NEHEMIA 13:28 - Bibilia Kui Mdedie fo Kimochi

²⁸ Kyasia Yoyada mana o Eliashibu mkohanyi ang'anyi kaalika mana o Sanbalati kuwuka mṟi fo Beti-horoni, na inyi ngamfuna oshangunyi loko.

NEHEMIA 13:28 ပူးပေါင်းရင်းမြစ်များ

EZRA 10:8

Indi kokoya mfiri iṟaṟu yaida mndu alacha, kui pfinya ya wanene nechisoko masaa hake hose, nao nawewuto siṟinyi ya walya wose wawewukie wusingenyi.

NEHEMIA 12:10

Yeshua nyi alefee Yeyakimu, Yeyakimu kafee Eliashibu, Eliashibu kafee Yoyada.

NEHEMIA 12:22

Kiheri kya Elishibu, Yodaya, Yohanani na Yadua wanene wa oshari lo Walewi, walya wawewaṟehie; na kiheri kya mangi Dario wanene wa oshari lo wakohanyi waṟehie.

NEHEMIA 13:25

Kyasia ngawadedia, wasoṟowo na iwasesa, ngawewakapa na ikuruo njui tsawo, kyasia ngawawia wawike kyasa ko rina lya Mndumii-Ruwa ke wechikaa wawutese wudo-pfo, wo manya wana wawo wechikaa waalikane na wandu wa mkambo ingi njihenupfo.

NEHEMIA 2:10

Kyaindi Sanbalati, Mhoroni, na Tobia, Mwamoni mṟundi oke, kiheri waleicho ke inyi nyingacha isaya mbonyi tsa Wayuda tsiwe njicha, walechihiyo manya le pfo.

NEHEMIA 2:19

Kyasia Sanbalati, Mhoroni, Tobia, Mwamoni mṟundi oke na Geshemu, Mwarabu, kiheri waleicho wado wakaluseka na ilusalucha. Wakahamba, “Nyikindo kida ikyi mukeri iwuta? A ngesa nyi mukundi ikuletsana na mangi?”

NEHEMIA 3:1

Kyasia mongo Fulya fo Machondi fukowiko ko wuhya nyi Eliashibu, mkohanyi ang'anyi hamu na wana wa mae wawei wakohanyi. Wakafushimbuo na iwihiṟiapfo mongo iya yalo, wakawewika se mnaṟa Fulya fo Ihana limu (100) itane mnaṟa fo Hananeli.

NEHEMIA 4:1

Kyasia Sanbalati kekiicho ke nyi lowoka iwika ko wuhya omombo lulya nyi alesuo mnu kawoka ilusalucha,

SHIIMBO SHA DAWIDI 101:8

Ngamenyi itane ngamenyi njechiwanyamaṟa; wawicho wose wa wuyana; njiwaletsane wose wewuta mawicho na mṟi fo Mndumii.

MFANANO 20:26

Mangi njiṟango yekeela walai na wusumhanyi; Nekepiṟintsa iho lyesea huyawo.

MFANANO 20:8

Mangi adamye kidinyi kya wuitoṟi, Nekeela mawicho hose na meso.