NAHUMU 1:10 - Bibilia Kui Mdedie fo Kimochi

¹⁰ Kipfa kokoya wawa cha msha iwadanyi, na irutsa cha ili wainyo wechikombetso cha makaanjo maumu.

NAHUMU 1:10 ပူးပေါင်းရင်းမြစ်များ

2SAMWELI 13:28

Kyasia, Absalomu kadeda na waṟundi wake kawawia, “Wedenyi mṟasa Amnoni nanyo wari nanango; kiheri njechimuwia mumbahe, wutenyi kudo ma mulaowuo kindo kipfa nyi inyi ngamuwawasa.”

SHIIMBO SHA DAWIDI 118:12

Walenjitengetia cha njuki, Wakaruma cha modo fo mshenyi; Kui rina lya Mndumii njilewaarisia wanda.

SHIIMBO SHA DAWIDI 68:2

Chando mtsu fokewiwito nyi otanu, nyi wudo okewawiwita; chando muo fokesalaa modonyi; na wudo wewuta mawicho wekedeka oshangunyi lo Ruwa.

IWUKA 15:7

Kui mfoeṟa fo wunene wopfo nokeombotsa wandu iwo wekekutengetia; Nokedika nyashi yapfo, nayo ikakombetsa cha masaho maumu.

IWUKA 5:12

Kyasia, wanduwo wakanyanyaṟikia orukenyi lose lo Misri kundu waidime isanyiapfo masaho ha mademenyi handu ha maṟa.

YESAYA 27:4

Njiwode nyashi kiidi kyako-pfo; Kima mbeche na msha shiwekeri kusonguo koko le, Njiwekupfunga kya shida, Njiweirumatsa yose handu hamu.

YESAYA 47:14

Ambuya, wechiwa cha mashaku maumu; modo fochiwarumatsa, wechiidima ikukiṟa na olewo lo modopfo; fochiwa okaa looda modopfo, ma modo fokaa kufuipfo.

YESAYA 5:24

Ko ikyo chandu olewo lo modo lokerumatsa mashaku maumu, na natsi yaoloka modonyi na wudo rina lyawo lyechiwa owicho, na kiwaṟo kyawo kiwiwito huye nyi otanu cha kiluli; kipfa waleha iwawaso lya Mndumii menyi Matorito, na ipiṟa idedo lya ichu Mwele o Israeli.

YESAYA 56:12

Wekehamba, “Njonyi luhende ishiha mvinyo, Na luwenyo mnu wari! Ngama yewa cha inu, luchihiyo lya wueṟa.”

YESAYA 9:18

Kipfa wuwicho wokerumatsa cha modo; wokelya mbeche na msha, yee, wokekoṟa ngeṟa na mashidi, wokedo huye kiidi kya mapuchi malemeri ha mtsu.

YEREMIA 51:39

Wakawado nyi oṟoo lung'anyi, njechiwaṟeheṟia mfuho; njechiwananza itane watangaluka, wechilaa mado ha mlungana walechikure se, nyi inyi Mndumii-Ruwa ngahamba.

YEREMIA 51:57

Njechinanza wanene na walaanyi wawo, waitoṟi wawo, wachili na waskari wake; wechilaa mado ha mlungana walechikuṟe se. Ngadeda inyi mangi na rina lyako nyi Mndumii-Ruwa Menyi Matorito.

MIKA 7:4

Ulya mcha kota wo nekelisa wandu wukiwa cha mbeche. Kokoya kwipfo asumhanyi nyi cha oṟiho lo msha. Mkonu fowo fohoṟuo fuweiwedio foshika. Wulalu nyi wai iṟewe.

NAHUMU 3:11

Ngoseṟa nochinango, nochiowisho; nochishiha omombo kipfa kya wakituwa.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

1SAMWELI 25:36

Kiheri Abigaili alewuya na kanyi, nalekoya Nabali asungusie mfuho fung'anyi kulya kanyi fo kiumangi. Nabali nawekesekie mrimenyi foke mnu nakamu, kyamba nawemnanzi mnu nakamu. Ko ikyo Abigaili alemmbia kindo kyosepfo mtano ili lya ngama ngamenyi.