MIKA 3:5 - Bibilia Kui Mdedie fo Kimochi

⁵ Mndumii-Ruwa nahamba adi, kirianyi na waikimbi wadekesha wandu wako, waikimbi waonguo ofoṟo kokoya wainengo kindo, indi wakaowesha wandu ke kuwode shida kokooya walainengo kindo.

MIKA 3:5 ပူးပေါင်းရင်းမြစ်များ

MFANANO 28:21

Ikundya wandu chi kichapfo; Ma mndu itewo nyi kipeṟengu kya mkate kadeko

YESAYA 3:12

Kiidi kya mbonyi tsa wandu wako, wana nyiwo wechiwawonyia, na waka nyi wo wechiwaitoṟia. Lanye wandu wako, wemusongoya wamudekesha, wanyamaṟa njia yapfo.

YEREMIA 23:27

Wakusaṟie ke wechitewa wandu wahadime rina kui ndodo tsawo, waongoya orio mndu na wamṟasa oke, chandu wandeawo walehadima rina lyako kipfa kya Baali.

YEREMIA 23:32

Ambuya inyi njii huye ya iwo wekehamba shisuku sha wongo. Mndumii ahamba, “Na idetsa wandu wako kui ndodo tsawo na ikushela lyawo lya wutondo, indi inyi njiwadumiepfo, ma njilewawasapfo, manya wechitarama wandu manya kitutupfo. Nyi inyi Mndumii ngahamba.”

YEREMIA 6:14

Wo nyi walechiṟa shifaṟe sha wandu wako huye tupu, wechihamba, “Ofoṟo! Ofoṟo!” Makulawode ofoṟo.

YEREMIA 6:4

Oloṟenyi shida huye yake; kurenyi kudo kiheri kya mfiri. Ochia lodu, mfiri fo kelya, shiṟinje sha kiukanyi shaengeṟa ilea.

SHILIO 2:14

Waikimbi wapfo nyi walekuendie wuikimbi wo kulemba, Kyamba walekutambaṟuya necha wuwicho wopfo kundu uidime ikualachapfo, kyaindi nyi walekuendie mbonyi tsa wongo na tsekudetsa.

EZEKIELI 13:9

Ambuya owoko loko nyi lukeri huye ya waikimbi wo waonguo mbonyi tsa wongo na tsekelemba, wechikaa wawese wanene wa wandu wakopfo, manya wechiṟehiyo ipfo mṟehonyi ha mba ya Israeli pfo, manya wechikaa waide na orukenyi lo Israeli pfo, na ikyo kechimuloṟa ke inyi nyi Mndumii-Ruwa.

HOSEA 4:5

Iyo nochikapa mtulia mfiri, nao miikimbi nechikapa mtulia kio handu hamu na iyo. Njechirumatsa mayo Israeli.

YOELI 3:9

“Onguonyi mbonyi tsi ko wandu wose wa mkambo: Kuṟeheṟenyi ko shida, lahenyi ngohoda tsanu tsose, sanyienyi olemali wanu wose, wahende kusonguo kokapana.

MIKA 2:11

Kokoya kuwemewuka mndu kadeda madedo ha wongo na ha wulya kahamba; ‘Ngaende wuikimbi, ke mochiwona mvinyo na wari sa wufoi,’ ichu moonguo nechikundo nyi wandu wa.

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

MALAKI 2:8

“Ambuyenyi wulalu momehaluka mukada njia iwaṟi; mosuiṟa wafoi iwawasonyi, mukanyamaṟa mkundana fo Lewi, Mndumii menyi Matoṟito ahamba.

MATAYO 15:14

Lekanenyi nawo! Nyi wasongoru wai wapfu meso waisongoya wapfu meso. Kya indi mpfu-meso kasongoya mpfu meso njia nyi wechioloka ṟungunyi wa wawi.”

MATAYO 7:15

“Kekuṟisenyi na waikimbi wa wongo weecha na konu waṟee makata ha machondi indi ipfo kidi nyi wai mashite ha ngeṟenyi malang'a.

WAROMA 16:18

Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda.