MIKA 5:4 - Bibilia Kui Mdedie fo Kimochi

⁴ Nyio echiende ofoṟo. Waashuru kokoya wachea oruka lodu, na iida waringi wadu wowawinza, lochidika waringi wewatoṟomisha, ee da, lochidika wachili wadu wafoi.

MIKA 5:4 ပူးပေါင်းရင်းမြစ်များ

SHIIMBO SHA DAWIDI 145:12

Kundu wamanyishe wandu mawuto hake manene, Na kiṟumi kya wulole wo umangi woke.

SHIIMBO SHA DAWIDI 22:27

Mtsitsionyi yose ya wuyana yechimkumbuo, Wandu wechiwuya mawokonyi ha Mndumii. Wandu wa mbaṟi tsose tsa wandu wechimiindya.

SHIIMBO SHA DAWIDI 72:19

Rina lyake inene lichiko mlungana, wuyana wose wuichuo wuitoṟi woke. Ameni na Ameni.

SHIIMBO SHA DAWIDI 72:8

Nawade wuitoṟi wokia ipalyipalyi mṟasa ipalyipalyi, Wokia meda mṟasa mtsitsionyi fo oruka.

SHIIMBO SHA DAWIDI 93:1

Mndumii naikolonyie; nalekuṟika kiṟumi! Mndumii nalekuiṟika na ikukarisha pfinya! Ee da, wuyana wulewanga wulasingide.

SHIIMBO SHA DAWIDI 98:3

Nalekumbuo isaṟia lyake, na wuhendeli woke ko mba ya Israeli. Mtsitsionyi yose ya wuyana ilewuwona, okiro lo Ruwa odu.

IWUKA 23:21

Kuringenyi oshangunyi loke, mwadanyie ṟu lyake; manya mulamdose nyashi; kyamba; echimuhoṟia madeko hanupfo; cha kipfa rina lyako lyii ipfo kiidi kyake.

YESAYA 45:22

Njiambuyenyi inyi mukiṟo, nyo njora tsose tsa wuyana; kipfa inyi nyi Ruwa kulawode ungi.

YESAYA 49:5

Na wulalu Mndumii nahamba adi, ichu alenjiwumba wokia wusunyi njiwe mṟundi oke, kundu njimwendie-se Yakobo, na Israeli wakusanyie oshangunyi loke-se; (kipfa inyi njilewona Kiṟumi oshangunyi lo Mndumii, na Ruwa kawa pfinya tsako;)

YESAYA 52:10

Mndumii natambaṟuye owoko loke luele Oshangunyi lo wandu wa mkambo fose; Na oruka lose, Lochiwona okiio lo Ruwa odu.

YESAYA 52:13

“Ambuya mṟundi oko nechiwuta na wuṟango, nechiṟumisho, na iirio huye, nao nechikaa huye mnu.

YESAYA 8:7

Kyasia wulalu ambuya; Mndumii naende mṟinga huyawo, mṟinga fo meda fuwode pfinya; mṟinga fo nyi fufoi mnu, nafo nyi mangi o Ashuru na wuitoṟi woke wose; nao nechicha naide huya mfongo yake yose, nechisoka cha mfu fupuike ora lu na ilu;

MIKA 7:14

Ruwa, ringa wandu wapfo na olio lopfo, ringa iwo wa po lyapfo kumonyi iwo wai wawenyi, kundu ko ngeṟa wai waṟingichie nyi teri iwode sari. Uwalise na iwaringa chandu ulewuta ili mboko, kiidi kya Bashani na Gileadi.

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

ZEKARIA 9:10

Na igari lya shida njechiliwuta likae kuleshe na Efraimu, na frasi ikae kuleshe na Yerusalemu, welasa na mfi ya shida shirumatso nechiongoya wandu wa mkambo mbonyi tsa ofoṟo; na uikolonyi woke wochidung'ana kose wokia ipalyipalyi itane ipalyipalyi na wokia meda itane mtsitsionyi fo oruka.

MALAKI 1:5

Meso hanu nyo hechiwona, numa muhambe Mndumii nyio ang'anyi aidie wose wa Israeli.”

MATAYO 16:18

Kyasia na inyi ngakuwia, “Iyo nyi Petro (mndu ai iho) na iho nyilyo njechilihekya siṟi yako. Nayo na shichumi sha Gehena shechiidima ifoyapfo.

MATAYO 2:6

‘Na iyo Betlehemu ukeri ya oruka lo Yuda, ukeri mtutu konyiia wamangi wo Yuda-pfo, kipfa kopfo iyo nyi kochikaa kuwuke mwitoṟi molisiṟa wandu wako Israeli!’”

MATAYO 25:31

“Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke.

LUKA 1:32

Nao nyi echikaa nawe mndu ang'anyi, nawelaho nyi ai mana o ichu ai huye ya shindo shose, na Mndumii-Ruwa nyi echimnenga kitima kya wumangi kya ndee Dawidi.

YOHANE 10:38

Indi kokoya ngawa mohawuta nahong'u mulanjiidikye inyi modeda, keidikyanenyi na maṟunda ho hako mukuwutye-ho imanya kya kisimirya ke o Wande ai na inyi na inyi njii na Wande.”

YOHANE 20:17

Yesu kambia, “Ma kulawone koikuwasha na inyi. Kipfa ili ndamekudoya na kulya ko Wande. Kya indi uhende kulya ko wanawawama nowawie, Njikudoya na ipfo ko Ndeyako nao Ndeyanu na ko Ruwa oko nao Ruwa onu.”

WAEFESO 1:3

Nawikyo kiṟumi Ruwa ichu Nde o Mndumii odu Yesu Kristo ameluonyisha na ona lo kimumuyo lose lurie shisumbo sha ruwehu shii na Kristo.

1PETRO 1:5

Mui-waringe muwodo nyi pfinya ya Ruwa kui wuidiki, muhendewonyo okiio luiluteseheṟe iwoneka kiheri kyefurumya.

YUDA 1:1

Inyi Yuda njii isinga lya Yesu Kristo na manomae o Yakobo ngaiṟikiṟa walahe walya wa Ruwa waiwakunde nyi Ruwa Wande wakaa wai-waringye Yesu Kristo.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.