NAHUMU 3:4 - Bibilia Kui Mdedie fo Kimochi

⁴ Kipfa kya wumeluki wopfo, kipfa kya mmeluki ulya awode oshangu lucha, mka ulya o mbonyi tsa wusawi, ekekumba wandu wa isanga kui wumeluki woke, na kishari kya wandu kui wusawi woke.

NAHUMU 3:4 ပူးပေါင်းရင်းမြစ်များ

YESAYA 47:8

“Kyasia, wulalu, adanyia ishi, iyo ukundi useṟeṟi, okekuwona ke nyi uwode mkuachie ui kipuo, iyo okededa mrimenyi fopfo ke; ‘Inyi nyio inyi, kulawode ungi shila na inyi njechidamia cha mkusu-pfo, manya njechiidima ipfiio nyi wanapfo.’

YESAYA 47:9

Kyaindi nomanye ke ishi shechikuhoya oweṟe lumu, mfiri fumu nopfio nyi wana na icheyo nyi wukusu; shechikuhoya mkonu mteṟie, wusawi wopfo ma wuwechifo na wuhanga wopfo wukang'ana.

EZEKIELI 16:35

“Mndumii nyi ahamba adi kyapfo iyo mndu mka muohi.

OTAMBAHALUO LO YOHANE 18:23

Manya sa ya taa ilakilimkye-se hando ipfo kiidi kyapfo. Manya maṟu ha sia ha moalyika na moalyiko halakiichio iipfo kiidi kyapfo. Kyamba wekapa mbucha wapfo wawekeri wanene wa wuyana wu, cha kipfa nyi uwekeinenga mkambo ya wandu wuṟoi wopfo woinanza, kui wuhanga wopfo wuwicho wakahenda itandawusho wose!”

OTAMBAHALUO LO YOHANE 18:9

Na wamangi wa masanga iwa wawemelukameluka nafo na ilya nafo kya useṟeṟi nyi wechifulilia na ifuha kyafo iliindi wechiwona mtsu fo wuhyu mṟi fochisenekia.