MIKA 5:10 - Bibilia Kui Mdedie fo Kimochi

¹⁰ Njechinyamaṟa mṟi ya oruka lonu na iwunduo omombo lo mfiṟiha yanu.

MIKA 5:10 ပူးပေါင်းရင်းမြစ်များ

YESAYA 2:7

Ngoseṟa, oruka lowo luichuo fesa, na sahabu, ma kuwode mtsitsioni fo shichoṟe shawo pfo; Oruka lowo luichuo frasi, ma kuwode mtsitsioni fo magari hawo pfo.

YEREMIA 3:23

Na lohi da, ngaya iwaṟi iwuke kuleshepfo, cha fumvuhu; kisanzio kiwode mtiṟi huya fumvu; nyi lohi okiṟo lo Israeli nyi kiidi kya Mndumii-Ruwa, Ruwa odu.’

HOSEA 1:7

Kyaindi njechihoṟia wandu wa Yuda, na iwakiṟa. Inyi, Mndumii-Ruwa, Ruwa owo, njechiwakiṟa, kyaindi chi ko pfinya tsa olemali-pfo, ma chi ko wuda, ang'u ko oshu, ang'u ko frasi, ang'u ko wedoya frasi-pfo.

HOSEA 14:3

Mterewenyi mhoṟie, mudumbuye mochihamba, ‘Uluhoṟie madeko hadu hose, keambia shiinengo shadu, naso nyi lochikuadapfuma ko mrima.’

HAGAI 2:22

Njechipfuluo loṟika lo mangi na inyamaṟa pfinya tsa wamangi wa mkambo ya wandu; njechipfuluo makari, na iwo wadamye pfo, iwo wadamye huya frasi wechioloka wanda, orio mndu kwi oshu lo manomae.

ZEKARIA 9:10

Na igari lya shida njechiliwuta likae kuleshe na Efraimu, na frasi ikae kuleshe na Yerusalemu, welasa na mfi ya shida shirumatso nechiongoya wandu wa mkambo mbonyi tsa ofoṟo; na uikolonyi woke wochidung'ana kose wokia ipalyipalyi itane ipalyipalyi na wokia meda itane mtsitsionyi fo oruka.

NGUMBUO YA MAWAWASO 17:16

Ma kudo, mangi nalawade frasi tsifoi tsii tsake amonyi, manya nalawihiṟe wandu na Misri ihuṟapfo frasi; kyamba Mndumii-Ruwa namututuma, ‘Mulawuyese na Misri manyale.’