MIKA 4:4 - Bibilia Kui Mdedie fo Kimochi

⁴ Orio mndu nechikukaya kwi olele wanda ya mashidi ha msabibu yake, alechiowesho nyi mndu oose. Mndumii-Ruwa ahamba isho amonyi.

MIKA 4:4 ပူးပေါင်းရင်းမြစ်များ

1WAMANGI 4:25

Kiheri kyose kya wuitoṟi woke, wandu wose wa Yuda na wa Israeli wawei kipuo, orio mndu kakaa kanyi koke wanda ya mashidi mecha na madema hake ha msabibu.

1WAMANGI 5:5

Wulalu njikundi iwika mba kui rina lya Mndumii-Ruwa oko, na iki nyi lohi piu kipfa na wudo Mndumii-Ruwa alewia wande kechihamba, ‘Mana opfo ichu echidamia loṟikehu lo wuitoṟi, nyio echinjiwikia mba.

YOBU 11:19

Nochikaa kulawode mokuowesha, wandu wafoi wechikuterewa ndarama.

SHIIMBO SHA DAWIDI 72:3

Mafumvu hechifeeye wandu ofoṟo, na shitoṟomoso wusumhanyi.

MFANANO 3:25

Ulaowesho nyi kindo kya kitusu, Manya kiheri kya kiṟaache kya wawicho ili kechishika.

YESAYA 1:20

indi kokoya moleha na inyamaṟa, mochirumatso nyi oshu; kipfa dumbu lya Mndumii lyadeda isho.”

YESAYA 17:2

Mṟi ya Aroeri injide; yechiwa po lya machondi, nalyo lyechilaa ipfo kulechiwada mowaowesha.

YESAYA 22:25

Kiidi kya mkonufo, Mndumii menyi Matorito nahamba kilya kiwekiikare kechileheṟuka; na kilya kiwepfungie kechidumbuyo na ioloka wanda, na mhanda fulya fuwei huyake fochidumbuyo kuleshe; kipfa Mndumii ahamba ishi.”

YESAYA 26:16

Mndumii, kiidi kya wukiwa wowo walehenda kopfo; waleterewa shiterewo shifoi mnu kiheri kilya ulewahoṟwo.

YESAYA 32:17

Na iṟunda lya wulohi lyechiwa ofoṟo; na shilimu sha wulohi shechiwa nyi olele na mkusirie kitsitsi.

YESAYA 36:16

Mulaadanyie Hezekia;’ kipfa mangi ya Ashuru nahamba adi, “Wadenyi mbuya na inyi, kurenyi muche injisahiya, mulye orio mndu ndunda tsa msabibu yake, na ndunda tsa mkuyu yake, muwenyo orio umu mṟinga fo nduwa yake amonyi;

YESAYA 40:5

Na Wuitoṟi wo Mndumii wochiwono, Na wose wenyi mbihu wechiwona kimu; kipfa nyi dumbu lya Mndumii lyadeda ishi.”

YESAYA 54:14

Nochiwanga kiidi kya kiilohi; nochikaa haleshe na iwonyio, kulechiowuo; wuowu wochikaa kuleshe wulechikusembelia.

YESAYA 58:14

nahong'u ochikuchihiṟa ko Mndumii; njechikudosa itane handu hakuirie; njechikudamiṟa kyooṟenyi kya Yakobo ndeopfo; kipfa nyi dumbu lya Mndumii lyahamba isho.”

YEREMIA 23:4

Njechiwika walisi wechilisa necha ma hechiowuosepfo ma iwado nyi fowapfo, kuwode ma limu lechidekapfo. Mndumii ahamba.

YEREMIA 30:10

“Inyi Mndumii-Ruwa ngahamba njidi: ‘Ma kulaowuo iyo Yakobo mṟundi oko; ma kulauko madima, iyo Israeli; kipfa njechikukiṟa ipfo kuleshe ui, na oshari lopfo luwuke osamiṟonyi. Nochiwuya na ikaa olelenyi, ma kuwode mokuowesha pfo.

EZEKIELI 34:25

Nyi wudo njechihenda iwikiana nawo mkundano fo ofoṟo. Njiwefuna mando malang'a ha ngeṟenyi orukenyi kundu machondi hako hakukae na ofoṟo mapatenyi hechikulaya ipfo ngeṟenyi.

EZEKIELI 34:28

Kyamba kuwodese mkambo ya wandu wechihenda iwatengetiapfo. Manya mando ha ngeṟenyi hechiidimase iwawaha na iwalyapfo. Kii kidi nyi wechihenda ikaa na ofoṟo kulawodese kindo kechiwaowesha.

EZEKIELI 38:11

ochihamba njikeri ihenda ikapa oruka lulawode njomombo na wandu waipfo nyi wakeri na ofoṟo. Iwo wose nyi wakuleye mṟinyi ilawode njomombo; manya mongo manya ilawode kyepfunga.

EZEKIELI 39:26

Kyamba ili mandi wechikaase orukenyi lowo kui ofoṟo na olele, manya walawonyi se mndu mowaowesha, ambuya nyi wechihadima sonu tsawo na mawicho halya walenjiwutia.

WALEWI 26:6

Njechimuinenga ofoṟo orukenyi tane molaa kulawode kindokyo kyose kechimuowesha. Njechiwuta mando ha nja malang'a orukenyi na oruka lonu kochikaapfo shidapfo.

MIKA 5:3

Msongoru cho nechilisa wake kwi pfinya ya Mndumii-Ruwa, kwi kiṟumi kya Mndumii-Ruwa, Ruwa oke, wandu wake wekusaya olelenyi, kipfa nechikuwia mnene mṟasa mtsitsionyi fo oruka.

SEFANIA 3:13

Mtsuhaṟo fo Waisraeli wechiwuta wunyamaṟipfo, manya ihamba wongo; ma olimi lo piṟa lulechiwono dumbunyi; kipfa wechilya na ilaa, kulawode mowaowesha.

ZEKARIA 3:10

Kiidi kya mkonu fulya mochilaha orio mndu na wamṟasa oke wanda ya msabibu na ikidi lya ndunda.