MIKA 4:3 - Bibilia Kui Mdedie fo Kimochi

³ Ruwa nechimarisa shiloyo sha wandu wa mkambo ifoi, nechidumbuo kya wandu wa mkambo ing'anyi ya wandu wa kuleshe. Wo wechitsana njoshu tsawo tsiwe makumbi, na mapfumu hawo hawe mndo. Mkambo fo wandu fochikapana na fungi-pfo, ma wechikulosha kya shida-pfo.

MIKA 4:3 ပူးပေါင်းရင်းမြစ်များ

SHIIMBO SHA DAWIDI 46:10

Lekenyi, mumanye ke Inyi nyi Ruwa, njechiichiko kiidi kya mkambo ya wandu, njechiichiko wuyanenyi kose.

SHIIMBO SHA DAWIDI 46:9

Nalemarisa shida mṟasa mtsitsionyi fo oruka; Kafunja wuda, kamanya mapfumu, kakoṟa magari modo.

SHIIMBO SHA DAWIDI 72:3

Mafumvu hechifeeye wandu ofoṟo, na shitoṟomoso wusumhanyi.

SHIIMBO SHA DAWIDI 72:7

Mfiri ya mndu o wusumhanyi, yechiengeṟo, na ofoṟo sa lung'anyi mṟasa mtsitsionyi fo meri.

SHIIMBO SHA DAWIDI 82:8

Ewo Ruwa, nohoṟoke, noanduye oruka. Kyamba Iyo nochiwaoṟa wa mkambo yose.”

SHIIMBO SHA DAWIDI 96:13

Oshangunyi lo Mndumii, kipfa naicha, kyamba naicha ianduya wuyana. Nechianduya oruka kui sungusihu, na mkambo ya wandu kui wuhendeli woke.

SHIIMBO SHA DAWIDI 98:9

Oshangunyi lo Mndumii; kyamba naicha naanduye oruka, nechianduya, wuyana kui sungusihu, ma mkambo ya wandu kya waria.

YESAYA 2:4

Nao nechiwika mwanduye kiidi kya wandu wa mkambo, nechidedia wandu wa njoshari tsifoi, nawo wechitsana njoshu tsawo tsiwe makumbi, na mapfumuhawo hawe mndo, ma isanga lyechiiria oshu huya isanga lingi pfo, ma wechikuloshase shida pfo.

YESAYA 25:3

Ko ikyo wandu waapfinya wechikuṟumisha. Mṟi fo wandu wa mkambo waoweshie wechikuowuo.

YESAYA 51:5

Wulohi woko wui hafui, okiṟo loko lui pang'a, na mawoko hako hechianduya njoshari tsa wandu; oruka luilutengetie nyi mṟinga lochitirima, lochikusiria owoko loko.

YESAYA 60:12

Kipfa orio oshari na wumangi wo wandu, Walya walakunda ikuṟundia wechiarisika; Ee, wandu wa mkambo-yo wechinyamaṟo kichikichi.

YESAYA 65:25

Mandi-ho, shisii na machondi shechilya handu hamu, miiso yelya maṟa cha mbe; kiluli kechiwa kando ka njoka. Wechinyamaṟa ma iwaha kiidi kya fumvu lielepfo,” Mndumii ahamba.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

HOSEA 2:18

Njechiwika mkundana na mando ha ngeṟenyi, na malehe ha nginehu handu hamu na shose sa shekeafuo, shilakufaṟe. Njechirumatsa wuda, oshu na nzohoṟa tsose tsa shida kiidi kya oruka, na ikutana nokae na ofoṟo.

HOSEA 2:20

Ee, njechikutaya ngosa ko wuhendeli, na iyo nochimanya ke inyi nyi Mndumii-Ruwa.

YOELI 3:2

Njechisanyia wa mkambo wose, na iwasotsia pichinyi lya Yehoshafati. Ipfo njechianduya wandu wo wa mkambo, ko shilya walewutia wandu wako Israeli, wai masaa hako njimonyi. Cha kipfa walewaṟaṟanja kiidi kya wamkambo, na ihawa oruka loko,

MIKA 5:15

Na kui nyashi yako ing'anyi njechitaa kiṟache ko mkambo iya yose ileleha injiindia.

ZEKARIA 14:3

Numa Mndumii-Ruwa nechicha nakape shida wandu wo chando elewuta mkonu ya shida.

ZEKARIA 8:20

Mndumii menyi matorito nahamba, “Kushike kiheri wandu wa mkambo na wa mṟi ifoi wache na kunu,

ZEKARIA 9:10

Na igari lya shida njechiliwuta likae kuleshe na Efraimu, na frasi ikae kuleshe na Yerusalemu, welasa na mfi ya shida shirumatso nechiongoya wandu wa mkambo mbonyi tsa ofoṟo; na uikolonyi woke wochidung'ana kose wokia ipalyipalyi itane ipalyipalyi na wokia meda itane mtsitsionyi fo oruka.

MAWUTO HA WASU 17:31

Nyi ili indi akuteṟye na mkonu foke msa arie icha idumbo nafo mondu fo wuyana wose kya wuhoṟotsu nafudumbuo na msoṟo ulya akumbikye-ho kechiitsya wandu wose mweke fomwidikya ili alemṟutsa wapfunyi.”

OTAMBAHALUO LO YOHANE 19:11

Ngameambuo, ngawona ruwehu kuṟuhukye. Ngawona frasi njiili pang'a na ichu adamye mhongo-hu foyo amlahe nyi “Mhendeli” na “Mokiilohi.” Nyio ekedumbuo mdumbuye mdumbuye isumhanyi na iira shida kyayo.

1SAMWELI 2:10

Wakituwa wa Mndumii-Ruwa wechifunjo shipeṟengu shipeṟengu, nechikoṟoṟoma kipfa kyawo, cha ikuṟuṟuma nginehu. Mndumii-Ruwa nechianduya wuyana wose. Nechiinenga mangi yake pfinya na ing'anyisha wuidimi wo msambuṟe oke.