MIKA 6:14 - Bibilia Kui Mdedie fo Kimochi

¹⁴ Mochilya kyaindi mochiihuda-pfo, mochiengeṟa iliyo nyi njaa kiidi kyanu, mkawika kisa kechiringo-pfo, na kokooya moringa kindo njechikinyamaṟa na shida.

MIKA 6:14 ပူးပေါင်းရင်းမြစ်များ

YESAYA 30:6

Otambahaluo lo mando hai na moo ha Negebu, Makidi hawi ha oruka lo wukiwa na waale, Kokewukapfo mwiso ika na mwiso isoṟo, Njoka na njoka ya modo yerunduka; Wekeduo masaa hawo makosohu ha nzoi njikoho, Na shisa shawo huye ya sisi ya ngamia, Wahende ko wandu walechiwatarama kindo.

YESAYA 65:13

Koikyo Mndumii-Ruwa nahamba adi, “Ambuya waṟundi wako wechilya, kyaindi nyo nyi mochiwado nyi njaa; ambuya waṟundi wako wechinyo, kyaindi nyo nyi mochiwado nyi nyoda; ambuya waṟundi wako wechichihiyo, kyaindi nyo nyi mochisukio;

YESAYA 9:20

Nekesoka ora lo kulyo na iwona njaa, nekelya ora lo kumoso manya eihudapfo, wechilya nyama orio mndu owokonyi loke amonyi.

YEREMIA 48:44

Kokushowa na kiṟihisho, nochioloka rinenyi, kuwuka rinenyi, nochiwado mdekonyi. Kipfa njechiende isho shose huya Moabu, kiidi kya maka fowo fo hoṟuyo. Ngahamba Inyi Mndumii-Ruwa.

EZEKIELI 5:12

Kyamba kyenga kyanu kya kaṟaṟu kechipfa ko njaa na ndaṟe ya makokoi kiidi kyanu, na kyenga kya kawi wechipfa ko oshu na kyenga kya kaṟaṟu njechiwarahanyitsa ipfo na ipfo na oshu loko lochiwaosha ipfo numa yawo.

HOSEA 4:10

Wechilya, kyaindi wechiihuda-pfo; wechimelukameluka, kyaindi wechiwona wana-pfo, kipfa wanjida inyi Mndumii-Ruwa, na ioshana na maruwa hengi.

WALEWI 26:26

Kyelya kyanu njechikitachuo, waka ikumi wechikahaṟa mkate rikonyi lyimu. Wechimuhawia kui kiheo. Ma mukamemarisa ilya shelya na mochiwado nyi njaa tupu.

HAGAI 1:6

Ambuyenyi mulewaaya mbeu tsifoi mukasambuo kitutu; mkowelya manya mulaihude; mukanyo mulawute wuangari; mkaṟaa nguwo indi kuwode moicho mrikepfo; na icho moambia wueri kawika mfukonyi futochikyetochikye.

HAGAI 2:16

Maheri ho mndu aleshikia kiheo kya makumi hawi kuwewode ikumi tupu; na mndu kiheri aleshika hekamya mvinyo naambiṟe kiheo kya makumi hatanu, ate nyi makumi hawi tupu.