NAHUMU 1:2 - Bibilia Kui Mdedie fo Kimochi

² Mndumii-Ruwa nyi ai moṟisaṟisa, nyi eketaa kiṟache; Mndumii nyi menyi kiṟache, nyi aichuo nyashi; nyi eketaa kiṟache ko wakituwa wake, nyi ekewika kisa kya nyashi yake ko wakituwa wake.

NAHUMU 1:2 ပူးပေါင်းရင်းမြစ်များ

YOBU 20:23

Chandu echitambahana iihutsa ndeu yake nechikoyana na tuke ya Ruwa impusukie cha kando kake.

SHIIMBO SHA DAWIDI 94:1

Hoi Mndumii-Ruwa o kiṟache, Ruwa o kiṟache, ukuloṟe!

IWUKA 20:5

kulashiindie manya ishiṟundia; kyamba inyi Mndumii-Ruwa, Ruwa opfo nyi Ruwa njiwode wunyenyi, njekewuwuya njonyamaṟo tsa wandee wa wandu ipfo ko wana wawo, mṟasa kishari kya kaṟaṟu na kya kaana kya iwo wanjisuo,

IWUKA 34:14

Kyamba wechiindia ruwa lyingipfo, cha kipfa Mndumii-Ruwa, ichu ai rina lyake nyi menyi wunyenyi, nyi Ruwa menyi wunyenyi.

IWUKA 34:7

ekeichio makulili wandu shiku shiku, ekehoṟia wuwicho na madeko na wunyamaṟi; manya ekeitalia mndu mmbicho ke nalawode mti manyalepfo; msa eketaa wana kiṟache kya wuwicho wo wandeawo, na wachuku na njukuṟi daa, tane ufee wo kaṟaṟu na wo kaana.

YESAYA 42:13

Mndumii nechikuloṟa cha mbahanyi; Nechiambuya woṟisa cha mndu o shida. Nechifuha, ee, nechifahia; Nechiwutia wakituwa wake mbonyi tsiṟihishie.

YESAYA 51:17

Kure, kure, hoṟoka, iyo Yerusalemu! Iyo ulenyo owokonyi lo Mndumii, Kitela kya kirahu kenango, Kokinyo kokimarisa.

YESAYA 51:20

Wana wapfo wauma, Walee mbai ya njia njilandari tsose, Cha mtonyi odehonyi; Iichuo nyashi ya Mndumii-Ruwa, Kiṟache kya Ruwa opfo.

YESAYA 66:15

Kipfa Mndumii naicha cha modo na magari hake ha shida cha otanu lo kiwiriwiri; kundu natae kiṟache kya nyashi yake ko modo fuaka na mapfundo hake kui olewo lo modo.

YEREMIA 25:15

Nyi wudi Mndumii-Ruwa o Israeli anjiwia, “Ambia kirahu kya mvinyo fo nyashi ii owokonyi loko, norutse wandu wose wa mkambo iwo njechikuduma kowo.

YEREMIA 28:8

Waikimbi waweipfo kacha waleonguo kya mṟi ifoi na huye ya mangi tsing'anyi mbonyi tsa shida na sha mawicho na kya ndaṟe ya makokoi.

YEREMIA 3:5

Nyechiwada nyashi yako mlungana Naiwada itane matsitsionyi: Ambuya nohamba kudo, indi nowuta shindo shiwicho, noosha njia yapfo kumonyi.”

YEREMIA 36:7

Kofia orio umu owo nechida ohendo loke luwicho kipfa kwi nyashi na tuke njiwawo.”

YEREMIA 4:4

Halukienyi Mndumii cha wandu wadine mrima nyo wandu wa Yuda na wenyi Yerusalemu; nyashi yako ilamkooye cha modo, ikaaka kulawode mndu moirumisha, kipfa kya wuwicho wo mawuto hanu.”

YEREMIA 50:15

Kapenyi kifahio kya shida njora tsose, wulalu Babeli nokuloṟa uwado. Njotiṟiwa tsake tsaoloka, mawanda hake hawunduyo. Njitaa kiṟache huya Babeli, uwawutie chandu ulewutia wengi.

SHILIO 4:11

Mndumii-Ruwa nyi alelekia nyashi yake ing'anyi, kaatsa modo fukakoṟa Sioni, mṟasa njomombonyi tsafo.

EZEKIELI 36:6

Koikyo iyo mndu henda wuta wuikimbi kya oruka lu lo Israeli kochiwia mafumvuho na shitoṟomotso, hamu na meda na mapichiho ke Inyi Mndumii-Ruwa nyi ngahamba mbonyitsi kipfa kya nyashi yako, na wunyenyi woko ko oruka lu loko, kyamba ilerumo nyi mkambo ya wandu.

EZEKIELI 38:18

Mndumii-Ruwa nyi ahamba adi: “Mkonu iya Gogu echikapa Israeli, njechiatsa nyashi yako.

EZEKIELI 38:19

Ambuya inyi kui wunesi na kui nyashi yako ngahamba njidi mkonufo nyi kochiida kiding'ashi king'anyi kiidi kya Israeli.

EZEKIELI 39:25

“Nyi wudo Inyi Mndumii-Ruwa njikeri ihamba, njikeri ihenda isaṟia Waisraeli wai nyi wana wa Yakobo njiwewawihiṟia se mboṟa yawo, kundu rina lyako liele liidime se iindio.

EZEKIELI 5:13

“Nyi wudong'u njechiawutsia nyashi yako kowo na mrima foko fuwade ofoṟo fukeseke. Nawo waidime imanya ke nyi inyi Mndumii, njiwode wunyenyi, njilewakapa kipfa kya mawicho hawo.

EZEKIELI 6:12

Kipfa walya wakeri haleshe wahenda iwoho nyi ndaṟe, na walya wakeri hafui wahenda iwoho nyi shida, na iwo wechitsuhaa wawoho nyi njaa. Nyi wudo njiawutsia nyashi yako huye yawo.

EZEKIELI 8:18

Ko kipfa kya ikyo, nyashi yako yechiwasokia, manya riso lyako lyechiwaliliapfo, manya njechiwasaṟia pfo ma kokoya wechicha ifihiṟia madunyi hako, njechiwaadanyiapfo.”

YOELI 2:18

“Kyasia Mndumii-Ruwa kakunda oruka loke, na isaṟia wandu wake.

WALEWI 26:28

kyasia na Inyi njechiwingana nanyo kui nyashi ing'anyi, njimukape Inyi njimonyi ka mfungade ngoseṟa kipfa kya njonyamaṟo tsanu.

MIKA 5:15

Na kui nyashi yako ing'anyi njechitaa kiṟache ko mkambo iya yose ileleha injiindia.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

ZEKARIA 1:14

Malaika ulya alededa na inyi kanjiwia, wulalu kapa kitohyo na ihamba, Mndumii menyi matorito nahamba adi, Ngawado nyi wunenyi kipfa kya Yerusalemu na kipfa kya Sioni, wukang'ana mnu.

ZEKARIA 8:2

“Mndumii menyi Matorito nahamba adi, Inyi njiwode wunenyi kipfa kya Sioni, wunenyi wung'anyi kipfa kyake na nyashi ing'anyi.

MAITALA 25:11

“Finehasi mana o Eleasari, mana o mkohanyi Aroni, ameoloṟa nyashi yako kipfa kya Waisraeli; kiidi kyanu nao tupu alewado nyi wunyenyi chandu inyi njiwuwode. Nkyo kitewe njilalerumatsase Waisraeli wose kui nyashi yako.

WAROMA 12:19

Wana wa wama, Ma mulatae kiṟaache deyenyi Ruwa, kyamba kui kuṟehye kiṟaache nyi kyako inyi, nyio inyi njechitaa. Nyi wudo Mndumii ahambie.

WAROMA 13:4

Kyamba nyi wukukerye-ho mpfuṟukanyi mokupfuṟukanya iyo kya wucha. Indi komkoya owuta kii kiwicho owuo, kyamba walakupfungye oshu kya wulya; kyamba nyi wakeri mpfuṟukanyi o Ruwa mowonya mndu awutye owicho wudeheli wurio nyi tuuke iya ya Ruwa.

NGUMBUO YA MAWAWASO 4:24

cha kipfa Mndumii-Ruwa, Ruwa onu nyi modo fokekombetsa; o nyi Ruwa moṟisaṟisa.”

NGUMBUO YA MAWAWASO 7:10

Kyaindi echida alakapa iwo wamsuopfo.

WAEBRANIA 10:30

Kyamba luichi ichu ahambie, “Idehelya mndu lyankoya inyi, nyio inyi njechitaa kiṟache.” Kukawehambo lingi, “Mndumii echidedya mkambo foke.”

YOSHUA 24:19

Kyaindi Yoshua kawawia, “Ambuyenyi, nyo mochiidima iṟundia Mndumii-Ruwapfo, kyamba oo nyi ai mwele. Kyamba oo nyi Ruwa awode wunyenyi, elechiidima iwahoṟia madeko na njonyamaṟo tsanu.

2PETRO 2:9

Mndumii aichi iletsa wandu wamwidikie kiheshionyi kyawo, indi iwa walasumhanyi nyi aichi iwasuṟumya ngapo mfiri foanduo waipfo wechidehelyo.