OBADIA 1:3 - Bibilia Kui Mdedie fo Kimochi

³ Orikiki lo mrima fopfo lulekulemba, Iyo okekaa njopangenyi tsa maho hang'anyi, Hando okekaa nyi huye mnu; Ekehamba mrimenyi foke, “Nyiu echinjisotsa inyi?”

OBADIA 1:3 ပူးပေါင်းရင်းမြစ်များ

MAWOOKIONYI 36:8

Esau kakaa fumvuhu lya Seiri; Esau nyio ndee o Edomu

2WAMANGI 14:7

Amazia nalewaha Waedomu shiku ikumi (10,000) kiidi kya pichi lya monyo kaduo ko pfinya mṟi fo Sela na ifulaha Yoktheeli; nyi wudi fokelaho itane wulalu.

2MBONYI TSA MAHERI 25:11

Kyasia, Amazia katumuhaṟa mrima foke, kahenda na ichekeṟo lyake mṟasa mfo fo Monyo. Ipfo nyipfondu alewaaha wandu shiku ikumi (10,000) wa machekeṟo ha Seiri.

2MBONYI TSA MAHERI 25:12

Wakawadase mdeho wandu wengi shiku ikumi (10,000), wakawadosia handu ha huye iṟaṟenyi lya mṟi fo Sela, wakawakumbalia, wakaho maṟaṟenyi ha wanda, wakapoṟiposo, wakawa njana njana.

YOBU 20:6

Mndu mnyamaṟi nechiidima ikudosa mṟasa nginehu, mdo foke fukashika mapuchinyi.

MFANANO 16:18

Orikiki losongoya orumatso; Na ngoo yekapa kawi yasongoya ioloka.

MFANANO 18:12

Kulamewade inyamaṟika mrima fo mndu fokushela; Kulamewade wuindi kosonguo ikunyiiṟa.

MFANANO 29:23

Orikiki lo mndu lochimsotsa Indi ulya awode mrima fokunyiiṟa nechiindyo.

YESAYA 16:6

Luleicho mbonyi tsa orikiki lo Moabu, ke nyi wenyi orikiki lung'anyi; mbonyi tsa ikushela lyake; na orikiki loke, na nyashi yake; ikushela lyake chi kindopfo.

YEREMIA 21:13

“Ambuya inyi njii nanyo, wandu wa pichili pfo, ma iṟaṟa lya rendewelenyipfo, Mndumii ahamba nyo mokehamba; ‘Nyiu echisoka nakapane naso, ang'u nyiu echiida kiidi kya kyoṟa kyadu?’

YEREMIA 37:9

Inyi Mndumii-Ruwa ngahamba mulakulembe muwenyi na ihamba ke wandu wa mbahanyi wa Wakalidayo wechikure, na kya lohi wechikure pfo.

YEREMIA 48:28

“Lanye wandu wa Moabu, wukenyi mṟinyi, muhende mbakonyi! Muwake mbeta yekewika sungu, kundu kuwode mchenje.

YEREMIA 49:16

Mbonyi tseowesha na orikiki lopfo shakulemba, iyo okekaa kiidi kya mbako tsa ngaṟahamba tsa maho, kowekaa huya njowerihu tsa fumvu! Ma chando uwikie kanyi kopfo huye cha mbero, inyi njechikupuhutsa uwuke ipfo kundu ui. Nyi inyi Mndumii-Ruwa ngahamba.

YEREMIA 49:4

Nki ili mukushelia mapichi hanu nyo mulaidikie, wandu mulekusiria masaa hanu, mochihamba: Nacho echikaria ikapana naso?

EZEKIELI 28:16

Kiheri kyo mbucha tsapfo tsileengeṟeka, kowoka iwada ngoo ya ulembi, kowoka iwuta wunyamaṟi. Kipfa kya ikyo ngakufuna ko ngafu ukae haleshe na fumvu lyako liele. Na malaika ulya awei mṟingi opfo kakufunyia haleshe hamu na shindo shilya sheakaaka.

MALAKI 1:4

Ma chandu Edomu ahamba ke, luiwapaṟe-paṟe, lochiwuya luhende isungusia handu kuledeo mrapu; Mndumii Menyi Matoṟito nahamba adi, “Wo nyi wechiwika mba, kyaindi inyi njechiiwunduo.” Wandu wechimulaha, “Isanga liwicho sa Mndumii-Ruwa alisuo mlungana.