NAHUMU 2:11 - Bibilia Kui Mdedie fo Kimochi

¹¹ Hanga miiso yekekaa hanga wana wa miiso wakaa Miiso njisoṟo na njika na wana na kuwode alewaoweshaṟ

NAHUMU 2:11 ပူးပေါင်းရင်းမြစ်များ

MAWOOKIONYI 49:9

Yuda nyi ialea lya miiso (simba) Kuwuka kilasionyi, mana oko, noledopfo. Nalearama kakulaṟa wanda cha miiso, Na cha miiso njika; nyiu echimwamtsa?

YESAYA 13:7

Kui kipfa kya ikyo mawoko hose hechiṟengeṟa, na ngoo ya orio mndu yechisalaa.

YESAYA 31:4

Kipfa Mndumii nanjiwia adi, “Chandu kii ili mwiso foipete na ialea lya mwiso huya kichau kyalo kiwode, walisi wafoi wakalaho kundu wakape, kyaindi mwiso fochiowesho nyi maṟu hawo ma kipfa kya mtiṟi fowopfo; nyi wudo Mndumii menyi Matoṟito echisoka kundu nakapane shida huya fumvu lya Sioni, na huya sohu yake.

YESAYA 5:29

Iringona lyawo lyechifanana na lya mwiso; Wechiringona cha maalea ha mwiso; Ee, wechiringona na iduo wapfungo, Na iwaduo na ihenda kipuo, Kulechiwoneka mowakiṟa.

YEREMIA 2:15

Miiso njikoho tsiṟuṟuma kipfa kyake, tsapoṟohoṟa mnu na ṟu ling'anyi; tsikatewa oruka lukadeo mrapu, Mṟi ikasaramaya ilawode wandu.

YEREMIA 4:7

Mwiso fowoka kiṟaṟonyi kyafo, nyi fo forumatsa mkambo fo wandu; fowoka ihenda ipfo na ipfo, fowuka handu fuichiwie; fochiende wukiwa wung'anyi, na oruka lochideo mrapu kulawode modeo-ho.

YEREMIA 50:17

“Israeli nyi ichondi lyekeowelio na iwingio nyi mwiso. Kuwoka walerumatso nyi mangi o Ashuru na wulalu Nebukadneza mangi o Babeli nafunjafunja mafuo hake.

YEREMIA 50:44

“Ambuya, inyi njechiwa cha mwiso fosoṟomoka ngeṟenyi ya meda fo Yordani na iida handu hawode kando kecha. Inyi Mndumii-Ruwa njechiwapuhutsa oweṟe wandu wake wawukie koke. Na inyi njechiwika pfo msongoru echiwaiṟinganyisho na inyi nyiu echiidima injiwada mondu? Nyi mlisi uhya echiidima injilema?

EZEKIELI 32:2

“Iyo mndu! Imba kisuku ochifihiṟia Farao, mangi o Misri. Iyo Farao nulekuwona ke iyo nyi mwiso kiidi kya mkambo ya wandu, kyaindi iyo nyi ukeri cha kinyau kikeri mṟingenyi: Ambuya nyi nokekure ko pfinya ipfo medenyi yapfo, kowefohafoha mṟingafo ko madende hapfo, kowefanyitsa meda yo.

YOELI 2:6

Wandu waiweidia na uowu wung'anyi, na shamu shawo shikaalachika.

MIKA 5:6

Wa oshari lo Yakobo wedeoho na moo, wadung'anyie kiidi kya mkambo ifoi, wechiwa cha mlewi fo Mndumii-Ruwa fokewihiṟia moo, cha ṟauṟa ikeolokia maṟa maumu ilakeendo nyi mndu ma ikusihia mndu.

NAHUMU 2:12

Miiso fuletafuo-tafuo mooko fo wana wake, fukatsindikia mayawo mooko, likaichuṟa opanga lolyo nyama na kichau kishikie.

NAHUMU 3:1

Ochia lo mṟi fo samu! Fuichuo mbonyi tsa wongo, isoka wandu shindo shawo na iduo wandu wapfungo shilechisia.

SEFANIA 3:3

Wachili wafo nyi miso tsipoṟohoṟa; walya wehoṟokia wengi nyi shisii sha kiukanyi; tsilekelaṟa kindo itane ili lya ngama.

MAITALA 23:24

Ambuya! Waisraeli wamekure cha mwiso njika, wahoṟoka cha mwiso ya kisoṟo. Nyi cha mwiso ilekelaa mado itane yamarisa shindo shayo yawaaha, na inyo samu ya shindo shayo yawaaha.”