MIKA 3:3 - Bibilia Kui Mdedie fo Kimochi

³ Mkalya nyama tsa wandu wako, mkaowuo njonyi tsawo, mkafunja funja mafuo hawo, mkawawehaweha cha nyama tsekoṟa, cha nyama tsewika nungunyi.

MIKA 3:3 ပူးပေါင်းရင်းမြစ်များ

SHIIMBO SHA DAWIDI 14:4

Ngesa wose waichi iwo wekewuta mawicho? Wekelya wandu wako chandu wekelya mkate, Wekelaha Mndumii pfo.

SHIIMBO SHA DAWIDI 27:2

Wewuta mawicho walenjisembeliya, Walye nyama yako, watuuri wako na wakituwa wako, Walekapa mtulia wakaho wanda.

MFANANO 30:14

Kuwode kishari kya wandu wawode maheho maohi; Na shyasa shawo shifananyi na shoshu. Waidime ilya wakiwa wawuto orukenyi, Na wahuṟi kiidi kya wandu.

YESAYA 3:14

Mndumii nechikaa kiidi kya yaanduya, meku na wanene wa wandu wake; Nyi nyo mulelya mdemi fo msabibu; shilya mulewada sha mesa aisho shii ipfo mbenyi tsanu.

YESAYA 3:15

Ili lyahamba ki, nyo iwonyia wandu wako, na ipoṟipotsa shamu sha wakiwa? Njiwesa Inyi Mndumii menyi Matoṟito.

EZEKIELI 11:3

Kyamba wandu wa nyi wakehamba, kiheri kewika mba kyameshikepfo, mṟi fu nyi fukeri cha sufuria yekoṟa naso nyi lui nyama ipfo sufurienyi.

EZEKIELI 24:4

Kewewehienyipfo ngamra tsa nyama njicha, shiteno shicha sha nyama tsa owa na makombe, muweichuṟa pfo mafuo mecha.

AMOSI 8:4

Adanyienyi, iki, nyo mukundi imeṟa walya wahuṟi na iowesha wakiwa wa orukenyi,

MIKA 2:8

Kyaindi Mndumii-Ruwa nahamba adi; “Nyo nyi mokepufukia wandu wako cha wakituwa. Mokewasoka maṟao hawo wandu watsiri, wandu wekekuchumia na ihenda kowo, kulawode wuowu, walawode mahio hose ha shida.

SEFANIA 3:3

Wachili wafo nyi miso tsipoṟohoṟa; walya wehoṟokia wengi nyi shisii sha kiukanyi; tsilekelaṟa kindo itane ili lya ngama.