MIKA 3:8 - Bibilia Kui Mdedie fo Kimochi

⁸ Kyaindi ko ora loko, njiichuo pfinya na mumuyo fo Mndumii-Ruwa, nanjitaramie imanya mbonyi tsa wulohi, ngawewada pfinya njiongoye, wa oshari lo Yakobo ideko lyawo, na oshari lo Israeli wunyamaṟi wowo.

MIKA 3:8 ပူးပေါင်းရင်းမြစ်များ

YOBU 32:18

Kipfa njiwode mfoeṟa fo madedo mumuyo fui kiidi kyako funjiitika.

YESAYA 58:1

Mndumii-Ruwa ahamba, “Poṟohoṟa ma kulade. Iria ṟu cha mokapa iranda; Ongoya wandu wako deko lyawo, na mba ya Yakobo wunyamaṟi wowo.”

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YESAYA 61:2

Ihamba kya maka fo Mndumii fuwaṟi, na mkonu fo kiṟache kya Ruwa odu; iwihiṟia moo wose waifuha;

YEREMIA 1:18

Kipfa, ambuya mnu nyi ngakuhaluo mṟi fuwode omombo na ngo tsa menya, Mawanda ha menya tsa aṟeṟa huye ya oruka lose, huya wamangi wa Yuda na huya wanene wa wandu na huya wakohanyi wake na huya wandu wa oruka lu.

YEREMIA 20:9

Wulalu ngahamba ke njechimsenda pfo, ma njechidedase kui rina lyake pfo, kyasia kechiwa cha ili kuwode modo, sa fuiaka kiidi kyako fui fupfinyike, kiidi kya mafuo hako inyi ngalehela itirisia, ma njechiidima ikarishia pfo.

YEREMIA 6:11

Kyaindi njiichuo nyashi ya Mndumii, ngalehela na itirisia; letsienyi huye ya wana wai njienyi na kiidi kya wanake, wakuwumbie handu hamu; kipfa mii na mka oke wechidao handu hamu, mndu mku na ulya ashitsie maka yake.

SHILIO 2:14

Waikimbi wapfo nyi walekuendie wuikimbi wo kulemba, Kyamba walekutambaṟuya necha wuwicho wopfo kundu uidime ikualachapfo, kyaindi nyi walekuendie mbonyi tsa wongo na tsekudetsa.

EZEKIELI 16:2

“Iyo mndu henda ongoya mṟi fo Yerusalemu mawicho hafo.

EZEKIELI 20:4

“Alewo iyo mndu nukundi iwaanduya? Kyasia waanduye. Wakumbuṟe kya mawicho ha wafee wawo wawewutie.

EZEKIELI 22:2

“Iyo mndu oidima ionguo muanduye, uanduye mṟi fu fo samu? Kyasia wawie mawicho hawo hose.

EZEKIELI 23:36

Mndumii-Ruwa nalenjiwia, “Iyo mndu oidima iwaanduya Ohola na Oholiba? Kyasiang'u waongoye kya mawuto hawo mawicho hawichuṟie.

EZEKIELI 3:14

Nalyo Mumuyo fo Ruwa fukanjiira alya fukanjiduo haleshe, ngahenda njii msokie nyi fowa na nyashi, kyaindi pfinya ya Ruwa iwei na inyi.

EZEKIELI 43:10

“Ambuya, Iyo mndu! Henda ongoya Waisraeli mbonyi tsi tsa mba ya Ruwa, wawekulosha ofano lo mba yako. Wahende iwodo nyi sonu kipfa kya mawuto halya hawo mawicho wawewutie.

MATAYO 7:29

Kikawa cha mndu awode pfinya, kilawe cha kya walosha wa wuwawaso.

MARIKO 3:17

Yakobo na Yohane wana wa Sebedayo (Yesu kawadumbuya rina nyi Boanerge, nakyo kyahamba, wana wa ikuṟuṟuma.)

1 WAKORINTO 2:4

Na ili njiweideda na yonguo ma njileidimaidima na wuṟango woitika iwinapfo kya indi njiwemanyishya-ho Mumuyo na pfinya.