MIKA 6:16 - Bibilia Kui Mdedie fo Kimochi

¹⁶ Nyi muosha ofano luwicho lo mangi Omri, na ofano luwicho lo kishari kya mangi Ahabu, na ofano luwicho lo kishari kya mana o Ahabu, mukaweosha makusaṟo hawo. Ko ikyo njimuendie orumatso, orio mndu nechimumina. Wandu wechiwapiṟa orio handu.”

MIKA 6:16 ပူးပေါင်းရင်းမြစ်များ

1WAMANGI 18:4

Kikawa kiheri, Yezebeli aweiwaha waikimbi wa Mndumii, Obadia naleduo waikimbi ihana 100 kawaṟika makumi hatanu opangenyi, kawalela na kando na mṟinga).

1WAMANGI 9:8

Mba ii yechiwunduka iwe mrapu, orio moidaho nechikangaṟika na isingitsa mdo, na iwesa, “Nkiki kitewe Mndumii-Ruwa alewutia oruka lu na mba ii kudi?”

2WAMANGI 16:3

Naleosha ohendo lo wamangi wa Israeli. Lya wueṟa naleitsa mana oke modonyi nawe kidaso, kechiosha mbuka mbicho tsa wahenu walewingio nyi Mndumii-Ruwa kiheri Waisraeli waweida orukenyi lo kyasa.

2WAMANGI 21:3

Kipfa nalesaya handu heleṟia maruwa hengi alya handu Hezekia alewunduo ai ndee. Kawika rasio na shitaṟa shedasia Baali, kasungusia sanamu ya Ashera, chandu Ahabu alewuta mangi o Israeli. Kilashike, Manase katerewa na iindia shindo shose sha nginehu.

2MBONYI TSA MAHERI 22:4

Nalewuta wunyamaṟi oshangunyi lo Mndumii-Ruwa chandu wandu wa mba ya Ahabu walewuta, wo nyiwo walemnenga wulaanyi ndeye amepfa, na imtewa kadekio Mndumii-Ruwa na irumatso.

2MBONYI TSA MAHERI 34:25

Kipfa kya ili walenjida inyi wakakoṟia maruwa hengi shidaso sha ubani; wamedosa nyashi yako ko mawuto ho mawicho ha mawoko hawo. Koikyo nyashi yako yechioloka huya handu ha ma yechiidima ioloṟo-pfo.

SHIIMBO SHA DAWIDI 1:1

Nanga mndu ulya alakehenda hamu na wandu wa mkika, Manya ihoṟoka sumhana na wandu wadeko, Manya idamia mengenyi ya wameluki,

SHIIMBO SHA DAWIDI 44:13

Nyi oluhaluo kindo kededodedo ko wamṟasa wadu, kitaluo na wuilo ko walya walutengetie.

SHIIMBO SHA DAWIDI 44:14

Nyi uleluhaluo oṟaayo ko wandu wa mkambo, kipfa kya isingitsa mdo ya wandu wa oruka.

YESAYA 25:8

Nameṟie opfu mṟasa mlungana; na Mndumii-Ruwa nechiangatsa mchenyeṟe oshangunyi lowo; na sonu ya wandu wake nechiiwuta kiidi kya wuyana wose; kipfa Mndumii adeda isho.

YESAYA 9:16

Kipfa wesongoya wandu-wa nyiwo wekewadetsa, na iwo walesongoyo nyiwo walearisika.

YEREMIA 19:8

Njechihaluo mṟi fu fuwe kindo keṟihisha; wandu na italuka orio moida kufui nechiṟihio na italuo kipfa kya ngapo yafo.

YEREMIA 25:18

Wai Yerusalemu na mṟi ya Yuda na wamangi wawo na wandu wang'anyi kundu wahaluke wakiwa na kindo kiṟihishie na italuka, na oseso chando kui na inu.

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 29:18

Njechimulatia na oshu, njaa na ndaaṟe mbicho. Njechimuhaluo muwe kindo kisukiṟie ko wuitoṟi wose kiidi kya oruka, ee da, kindo cha oseso, kichano, omino na kindo kepiṟo kiidi kya mkambo iya yose njilemufunyia-pfo.

YEREMIA 51:51

Muihamba: ‘Lulesutso na iowesho; sonu tsashikia shaamu shanu, kipfa wahenu waida kiidi kya handu haele ha mba ya Mndumii-Ruwa.’

YEREMIA 7:24

Indi wo waleichowo ma walemanya kundu kowopfo, indi wakawechumia weindia mtambo ya wumbafu wo mahio hawo mawicho walenjikumba mhongo chi oshangunyipfo.

SHILIO 5:1

Kewekumbuowo hoi Mndumii-Ruwa ukewona wo shindo shileluhoya! Keluambuye wo uwone chandu lulewado nyi sonu.

EZEKIELI 39:26

Kyamba ili mandi wechikaase orukenyi lowo kui ofoṟo na olele, manya walawonyi se mndu mowaowesha, ambuya nyi wechihadima sonu tsawo na mawicho halya walenjiwutia.

DANIELI 9:16

Hoi Mndumii-Ruwa, ngakuterewa chandu kirianyi na wukiilohi wopfo, nyashi yapfo ukunde ihooṟa, na ida mṟi fu fo Yerusalemu fumvu lyapfo lyele; kipfa kya wunyamaṟi wodu na wuwicho wo wandeadu, mṟi fu fo Yerusalemu foisalucho nyi wandu wose waluṟingichie.

HOSEA 12:14

“Waefraimu nyi walewichuṟa Mndumii-Ruwa mnu, Koikyo Mndumii-Ruwa nechiwataa kya madeko hawo, nyi echiwakapa kya mawuto hawo walewuta.”

HOSEA 5:11

Efraimu nyi walelya wukiwa, kawesoko na shilya shiwembaṟi, kyamba nyi alekunda iosha wutondo.

MIKA 2:6

“Ulaluongoye so mbonyi tso. Itso chi mbonyi tseongoyo pfo. Kuwode kiwicho keluhoya pfo!”

MIKA 6:13

Koikyo na inyi, ngawoka iwaombotsa wanda, na iwarumatsa kipfa kya njonyamaṟo tsawo.

OTAMBAHALUO LO YOHANE 2:20

Indi njikuwodie mondu, kyamba oidikiana na mka ulya Yezebeli ichu akuhamba amonyi ke mwikimbi o Ruwa kalosha echitusa masinga hako wawe waṟuhui wahende ilya na nyama ndasye maruwa ha wongo.