MIKA 6:15 - Bibilia Kui Mdedie fo Kimochi

¹⁵ Mowaya mbeu, indi mochisambuo-pfo. Mochikama msinepfu, indi mochiṟunda na mafuda-hopfo. Mochikama msabibu, indi mochinyo mvinyo-fo pfo.

MIKA 6:15 ပူးပေါင်းရင်းမြစ်များ

YOBU 31:8

Kyasia njiwaaye na ungi nalye. Ee, shilimu sha dema lyako shikuṟuyo.

YEREMIA 12:13

Walewaaya Ngano wechisambuo mbosha, walelisa wukiwa mbihu yawo indi walaiṟimiṟe. Wulalu tawukenyi kipfa kya mawuto hanu, kipfa kya nyashi njiwawo ya Mndumii.”

WALEWI 26:16

kyasiang'u nyi udi njechiwika: Njechimukapa na imuendie wuowu wung'anyi peṟeseng'u ndaaṟe ya kipeeta na isemu lyechiwaha meso na imupootsa. Mochiwaya mbeu tsanu mulechihuyo kyamba wakituwa wanu nyiwo wechitsilya.

WALEWI 26:20

Mochikuhoda kui pfinya tsanu kya wulya cha kipfa madema hanu heende shilimupfo na oruka lonu lochikumbia ndundapfo.

AMOSI 5:11

Kyasia kipfa kya ili mokewonyia mkiwa, na imsoka ngano yake; nyo muwikie mba tsa maho matsane, indi mochikaapfo-pfo; mudemiye madema mecha ha msabibu, indi mochinyo mvinyo fo fopfo.

HABAKUKI 3:17

Kipfa mkuyu fochiwaṟa shiwaṟo-pfo, Manya ndunda tsa msabibu tsechiwono-pfo; Wukiwa wo msinepfu wowa wo wulya, Kochiwono-se kilimu demenyi-pfo, Kuwode kindo mfiṟihenyi-pfo, Kuwode mbe tsewono mfiṟihenyi-pfo,

SEFANIA 1:13

Na wusuṟi wowo wochidao wusingenyi, mba tsawo tsechiwa njisame, wechiwika mba indi walechikaapfo; wechiwaaya ndunda tsa msabibu indi wechinyo mvinyopfo.

HAGAI 1:6

Ambuyenyi mulewaaya mbeu tsifoi mukasambuo kitutu; mkowelya manya mulaihude; mukanyo mulawute wuangari; mkaṟaa nguwo indi kuwode moicho mrikepfo; na icho moambia wueri kawika mfukonyi futochikyetochikye.

YOHANE 4:37

Kipfa mdedie fu fuhambie, “Mokumba mbeu nyi ungi na mosambwo kawa ungi.

WACHILI 6:4

Wandu wa mkambo wakawika kiwaha orukenyi, wakawakapa na iwanyamaṟia shilimu shawo shoshe orukenyi mṟasa iwo waṟasanyi na Gaza, walawatsuhaṟie kindo kyose, kiwe machondi, mbe, ang'u nzoi.