MIKA 4:2 - Bibilia Kui Mdedie fo Kimochi

² wandu wa mkambo ifoi wechishika pfo wechihamba; “Nndenyi ludo na fumvuhu lya Mndumii-Ruwa, luhende mbenyi ya Ruwa o Yakobo, kundu naluloshe njia tsake, luweosha njayo tsake.” Kipfa uwawaso wochiwuka ipfo Sioni; idedo lya Mndumii-Ruwa ipfo Yerusalemu.

MIKA 4:2 ပူးပေါင်းရင်းမြစ်များ

SHIIMBO SHA DAWIDI 110:2

Mndumii nechiloṟa kuwuka Sioni, ndichi ya pfinya tsapfo. Nowade iitoṟia wakituwa wapfo wose.

SHIIMBO SHA DAWIDI 119:1

Nanga wai wahoṟotsu njienyi tsawo, Wekeosha iwawaso lya Mndumii.

SHIIMBO SHA DAWIDI 119:171

Momu yako ihambe kiṟumi, cha kipfa nokenjilosha mapfundo hapfo.

SHIIMBO SHA DAWIDI 122:1

Njilechihio lilya walenjiwia, Kendenyi mbenyi ya Mndumii.

SHIIMBO SHA DAWIDI 25:12

Nyiu aowoye Mndumii? Nyechimlosha kiidi kya njia asambuṟie amonyi.

YESAYA 2:3

Na wandu wa masanga wechihendaho na ihamba, “Nchonyi luhende fumvuhu ko Mndumii, kanyi ko Ruwa o Yakobo, nao nechilulosha njia tsake, naso lochiosha mawawaso hake; kipfa kiidi kya Sioni, kochiwuka iwawaso na idedo lya Mndumii liwuke Yerusalemu.”

YESAYA 54:13

Wana wapfo wose wechilosho nyi Mndumii; na ofoṟo lo wana wapfo lochifo.

YESAYA 56:7

manya iwo njechiwaembeṟa kiidi kya ifumvu lyako liele, na iwachihiṟa kiidi kya mba yako ya wuhendeli wo shiterewo. Shidaso na shiano shemaya modonyi shechiidikio ipfo kitaṟenyi kedasia; kyamba mba yako yelaho nyi mba yeterewia masanga hose.

YEREMIA 31:6

Kipfa kiheri kicha mringi nakape ombe, kiidi kya shifumvu sha Efraimu. “Kurenyi, luhende huye mṟasa Sioni, ko Mndumii-Ruwa, Ruwa odu.’

YEREMIA 42:3

Mndumii-Ruwa, Ruwa pfo, naluloṟe chandu akundi lumwoshe na kilya akundi luṟunde.”

HOSEA 6:3

Ko ikyo lumanye, luweengeṟa imanya Mndumii-Ruwa, icha lyake nyi lii lya lohi, cha icha lya mkonu, ambuya nyi echilucheya, cha mataṟataṟa ha mvuo, chandu mvuo ya kisie yekenosa oruka.

ZEKARIA 14:16

Walya maata wechikia kiidi kya walya wecha ikapa Yerusalemu, wechiwa mocha na Yerusalemu maka kui maka icha iadapfuma Mndumii-Ruwa Menyi Matorito na iindia mkonu fo mfuho fo matengo.

ZEKARIA 2:11

Wandu wa mbaṟi tsose wechiwadana na Mndumii, wechiwang'u wandu wako, na inyi njechikaa kiidi kyawo; na iyo nomanye ke Mndumii Menyi Matorito nanjidumya kopfo

ZEKARIA 9:10

Na igari lya shida njechiliwuta likae kuleshe na Efraimu, na frasi ikae kuleshe na Yerusalemu, welasa na mfi ya shida shirumatso nechiongoya wandu wa mkambo mbonyi tsa ofoṟo; na uikolonyi woke wochidung'ana kose wokia ipalyipalyi itane ipalyipalyi na wokia meda itane mtsitsionyi fo oruka.

MARIKO 16:20

Na walya wa kiloshionyi wakahenda wakaongoya-pfo kose, Mndumii kechiwatarama na idedo lilya wahamba kaliwanza na shiṟingishyo shilya awainengye shewaimya.]

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

YOHANE 6:45

Waikimbi waleṟehya, ‘Wandu wose wechilosho nyi Ruwa.’ Nahong'u orio mndu ose aadanyia kiwuka ko Wande na ikulosha nyi aicha na koko.

YOHANE 7:17

Mndu akundi iṟunda shilya Ruwa akundi nyio echimanya kya mloshye yo yako kokoya nyi ipfo ko Ruwa iwukye ang'u kokoya nyi ngadeda kiwukye koko inyi njimonyi.

MAWUTO HA WASU 1:8

Kya indi nyo mochiambya pfinya ili Mumuyo Mwele echimsokya. Nanyo nyi mochiwa waṟingishi wako ipfo Yerusalemu na Yudaya kose na Samaria itane mokoya mtsitsionyi fo masanga.”

MAWUTO HA WASU 13:42

Ili wambuya idamya wandu wakaterewa ke wahendewio mbonyi tsi lingi Sabato iya ingi.

WAROMA 15:19

Kikawa kui pfinya ya shichano na maṟiho shiweiwiko nyi Mumuyo Mwele, fo Ruwa. Kui ichumia lyako orio handu, wokia Yerusalemu ngashika Iliriko, ngaonguo Ndumi ya Sia ya Kristo kui Wusalari.

NGUMBUO YA MAWAWASO 6:1

Iha nyiho mawawaso, Mndumii-Ruwa, Ruwa onu, alenjitutuma njimuloshe, kundu muhaawutsie kulya orukenyi kundo muihenda ikaa.