikusambuya kii kyadu ilindi matika halya ha mateṟye heshika iwoneka.

WAEFESO 5:21

Muwe mochikunyiṟyana ipfo makambenyi hanu muwodo nyi wuowu woowuo Kristo.

RUTI 2:2

Ruti Mmoabu kawia Noemi, “Wulalu njihenda demenyi, njihende njetola mtsuhaṟo fo mahaa ipfo numa ya iwo wasambuo ko icho ngawona osu oshangunyi loke.” Kambia, “Kyasia manoko kuhendie.”

RUTI 2:21

Ruti Mmoabu kahamba, “Ee, kanjiwia, ukae iya iya hafui na wanake wako mṟasa lumarise isambuo shilimu shako shose.”

RUTI 2:6

Ulya mohoṟokia kambia, “Nyi mana ulya o waka Mmoabu ulya walecha na Noemi wawuka Moabu;

RUTI 2:8

Kyasia Boazi kawia Ruti, “Manoko, adanyia; iyo kulahende itola mtsuhaṟo mademenyi hengi, manya kulakure iya, indi ukae iya hafui na mana chu oko o waka.