RUTI 1:16 - Bibilia Kui Mdedie fo Kimochi

¹⁶ Nalyo Ruti kahamba, Ulanjiterewe njikude, Njilechioshana na iyo; Kipfa iyo hando ohenda njechihenda, Hando okaa, njechikukaya. Wandu wapfo wechiwa wandu wako, Ruwa opfo nao nechiwa Ruwaoko;

RUTI 1:16 ပူးပေါင်းရင်းမြစ်များ

2SAMWELI 15:21

Nahong'u Itai kahaluo Dawidi kambia, “Ngalya nyamu njechisenda rina lya Ruwa ke; handu hose ochiwa na inyi njehenda na iyo ko mecha ang'u mawicho, ma koka nyi opfu njechiwa na iyo.”

SHIIMBO SHA DAWIDI 45:10

Adanyia mana o waka, ambuya! Deha kudu kopfo. Hadima wandu wapfo na kanyi ko ndeo mokufee.

MFANANO 17:17

Mbuya ikundi mfiri yose; Na manaomayo namfee mkonu fo kiwi.

YESAYA 14:1

Kipfa Mndumii nechiwuyase isaṟia Yakobo, nechisambuṟa Israeli-se, nao nechiwawikase orukenyi lowo wawenyi; mhenu nechikulunga nawo, nawo wechiwadana na mba ya Yakobo.

DANIELI 2:47

Mangi kahaluo Danieli kambia, “Nyi kya lohi Ruwa chu onu nyi Ruwa kota maruwa hengi, nyi Mndumii-Ruwa o Wamangi aichi iloṟa shiṟike na ishihaluo pata - kipfa iyo noleidima iloṟa kiṟike ki.”

DANIELI 3:29

Wulalu ngawika wuwawaso ke mndu oose o wumangi woko icho echideda idedo lilawaṟi lya Ruwa o Shadraki, Meshaki na Abednego, wechimanyo manyo o na mba yake iwe handu hekumba mambosha; kipfa kulawode Ruwa ungi echiidima ikiṟa adi.”

DANIELI 4:37

Na hong'u inyi Nebukadneza njiadapfuma Mangi ya ruwehu, njimṟumisha, njimuindia; kipfa mawuto hake hose nyi ha lohi, na njia tsake nyi tsa sumuhana; walya wekushela wose nekewasotsa.

HOSEA 13:4

Mndumii-Ruwa nyi ahamba adi; “Inyi nyi Mndumii-Ruwa njii Ruwa onu, ambuya nyi njilewawuta kulya Misri, manya kuwode se ruwa ungi sile na inyi, manya kuwode se mndu echiidima iwakiṟapfo.

ZEKARIA 8:23

Mndumii menyi Matorito nahamba adi, “Mkonu yo wandu ikumi, wa shishomo shose sha wandu, wechiwada omambo lo nguwo ya Myuda, wechiwada wehamba, Lochihenda hamu nanyo, kipfa loicho ke Ruwa nai nanyo.”

MATAYO 8:19

Naho kukacha nafo mlosha o mawawaso umu kambia, “Marya, njeoshana na iyo kundu omekuhendya kose!”

YOHANE 13:37

Petro kambia, “Alewo Mndumii, kitewe njilaidima ikulatya wulalu nyi kyo iki? Njechireka moo foko njikuletse-pfo.”

MAWUTO HA WASU 21:13

Paulo kahaluo, “Muiwika muda, ifuha na injifunya ngoo? Kyamba inyi njikuteseheṟye kya ipfungo na njiwekuṟeheṟye ma ihenda iwoho kyewikya rina lya Mndumii Yesu wuindi.”

1WATESALONYIKYE 1:9

Kipfa wekehamba wa wenyi kyadu njia lulemwitso nayo ipfo konu nyi nki, na chando mulemhalukya Ruwa momlehana na mfano iya muwe mochipfuṟukanya Ruwa menyi-moo ai o lohi.

YOSHUA 24:18

nao Mndumii-Ruwa nyi alefuna wandu wose. Waamori wose wakeri kunu orukenyi, koikyo so nyi lukeri ihenda iṟundia Mndumii-Ruwa, kyamba oo nyi ai Ruwa odu.

OTAMBAHALUO LO YOHANE 14:4

Nyiwo iwo walawekuterefutsye na imelukameluka wawekaa wakeha. Nyiwo wekeoshana na Kidahina ki orio hando kihenda. Nyiwo wametalao ipfo wandunyi wakasonguo italayo-ho Ruwa na Kidahina ki.

RUTI 1:15

Nao kahamba ambuya mkomii opfo nawuya na ko wandu wake na ko ruwa oke; wulalu wuya uoshane na mkomii opfo.

RUTI 1:17

Handu opfiia na inyi njechipfiia-ho, nahondo njechiṟiko; Mndumii nanjiwutye ado na iengeṟa. Nyi opfu tupu lochiluletsana.

RUTI 2:6

Ulya mohoṟokia kambia, “Nyi mana ulya o waka Mmoabu ulya walecha na Noemi wawuka Moabu;

RUTI 4:15

Nao nyi echikuwihiṟia moo, na ikuambuya kiheri kya wuku wopfo; kyamba malyi chu opfo nakukundi, nao nakushikie kota wana mfungade ulewafee.”