MIKA 4:9 - Bibilia Kui Mdedie fo Kimochi

⁹ “Wulalu nki ili muifuha mukaichio ṟu ling'anyi? Ngesa, kuwode-se mangi? Ulya mosoṟa mbonyi nadekadeka. Moiria maṟu ha fowa, cha mndu mka aifee!

MIKA 4:9 ပူးပေါင်းရင်းမြစ်များ

YESAYA 13:8

Nawo wechidedema, na wechiwawio cha mndu mka amlemo, ai hafui na iinengo mkoku, wechitukuyana meso; shamu shawo shechiwa shamu sha modo.

YESAYA 21:3

Kipfa kya ikyo njikeri iwawio itane shitsi shako shamanya, njikeri iwawio ili iwicho-wicho cha mndu mka ai kufui nainengyo mkoku; njiwawio mnu, njilaidime imanya ma iicho; njiichuo wuowu wung'anyi njilaidime iwona.

YESAYA 26:17

Cha mndu mka akapikie kiheri kyake kimandie, awodo nyi fowa na iwawio ling'anyi, nyi wudo luwei so oshangunyi lopfo hoi Mndumii.

YEREMIA 22:23

lyo okekaa Lebanoni, okewika sungu yapfo kiidi kya mashidi ha meresi, nochikaa kui mosaṟio mnu, nochiwawio cha mndu mka ai kufui na ifee.

YEREMIA 30:10

“Inyi Mndumii-Ruwa ngahamba njidi: ‘Ma kulaowuo iyo Yakobo mṟundi oko; ma kulauko madima, iyo Israeli; kipfa njechikukiṟa ipfo kuleshe ui, na oshari lopfo luwuke osamiṟonyi. Nochiwuya na ikaa olelenyi, ma kuwode mokuowesha pfo.

YEREMIA 4:21

Njiambuye bendeṟa mṟasa indii, njiicho ṟu lya iranda mṟasa indii?

YEREMIA 4:31

Kipfa ngaicho ṟu lya ifihiṟa cha mndu mka kiheri kyake kya mawawio, ṟu lya mndu aiwawio, cha mndu mka afee mana oke o kuwoka, ṟu lya mana o waka o Siyoni, aikuwanza naidime isanyia pfinya, na ihoṟuo mawoko hake kechihamba, ochia loko wulalu, kipfa ngalehela oshangunyi lo wawaahi.

YEREMIA 48:41

Mṟi yake yechidao, njotiṟiwa tsechidao. Mkonu fo mrima ya wambahanyi wa Moabu, yechiowuo cha mndumka aifee.

YEREMIA 50:43

Mangi o Babeli naicho mbonyi tsawo, mawoko hake hakawa cha mrewa. Nahoyo mawawio, kawado nyi okoṟa cha lo mndu mka akeri iendio mana.

YEREMIA 8:19

Aikyo kilio kya wandu wako, kyaichuo orukenyi lui kuleshe mnu, ngesa Mndumii ai kiidi kya Sioni? Mangi yake ii kiidi kyake? “Nyi kitewe kya iki wanjipfulutsa nyashi na ofano lowo walepacha, na iwuta sha wukika sha wahenu?

SHILIO 4:20

Wakawada ulya luwemkusirie, Mangi ulya awemshimbuo nyi Mndumii-Ruwa, ulya ewekehamba ke nyi echiluringa na wakituwa wawekeri iluterengia.”

HOSEA 10:3

Kiheri kyo nyi wechihamba luwode se mangipfo, kyamba lukeindiyase Mndumii-Ruwapfo, a ngesa mangi nechiidima iluwutiaki?

HOSEA 13:13

Mawawio cha ha iwoneka lya mana nyi hakeri imchea. Kyaindi o nyi akeri mana mtondo, kiheri kikashika kya ifeo lya mana, oo nekeleha iwuka wusunyi wo mae.

HOSEA 3:4

Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia.

MIKA 5:3

Msongoru cho nechilisa wake kwi pfinya ya Mndumii-Ruwa, kwi kiṟumi kya Mndumii-Ruwa, Ruwa oke, wandu wake wekusaya olelenyi, kipfa nechikuwia mnene mṟasa mtsitsionyi fo oruka.

YOHANE 16:21

Ili mndu mka mlemo arakwo nyi awawyo, nekewado nyi fowa kipfa kiheri kyake kefee kyamshika, indi mandi mana amfeo nakikumbwose mawina halyapfo kipfa kya sia iya imbode ya mndu amfeo wuyanenyi.

OTAMBAHALUO LO YOHANE 12:2

Nao awei mnene kafuha awewodo nyi kinangananga korohyo nyi okoṟa.