MIKA 6:5 - Bibilia Kui Mdedie fo Kimochi

⁵ Lanye wandu wako, kumbuonyi chandu Balaki mangi ya Moabu aleoka mtambo, na chandu Balaamu mana o Beori alemhaluo. Kumbuonyi shilya shilemuhoya njienyi kiidi kya Shitimu na Gilgali. Kumbuonyi mumanye mawuto hako hemukiṟa!”

MIKA 6:5 ပူးပေါင်းရင်းမြစ်များ

SHIIMBO SHA DAWIDI 111:4

Nalewika ngumbuo ya mawuto hake ha kiṟiha; Mndumii nyi menyi wucha na osaṟio.

SHIIMBO SHA DAWIDI 143:11

Hoi Mndumii, njiwihiṟia moo kui rina lyapfo; kui wusumhanyi wopfo kewuta ngoo yako wukiwenyi;

SHIIMBO SHA DAWIDI 36:10

Uwawanzie iwo wakuichi isaṟia lyapfo; na waharami wa mrima wuhendeli wopfo.

SHIIMBO SHA DAWIDI 71:19

Na wusumhanyi wopfo, hoi Ruwa ui huye mnu. Iyo ulewuta mbonyi njinene, hoi Ruwa, nyiu ai cha Iyo?

YESAYA 1:27

Sioni yechikiṟo na mwanduye, na walya wecha kui wukiilohi wechikiṟo.

MAITALA 22:41

Ili lya ngama, Balaki kaduo Balaamu kado nao mṟasa Bamoth-baali, kuwukaho Balaamu kaidima iwona Waisraeli maata.

MAITALA 23:27

Balaki kawia Balaamu, “Ncho; njikuduo handu hengi. Kofia Ruwa nechiidikia nowasese wanduwo handu hako kuwukapfo.”

MAITALA 25:1

Lilya mandi Waisraeli wawei kulya shitimu wasoṟo walewooka iṟuhuya waka wa Moabu.

MAITALA 25:2

Wakawo wakalaha Waisraeli wahende iindia mfiri mnene yedasia maruwa hawo, nawo Waisraeli wakalya shelya na iindia maruwa hawo ha wongo.

MAITALA 31:16

Kumbuonyi ke waka nyiwo waleidikiana na mbonyi tsa Balaamu, wakatewa Waisraeli wakalekana na Mndumii-Ruwa kulya Peori itane wahoyo nyi ndaṟe njiwicho.

MAITALA 31:8

Kiidi kya wanduwo walewaaho, kuweipfo wamangi watanu wa Wamedi: Evi, Rekemu, Suri, Huri na Reba. Wakawewaaha Balaamu mana o Beori.

MAITALA 33:49

Walewika handu hesia moo kufui na meda fo Yordani makidi hawi ha Beth-yeshimoti na pichi lya Abel-shitimu rendewelenyi tsa Moabu.

WAEFESO 2:11

Kusaṟenyi, ke ili kacha muwei mkambo ya wandu wai nyamenyi, muwesendo mulai wadine nyi wayuda wekyekuhamba walya wa odino nalo lui lo mbaṟi iya yekewuto nyamenyi tsa mndu kui owoko.

NGUMBUO YA MAWAWASO 16:3

Mulalye mwanofo na mkate intarang'ashe. Ko mfiri mfungade mochilya mkate ilantarang'ashe, nyi mkate ya mawukiwa-cha kipfa mulewuka Misri kui wuitiki; ko ikyo, kiheri kyose kya moo yanu mochikumbuo mkonu fulya mulewuka Misri.

NGUMBUO YA MAWAWASO 23:6

Ko ikyo mulawatarame wawone ofoṟo na ona.

NGUMBUO YA MAWAWASO 8:18

Kumbuonyi ke Mndumii-Ruwa, Ruwa onu, nyio alemuinenga wuidimi wowona wusuṟi. Nekewuta ado kundu nawanze mma fulya alewika na wandeanu mṟasa inu.

NGUMBUO YA MAWAWASO 8:2

Kumbuonyi chandu Mndumii-Ruwa, Ruwa onu, alemuteteṟa kulya kyaṟonyi kileshe; ikyama kulya nuka ko makayo makumi haana, kundu namutiichie na imuhesha namanye isho muweiikusaṟa mrimenyi yanu, kokoya muweiwada mawawaso hake ang'u ote.

NGUMBUO YA MAWAWASO 9:7

“Kumbuonyi manya mulahadime chandu muledosa Mndumii-Ruwa, Ruwa onu nyashi kulya nuka. Wokia mkonu mulekure orukenyi lo Misri tane mkonu mulepfulutsa na mulewamonyamaṟia Mndumii-Ruwa.

YOSHUA 2:1

Kyasia Yoshua kaduma wandu wawi ko kiṟika wawuka Shitimu wahende isoṟa mbonyi tsa oruka lulya wechiwoka mṟinyi fo Yeriko. Nawo wekihenda wakakuidia mba imu ya mndu mka mmeluki elaho nyi Rahabu, wakakaapfo.

YOSHUA 3:1

Kyasia ngamenyi kilawo Yoshua handu hamu na Waisraeli wose wakawoka kyaṟo wawuka Shitimu wekishika alya medenyi fo Yordani wakawikaho kiṟaṟo walammboka iambada.

YOSHUA 4:19

Wana wa Israeli wakaambada meda fo Yordani meri fo kuwoka fushikie mkonu fo ikumi, nawo wakawika kiṟaṟo mṟinyi fo Gilgali ora lo ngamenyi lo mṟi fo Yeriko.

2PETRO 2:15

Waleda njia njihoṟotsu wakaṟahaṟaha wewingya njia ya Beleamu mana o Beori alelanga wuṟundi wo wumbafu wulya.

1YOHANE 1:9

Indi lukatocha manyamaṟo hadu o Ruwa ai mhendeli asumhany nechiluhoṟya manyamaṟo-ha na ilusanja hando hose lufanyi.

YUDA 1:11

Ochia lowo! Wandu wamhenda njia ya Kain wakaeko nyi wulembi wo weri wo Bileamu wakawerumara wai walemi cha Kora.

OTAMBAHALUO LO YOHANE 2:14

Indi njikuwodie mondu kya shindo shiwe, kyamba ipfo konyu uwode wandu wawode njopfundo tsa Bileamu awekelosha Balaki iduo wana wa Israeli wutahachinyi wahende ilya nyama ndasye maruwa ha wongo na wuṟuhuinyi na wulala.

WACHILI 11:25

Ale, nokusaṟie iyo nowode pfinya kota Balaki mana o Zipora awei mangi o Moabu? O alelimbana na Waisraeli ma ikapana nawo pfo.

WACHILI 5:11

Imbenyi muelewetse waaria wa shiimbo, kundu kuwode maṟungu ha mṟinga onguonyi wuwinzi wo Mndumii-Ruwa, wuwinzi wo wademi wake kiidi kya Israeli. Nlyondi wandu wa Mndumii-Ruwa walesoka mongonyi.

1SAMWELI 12:7

Wulalu hoṟokenyi oo handu mui kundu inyi nanyo luanduyo oshangunyi lo Mndumii-Ruwa, na inyi njechiongoya kya mawuto hake ha kiṟiha sa alehawuta kundu namukiṟe nyo na wasahuyanu.”